وش ردة فعلك اذا قالك زوجك (اشوفك بعيني زي الوحش)

[نبراس الشرق]

اخيني كانت لي جاره الله يرحمها كانت تحكي لي عن ابنها وزوجته تقول انه سبب

طلاقهم من بعض ان ابني كل ما شاف زوجته يكون وجهها زي الحمار عزك الله

ولا قدر يكمل العيش معها

غاليتي فتشي قي بيتك يمكن احد عامل لك ولزوجك سحر فكري زين في احد

حاقد عليكم الله يفرجها من عنده ان شاء الله


​

 

[جنان11]

ايه صح ومن ناحية الشيخ
اول ماصدمني بالخبر انهبلت قلت له من متى الحاله هذي فيك
قال لي من فتره ورفض يحدد لي
وابوه ماشاء الله عليه يقرا على الناس
قلت له طيب سويت شي تصرفت قال لا
قلت ليه عاجبك الوضع يعني
قال خلاص اتصرف
قلت ليه مارحت لأبوك يقرا عليك
قال راح عن بالي
قلت له والله لو انك مهتم كان حرصت الناس تسافر علشان تتعالج
وانت ما جاء على باااااااااالك لهدرجه انا ماهميتك يعني عاجبك الوحش اللي قدامك قال خلاص انا اتصرف
الكلام هذا من رمضان والى الان ماشفته راح لأحد يقرا عليه ولا شفته سوى شي وما فتح الموضوع مره ثانيه وانا ساكته
احس انه وصل لغايته اني ما اعاتبه واني اعذره بتقصيره وهو ما شاءالله عايش حياته ولاهي بدنيته
حتى اتذكرقلت له ترا اللي مسحور او معيون تجيه ضيقة صدر يجيه انعزال عن الناس مو زيك ماشاء الله سهر الى الصباح وسفريات لكل مكان بحجة غصب عني مو بيدي ما اقدر اشوفك

 

[عذبةالوصف]

عزيزتي ...
تحري عن صدق الموضوع بطريقتك وملاحظاتك عليه
ابحثي في موقع طبيه عن الاشياء اللي يقولك
وبنفس الوقت غيري اسلوبك معاه
لاعاد تهتمي مثل اول " لانه حاسس بهتمامك الكبير فالوكان جنوبي اهتمامك
حيجي بالسلب "
خليكي انيقه دائما مثل ماقال وازد شووي
بس انتبهي يحس انه عشانه
لا بيني له ان هذا طبعك
زيدي جرعة الانوثه : بدكير ومنكير بفترة متقاربه - عطور غير
بس هذا كله وانتي مو معطيه سالفة قربه اهميه

وراقبي النتائج​

 

[جنان11]

هلا اختي عذبة الوصف
انا شاكره لك نصيحتك الحلوه
بس انا لي فترة سااااااااااافهه الموضوع
وسافهه زوجي بكبره
مسويه نفسي انه ما فيه اي تغيييييير
واني ابدا ما اهتميت بالموضوع
ومن ناحية الميك اب والبدي كير بصراحه لا الجانب هذا مهملته
حتى ميك اب ما احط
ولا استشور شعري ولا اهتم فيه
انا قاصده اسوي كذا
ما ابغاه يحس اني مهتمه علشانه
لأنه بصراحه لي اكثر من سنه وانا كل شهر اهتم بنفسي اكثر من اللي قبله
وبخور وعطور وفواحات واحس انه يصد اكثر
قلت اصد انا بعد وأجرب
ما ادري انا صح او خطأ

 

[qmarel_leel]

انا احسه كلام بس يعني مو صدق مشان يفتك من المواجهه ولكن الحل شغلي قران بالبيت وادعي ربك ولاتحكتكي فيه كتير وطنشيه هالفتره بس حإولي تعرفي شو اللي شاغل البال وربي يهديه ويسخره لك يارب

 

[مستشاره2010]

عليك بسهام الليل
والاستغفار
والحوقلة000000الله يعينك ويثيبك

 

[ابتسامة طفولية]

عزيزتي عشان اقدر اساعدك انا والبنات
لازم توضحيلنا اشياء معينه
يعني لكم متزوجين ؟
وكم طفل عندك ؟
وهل فترة الضعف جاءت فجأه اي هل انتي عروسه جديده ولا لك كم سنه متزوجه
لازم اعرف الاجابات على هذه الاسئله عشان اقدر اساعدك

 

[وحيده في دنياي]

اقري عليه لانام وانفخي عليه
واطلبي له في كل صلاه

والله يفرج همك

 

[جنان11]

هلا بنات الله يجزاكم خير جميعا
حبيت اجاوب اللي سألتني كم لي متزوجه
لي اكثر من ثمان سنوات
وعندي طفلين توي طالعه من النفاس
وحالة الضعف جته تقريبا قبل سنه وشوي
وشاكره لكم اهتمامكم

 

[غرشوب رعبوب]

مادري بس احس زوجك من النوع الحساس اللي اي شي ممكن يأثر على نفسيته
يعني انتي تقولين انه اللحين يمر بمشكله وضغط في الشغل هالشي أثر على نفسيته وهو شكله رابط بين الجماع والنفسيه واي شي يضايقه يحس انه ممكن يأثر عليه ويضعف الانتصاب عنده يمكن صارت له مره وخلاص صار خايف تتكرر كل مره لين ما بالفعل صار الضغط يأثر عليه

حبيبتي لما يمر بمشاكل في الشغل حاولي تخففين عنه وتتفهمين حالته وخليه يتكلم عن المشكله اللي مضايقتنه وحسسيه ان مهما مر الانسان بمشاكل لها يوم وتنتهي وهوني عليه واذا قدرتي تحلين هالمشكله او تقترحين عليه حلول ساعديه يمكن كلامك معاه يخفف الضغط اللي بنفسه لانه اللحين شايل همين هم الشغل وهمك انتي ومشكلته مع الانتصاب واذا قعد كذا راح تتدهور حالته وبعدين ممكن حتى يربط اللي يمر فيه بك انتي ويطلع فيك عيوب الدنيا كلها عشان يبرر لنفسه ويطلع نفسه صاحي بس انتي السبب مثل لما قالك انا اشوفك وحش !!
ديري بالك يعلم الله زوجك مو بحاجه لشيخ يقرا عليه هو بحاجه لطبيب نفسي يريحه ويطلعه من هالحاله خصوصا انه كان طبيعي واللحين غير وخصوصا انه ساعات تمر عليه ايام يصير عادي بس لما يمر بمشكله ينتكس الا اذا كان يختلق مشاكله بالشغل عشان يعطي نفسه عذر يعني ما يكون يمر بمشكله في الحقيقه ولكنها تبرير لضعفه او شي هو قاعد يسويه

خليك متأكده من حالته قبل وحلي وضعك معاه برويه وحكمه ولا تتهورين حليها بينك وبينه في البدايه ولا توصلينها للاهل

 

[رائدة التميز]

اكيييييييييد سحر روحي عند شيخ

 

[عذبة المعاني]

الله يفرجها عليك وعلى اي وحده مثل مشكلتك
ويفرجها على امة محمد وعلى المسلمين اجمعين

 

[تشكرات]

الله يعينك حبيبتي ...فيه حاجتين مهمه تكسر الرجل >>>ضعفه الجنسي ..وقلة المادة ....وبالذات الضعف الجنسي ..وأظن والله أعلم ان زوجك عنده ضعف ويخاف يعترف لك حتى لا تنفري منه والدليل ان كل شوي يقول سبب مختلف ..حاولي تكوني بجنبه واتقربي منه وسانديه ...والله يكتبلك اللي فيه خير .

 

[الــعــز]

اعزميه على عشوه في مطعم رومنسي بعيد عن اولادك وصارحيه ودورو حلول وانت قبل تروحون للقاء جيبي ورقه وقلم واجلسي مع نفسك بعيد عن الشغل والاولاد وشوفي وين بالضبط المشكله كل التوقعات اكتيها ودوري لها حلول واكتبي الاشياء اللي بالضبط هي مشغلتك ومضيقه صدرك اكثر شي وانتبهي كل شي مضايقك تقولينه بعدين معد تنحل لا ابدي بالأهم واذا انحلت تدرجي معه كل فتره وحده



هذا اللي عندي ان شاء الله افدتك

 

[سهم العشق]

اعذريه هذه الفتره يا اختي وانت داومي على قراءة سورة البقره يمكن انت محسودين والعين حق 00 الله يصلح حالكم اااامييين 00 ​

 

[اصغرزوجة]

الله يفرج همك اعتقد زوجك حساس من ناحية الضعف الي يعانيه عشان كذا يعمل الحركات دي

نصيحتي اهتمي بنفسك وطنشيه يمكن يحاول يعالج نفسه​

 

[جنان11]

هلا حبايبي
الله يعطيكم العافيه كلكم
كل وحده منكم دخلت قالت لي توقعها
وكل ما قريت رد وحده قلت هذي صح واذا قريت اللي تحتها قلت لا هذي صح
شايفين وشلون انا صاحبة الموضوع وشلون حايسه ومشوش تفكيري
والله حيرني هالرجال
تخيلو حياتنا عايشه انا وياه كأننا اخوان خاليه من اي مشاعر متخيلين انه مايلمسني ولا لمس مايحط يده علي نهائيا برمضان شهر كامل التلامس الوحيد اللي صار بيني وبينه انه ضرب ظهري يقول لي لا تنحنين لا ينحني ظهرك متخيلين
يسافر ويغيب اسبوعين ثلاثه واذا جاء يسلم علي زي سلامه على اخوي واقل بعد انا مايصافحني يحط خده على خدي ويسلم بس وانا اكون لابسه وكاشخه وبخور وكل شي بس ما كأني مسويه شي
انا الحين باعده عنه مره ولا البس ولا اكش ولا شي علشان مايحس اني اسوي هذا علشانه والله يكتب ما فيه خير وصالح

 

[لارا ...]

روحي لشيخ يمكن لاسمح الله سحر والا شي
ضروري تروحون لشيخ

 

[سـهام الجفا]

انا اقول ارقي نفسك وهو خليه يروح لشيخ يقرا عليه وممكن يكون حجج الله يشغل عنه بنات الحرام اللي ماهمهم غير خراب البيوت

يااختي الغاليه اكثري صلاة الليل والاستغفار الله يسعدك ويطمن قلبك

 

[darkness]

مالت عليه قولي اذا انا وحش انت خروف ورا البنات
وربي لو انقالت لي هالكلمة لاخرب مالطا !!! يا صبر قلوبكم ماشاء الله وربي لاحرق وجهه بموية نار اوريه كيف الوحش عمى يعميه الوحده تنتظر الزواج عشان يجرحها زوجها بهالشكل المقرف؟؟؟؟ حسبي الله عليه زوجك قهرني انا