وش ردة فعلك إذا قالك زوجك أنتي ...؟

[صلاتي سر سعادتي]

السلام

شرايكم اليوم انا وزوجي نتناقش في سالفه أقوله شرايك فلانه أقترحت علي نتغدى معها بدال أكل المطاعم ملينا منه( هذا اللي يسلمكم انا ساكنه مع اهل زوجي في غرفه وهم حاليا يرمموو مطبخهم وهذي الفلانه هي زوجة اخوه وااللي تكون بنت خالتي في نفس الوقت وصديقتي هي ساكنه في شقه ولحالها تطبخ كانت كل يوم تحن علي تبينا نجي معها نطبخ في البدايه كلمت اهل زوجي بس انا ماوافقت لأني انا اللي ماسكه الطبخ بس اليوم قنعتني)تدروون وش رد علي

أنتي خرووووووووووووووووووووووف كل أحد يجيكي يقولك شي تقولي له أوكيي زعلت ودايركت نزلت دمووعي :8:​

 

[غلاهم انا]

انا لو مكانك امسك نفسي واقول له الشي اللي ابغاه اوافق عليك

 

[العجيبه]

شي طبيعي حنا آكلنا تبن ورآآآآضين ..

 

[ماينلام من حبك]

كان مابكيتي وقلتي انا سالتك وش رايك ياريت ترد علي باحترام اذا ماعجبك رايي بس
هذا الرد لا والله يعينك

 

[فتاة هادئه]

ياقلبي كل الرجال اسلوبهم منرفز بس يبيلهم وحده تعرف ترد عليهم وريحي راسك لاتتعبين من كلامه ومشي كلامك لايهمك او تهزك كلمته ................وخلي لك كلمتك

 

[اماراتية دلع]

انا خروف و انت دياية و بس

 

[أحساس امرأه]

عااااااااااادي سمعنا كلام اكبر من كذا
لكن لاتسكتين ردي عليه سكتية ​

 

[الجواااان]

انا خروف و انت دياية و بس

ههههههههههههههههههههه هم حلال عليهم ذا الالفاظ لكن احنا لو نقولها على طول يمسكونا الباب

 

[دلة قهوه]

قولي ايه انا خروف اللي قاعده اسولف معاك

 

[شوكولاااته]

موقفك ياقهر ..

كانك مسويه شي غلط .. حسستيه انك فعلا ضعيفه ومو مقتنعه باللي تسوينه ..

كان رحتي تتغدين معها واذا سألك وينك والا وين تغديتي قولي السالفه

مشكلتنا مانعرف نسولف مع ازواجنا سوالف زي الناس

امور الحريم خليها بين الحريم وبس ..

والا تبين تسولفين وبس ..

من جد حتى انا اطيح كثير بهالمشكله اجيب سالفه داخله عرض ومدري وش تبي

صرت افكر واراجع نفسي واشوف بترجع لي بفايدة والا لا ,. والله صرت اختار كلامي والحمدلله ..

باين عليك توك متزوجه وللحين ماعرفتي كيف تتعاملين ..
اليل ابي اقوله الزوج السوالف هذي ماتهمه .. سولفي عليه بشي يهتم فيه والا اسكتي وهو بيصير يفتح السوالف

 

[اشراقة الملكه]

خليها على الله 00هذولى الر جال قدرتهم على الله000000

 

[مازال عندي امل*]

كان قلتيله اتوقع في كلام ارقى من كذا ينقال بين الازواج والشره مو عليك الشره على اللي جاي يتكلم معك

 

[مصدومه من الناس]

المفروض تكوني عارفه طبع زوجك هل هو يحب يتغدا مع الجماعه ولالا وزي مايقول المثل الباب الي يجيك منه الريح سده واستريح

 

[شئ اخر]

قوليله الخروووف ماتاخذ الا النعجه000
هههههههههههههه
السن بالسن والبادي اظلم
واذا زعل قوليله الدنيا اخذ وعطا
اعطيني حب اعطيك حب
اعطيني احترام 00احترمك واحطك فوووق راسي000
اكره الرجل اللي يقلل من قدر الحرمه وتسكتله00
كانهم من الملائكه واحنا من الانس00
تقبلي ودي

 

[همس الحبيب]

شوفي أنا لو بدالك وقال لي خرووف

بعطيه هذيك النظره المحترمه وألف وجهي عنه وما اكلمه ..
وقتها بيحس على دمه ويعرف انه غلط ..

بس الفرق اللي بيني وبينك أنتي يقول لك خروف و أنا يقول لي بقره << هع هع
قدامه ازعل بس من وراه تضحكني هالكلمه هههه