معلومات يارب حقق حلمي
- إنضم
- 13 أغسطس 2014
- المشاركات
- 1
- مستوى التفاعل
- 0
- النقاط
- 0
وش الحل مع زوجي .. ساعدوني في فهم ما بداخله
السلام عليكم
أخواتي مشكلتي طويلة ومشربكه لكن أحاول اختصرها لكم
أنا بنت متزوجه وعن قريب بكمل ثلاث سنوات .. موظفه أكاديمية وحالياً أكمل دراسات عليا
من عائله غنيه والحمدلله ... ما أبغى أقول جميلة لأني ما أحب أحكم على نفسي في ذي الناحية
زوجي انسان طيب من عائله محترمه يكبرني بسبع سنوات
بداية زواجنا كان موظف قطاع خاص وبعد ذلك ربي أكرمه بوظيفه حكومية
ليس لدينا أطفال بسبب ضعف شديد عند زوجي الله يشفيه...
مشكلة زوجي كان على علاقة مع حرمه متزوجه قبل زواجي ,, علاقة جوال فقط
الحرمة ذي تعلقت فيه وزعلت لما تزوجني وظلت تجري وراه وهو مطاوعها حتى تطلقت من زوجها وخسرت أطفالها
وكل ذا وأنا مدري عن شي ,, كنت ملاحظه زوجي متغير ويسرح كثير ويهرب من البيت كثير ,, تعبت وزعلت عند أهلي ورجعت له وتعبت منه وكمان زعلت ورجعت عند أهلي وبعدها رجعت لبيتي وحاولت أتقرب منه وأكتشف السالفه وفعلاً طحت على جواله وكشفت كل شي
بعد ما اكتشفته واجهت الحرمه ذي وانكرت وواجهت زوجي وانكر رغم اني احتفظت بكل شي وواجهت أهله وحكوا لي سالفة زوجي من قبل الزواج وانه مجرد طيش شباب وتم هذي الحرمه صايعه ومن هالكلام
المهم قلت لزوجي أنا مسامحتك ونبدأ صفحه جديده بس للأسف ما مضى أسبوع إلا زوجي راجع للحرمه والحرمه قامت تحرضه علي تقول له طلقها وتزوجني والله لأفضح زوجتك وأنشر رقمها وأوريها هي كيف تتجرأ وتواجهني وتكلمني ,, وزوجي يرد عليها سوي اللي تسويه يا عمري وهذا الكلام كله قريته في محادثات الواتس وأب واحتفظت به ..
المهم ذي المره خلاص لميت عفشي ورحت عند أهلي وتركته وطلبت طلاقي
هو تعب نفسياً خصوصاً لأنه مديون لي بمبلغ ,, قال لي ما راح أطلقك لين أرجع لك كل فلوسك وحقوقك
المهم جلس أربعة شهور بعدين جاب حقوقي كلها ,, كلمه أخوي في موضوع طلاقي وبكى زوجي وقال خلاص بسوي اللي تبغاه ,,
قال له أخوي طيب لو انت بتتغير وتصير واحد كويس وتترك السهر وتهتم في زوجتك وتترك الخيانه مستعد أقنع أختي وترجع لك
زوجي رد على أخوي أنه مايقدر يعدل من نفسه ويترك السهر
أخوي قال له إذاً انت ما تبغى لا بيت ولا حرمه ,, الله يستر عليك وطلق قال زوجي خلاص
المهم جلس شهرين بدون مايسوي شي في موضوع الطلاق ,, أنا رجعت اتصلت فيه وقلت أتقرب منه وأحاول فيه يمكن يفتح لي قلبه
حاولت وتقربت منه بالجوال لحد ما صارحني وقال لي أنا في نفسي شي ما أقدر أوصفه
ما أحس براحه في حياتي مع ان عندي زوجه خلوقه وبيت كبير وملك وسيارتين ومبسوط بس مدري ليش أنا مو مرتاح
بعدها قال وأحس ان اللي فيني بسبب الحرمه اللي لعبت في مشاعرها كذب لحد ما تطلقت من زوجها وتشتتوا أطفالها
حاولت أبين له لو ان الحرمه ذي عاقله ما كان طاوعتك ,, لكن مو راضي يفهم ,, وحاسس انه هو المذنب
في النهاية قلت له أنا مستعده أرجع لك ونبدأ صفحه جديده ورفض
سألته ليش ؟؟ قال ما راح ترتاحين معاي في حياتك أنا انسان مدري ليش أسوي كذا
قلت له خلاص طلقني والله يرزقني ويرزقك وبرضه رافض يقول لي مو قادر أفرط فيك
عجزت فيه مدري وش أسوي معاه ؟؟؟
حالياً أهلي وأهله بيضغطون عليه عشان يفكني ويطلقني ويخليني أشوف حياتي
تعبت لاني متزوجه ولاني متطلقه
بالله إذا أحد فاهم نفسية زوجي يرشدني
وللعلم زوجي راجع شيوخ وقرأوا عليه وما تبين فيه شي ,,,
أخواتي مشكلتي طويلة ومشربكه لكن أحاول اختصرها لكم
أنا بنت متزوجه وعن قريب بكمل ثلاث سنوات .. موظفه أكاديمية وحالياً أكمل دراسات عليا
من عائله غنيه والحمدلله ... ما أبغى أقول جميلة لأني ما أحب أحكم على نفسي في ذي الناحية
زوجي انسان طيب من عائله محترمه يكبرني بسبع سنوات
بداية زواجنا كان موظف قطاع خاص وبعد ذلك ربي أكرمه بوظيفه حكومية
ليس لدينا أطفال بسبب ضعف شديد عند زوجي الله يشفيه...
مشكلة زوجي كان على علاقة مع حرمه متزوجه قبل زواجي ,, علاقة جوال فقط
الحرمة ذي تعلقت فيه وزعلت لما تزوجني وظلت تجري وراه وهو مطاوعها حتى تطلقت من زوجها وخسرت أطفالها
وكل ذا وأنا مدري عن شي ,, كنت ملاحظه زوجي متغير ويسرح كثير ويهرب من البيت كثير ,, تعبت وزعلت عند أهلي ورجعت له وتعبت منه وكمان زعلت ورجعت عند أهلي وبعدها رجعت لبيتي وحاولت أتقرب منه وأكتشف السالفه وفعلاً طحت على جواله وكشفت كل شي
بعد ما اكتشفته واجهت الحرمه ذي وانكرت وواجهت زوجي وانكر رغم اني احتفظت بكل شي وواجهت أهله وحكوا لي سالفة زوجي من قبل الزواج وانه مجرد طيش شباب وتم هذي الحرمه صايعه ومن هالكلام
المهم قلت لزوجي أنا مسامحتك ونبدأ صفحه جديده بس للأسف ما مضى أسبوع إلا زوجي راجع للحرمه والحرمه قامت تحرضه علي تقول له طلقها وتزوجني والله لأفضح زوجتك وأنشر رقمها وأوريها هي كيف تتجرأ وتواجهني وتكلمني ,, وزوجي يرد عليها سوي اللي تسويه يا عمري وهذا الكلام كله قريته في محادثات الواتس وأب واحتفظت به ..
المهم ذي المره خلاص لميت عفشي ورحت عند أهلي وتركته وطلبت طلاقي
هو تعب نفسياً خصوصاً لأنه مديون لي بمبلغ ,, قال لي ما راح أطلقك لين أرجع لك كل فلوسك وحقوقك
المهم جلس أربعة شهور بعدين جاب حقوقي كلها ,, كلمه أخوي في موضوع طلاقي وبكى زوجي وقال خلاص بسوي اللي تبغاه ,,
قال له أخوي طيب لو انت بتتغير وتصير واحد كويس وتترك السهر وتهتم في زوجتك وتترك الخيانه مستعد أقنع أختي وترجع لك
زوجي رد على أخوي أنه مايقدر يعدل من نفسه ويترك السهر
أخوي قال له إذاً انت ما تبغى لا بيت ولا حرمه ,, الله يستر عليك وطلق قال زوجي خلاص
المهم جلس شهرين بدون مايسوي شي في موضوع الطلاق ,, أنا رجعت اتصلت فيه وقلت أتقرب منه وأحاول فيه يمكن يفتح لي قلبه
حاولت وتقربت منه بالجوال لحد ما صارحني وقال لي أنا في نفسي شي ما أقدر أوصفه
ما أحس براحه في حياتي مع ان عندي زوجه خلوقه وبيت كبير وملك وسيارتين ومبسوط بس مدري ليش أنا مو مرتاح
بعدها قال وأحس ان اللي فيني بسبب الحرمه اللي لعبت في مشاعرها كذب لحد ما تطلقت من زوجها وتشتتوا أطفالها
حاولت أبين له لو ان الحرمه ذي عاقله ما كان طاوعتك ,, لكن مو راضي يفهم ,, وحاسس انه هو المذنب
في النهاية قلت له أنا مستعده أرجع لك ونبدأ صفحه جديده ورفض
سألته ليش ؟؟ قال ما راح ترتاحين معاي في حياتك أنا انسان مدري ليش أسوي كذا
قلت له خلاص طلقني والله يرزقني ويرزقك وبرضه رافض يقول لي مو قادر أفرط فيك
عجزت فيه مدري وش أسوي معاه ؟؟؟
حالياً أهلي وأهله بيضغطون عليه عشان يفكني ويطلقني ويخليني أشوف حياتي
تعبت لاني متزوجه ولاني متطلقه
بالله إذا أحد فاهم نفسية زوجي يرشدني
وللعلم زوجي راجع شيوخ وقرأوا عليه وما تبين فيه شي ,,,
اسم الموضوع : وش الحل مع زوجي .. ساعدوني في فهم ما بداخله
|
المصدر : الأستشارات الزوجية العامة
