وش الحل مع حمااااتي الصغيره .........بجد شي يقهر

[سلطانهxxx]

بنات بصراحه عندي حماتي اخت زوجي مطفشتني
اربعه وعشرين ساعه عندي بالشقه كن ما عندها اهل
عمرها 13 وكل يوم تهاوش عيالي
ولا حتى ولدي الصغير اجيها القاها بالغرفه وتحط له مكياج
وا\ا جا زوجي تسبقني وتعلمه بكل شي يصير بالبيت
حاولت المح لها اني متضايقه منها وهي لا تفهم
ما تطلع من عندي الا منومتنا
يعني ما في فرصه اجلس جلسه حلوه مع زوجي
وزوجي كل ما اقوله يقول فشله خليها
تكفون قولو وش الحل مع الحماه اللزقه

 

[يالوردي]

صكي بابك ولا تفتحين لها واذا لزمت مره ثانيه قوليلها حاطه خلطه لجسمي ما اقدر افتح صرفيها

 

[بنت آلسعوديه]

كلمي اختها او امها يتصرفون معهاا ,

 

[انوا رة الرياض]

خلاص خليها تلعب مع العيال واذا صارخت عليهم قولي طفشوك خلاص روحي بيتكم واذا رفضت قولي راسي يوجعني وابغ هدوء وهم بيطفشونك 0

 

[حبيبة روحها]

الله يكون بعونك ياشيخة حاسة بمعوناتك واكرهة شيء انها ملقوفة اف من جد اللك يكون بعونك

 

[حياه العاشقين]

يا اختي الغاليه واضح انو البنت في سن المراهقه يعني ماتفهم شي تبي تلعب وتحووس وبس انتي اضربي لها مثال يعني قولي لها الشي الي مضايقك منها وقولي لها لو كنتي مكاني وش بتسوين واذا قالت انو يضايقها قولي لها وانا بعد اتضايق ولا حددي لها وقت تزوركم فيه وزوجك لازم يكلمها لانو اخوهااا تجي منه افضل من انها تجي منك عشان مايقولون تطرد بنتنا ولا يقول فشله يكلم امه او اخته الكبيره وتفهمها والله يفرج لك همك يارب ,,

 

[ملهية الرعيان]

يختي قولي لها خوذي العيال ونزلي تحت لعبيهم وصرفيها واذا خربت معك قولي لها يافلانه لاتجين الا بالوقت هذا حددي لها وقت وقولي لها خلاص انزلي انا بنام انا وعيالي وشيلي الشي الي تحبه مثلن تي في شيليه والا حطي على قران وشغليه كل ماسولفت قولي حرام احترمي القران لمى تطفش منك وخليها تطق لمى تقول بس لاتفتحين لهاا

 

[فديت انفاسه]

اقول زوجك يكلمها افضل
مو حلوة منك

 

[مكسور قلبي]

ياااقلبي عليها تووها البنت صغيره عمرها 13 سنه يعني ابدا ما ااتوقع

يكون احد راسلها او تتجسس او او او

ماتعرفين كيف ظروفها مع اهلها يمكن تتهرب من بيت اهلها وحصلت مكان ترتاح فيه اكثر

حاولي تكوني قريبه منها وتفهميها وخاصة انها مرحلة مراهقه ماتدرين ايش مر عليها بهذي المرحله

صحيح انك منزعجه من هذا الشي ولا احد يلومك لكن حاول تسيطري ع وضعك وتفهمينها​

 

[PıиК ĐЯЄαM]

صح انو موكويس انها عندك على طول وشي يضايق بس يااااقلبي عليها شكلها ترتاح

عندك
وسعي صدرررك شوي حبيبتي وخليها تجي من زوجك يفهمها بطريقة غير مباااشرة

يعني لاتجرحوها <<<<< آلبي رهييييف :5:

والله يعين ويساعد ​

 

[دمعتي خانتني]

عزيزتي بالعمر هذا تجلس مع من ترتاح معاه
وباين عليها أنها تحبك لذلك دائم تجلس عندك
أنا أنصحك زوجك يقولها لجاء تروح لآنه دايخ
ويبغى ينام ...​

 

[بنت الملكاء]

لالا حـرام لاااااااا تقولين لها شيئ نـهــــااائي


هـذي فـتتره وبتـرووح وتـشـوووفيـــن أنـا أذكـر عـيـال عمــي لززززقه
بس اللحـيـن مـاكـــأنهم يعرفـونا عـادي وســعـي صـدركـ
يمـكن تمـل في بـيـتـهم وتـجـي تسـتانس عـندكــ

 

[مغناجة]

اطلبي منها بذوق انها تنزل وراح تنزل..

يعني قولي لها معليش حبيبتي هذا وقت نومنا اش رايك تنزلين عند اهلك عشان انوم العيال؟ زي كذا...

 

[هوى الشمال]

أطلبي منها تساعدك في شغل البيت
وكل مابغيتي تسوين شيء ناديها تساعدك
وبكذا مارح تجيك ..........

 

[رندا كووول]

حدديلها وقت ..او قولي اتصلي قبل تجي يمكن اكون نائمه او مشغوله....
وهي فتره وتمل اتحمليها ...

 

[الاميرة ريمي]

اذا اهلها ما يزعلون علميها انها عيب تنقل الكلام اللي يصير وربيها زي ما تبين .. لانها تحبك...
حاولي تستغلي وجودها انها تساعدك في تربية الطفال تمسكهم..
فهميها وقت مايجي زوجك هذا وقت يكون خاص بالاسرة ..

 

[تلميذة ناعمة]

توه صغيرة ياحليلها أنا اموت بهالبنات بهالسن وارحمهن اذكر نفسي بالمراهقة انواع الخرابيط بعدين ممكن تفيدك تمسك البزارين عنك بس انت قوليلها هلا بضيفتنا الحلوة ابيك تجين وقت العصرية واذا قرب الفطور عطيها المقسوم ومسكيها الباب

 

[غربة احساس]

نصيحه طفشيها من تحت لتحت واياك تطردينها او ترسلينها كذا مباشرة بيحقدون عليك اعماك اهلها وبيقولون ترسل بنتنا وتشغلها
لكن انتي طفشيها من البيت يوم طفي التلفزيون ويوم نوم العيال
وزوجك خليه يتصرف
تجي منه احسن
الله يعينك صدق شي يقهر

 

[جوهرةقطر]

هلا حبيبتي’’’’’’’’’’’’’’’’’’’’’ قوليلها حبيبتي بدلع ايش رايك تجيني لما فلان يروح مثلن الوقت بعد المغرب بعد العشاء .....

 

[أسماء زكي الدين]

البنت في هذا السن تحب أن تجد صديقة تفضفض لها ويبدو أنه ليس لديها أخوات أو أنهن بعيدات عنها أو لا ترتاح معهن .. لكن أنت اتفقي مع أخوك يقول لها لما تبدأ توصل له النشرة إنه عيب كل ما شافت شيء حكت عنه ...

أهديها هديه خاصة وتكون بناتية بذلك تكوني لقلبها اقرب ...

خذي أطفالك وانزلي تحت عند اهلها ...