وش اسوي .. الغيره اكلت قلبي ..

[الانسكاب]

السلام عليكم ورحمة الله وبركاته

كيفكن يا بلقيسيات .. ان شاء الله بخيررر

بصراحه انا لي اسبوع حيل متضايقه وفي شي شاغل بالي ..
وكل يوم احاول اتخذ قرار بس في اخر شي اتردد ..

بدخل في السالفه وكلي امل انكم تساعدوني وتعطوني حل ..

انا لي شهر متملكه .. وزوجي الحمدالله يحبني وانا احبه من قبل الملكه لانه قريبي ( ماشاء الله تبارك الله )
المهم تملكنا وتمت امورنا على خير ( والله يتمم زواجنا بخير يارب ) :39:
الموضوع ومافيه .. انه بعد الملكه عرفت ان بنت خاله اتصلت عليه وتبارك له ..
طبعا الكلام ماوصلني منه ..
وصلني من بنت خاله .. لاني اتواصل معها بالماسنجر
وعلى فكره بنت خاله تكون قريبتي بعد .. وعارفه بالحب اللي بيني وبين زوجي قبل الزواج ..

وزوجي نمطه ( جنوبي شرقي ) ومادري كيف اتعامل معه يعني امشي الموضوع
ولا ابين له اني دريت ..
ولا اناقشه واقوله اني دريت ولا وش اسوي
للعلم اني انا غيووووووووووووووووره عليه بقووووووووه .. :33:

بليز ساعدوني الله يوفقكم ويرزقكم الجنان العلا ..

 

[شامخه غصب عليك]

هدي بالك يختي وبردي اعصابك مايحتاج تنقهرين
غيرك متورطين بخيانه وبلاوي
انصحك تتريثين وأذا شفتيها تمادت وقفيها عند حدها
ونصيحه مني لاتغارين بقوه ترى بتتنكد حياتك
والرجال مايحبون المرأه الغيور
ودامه يحبك وتحبينه لاتهتمين طنشي
واهتمي بنفسك
واهم شي اتركي الغيره الزائده
ترى بتندمين
اسأل الله لكي التوفيق والسداد

 

[رحـى]

مساك سكر و حب يالغلا,,
إلهي يتمم فرحك قريباً و هنيئاً,,
روقي أعصابك يا حلوة,,الغيرة(بلا عقل)مفتاح لكل ما قد يهدم مملكتك الرائعة,,
بينما الغيرة(بحكمةوأنوثةوبثقة)مفتاح للثقةأكثربنفسك,ولزوجك الغالي,,
طالما عرفتي نمط زوجك الغالي(جنوبي شرقي),,
إقرأي أكثر في نمطه,وراح تجيكي فكرة من بنات أفكارك لتخبريه بمعرفتك,,
كما أن قريبتك,,فقط إتصلت و باركت,,إنتهى,,
ما زلت ببداية حياة هانئة معه,,فأدرسي خطواتك,,وبالتوفيق,,
إلهي يسخرلك زوجك الغالي بكل جوارحه,وييسرفيمابينكما بكل الود و الحب,,اللهم آمين يا رب,,

 

[الانسكاب]

الله يجزاكم خير ويرزقكم الفردوس الاعلى
ويخليكم ويعطيكم على قد نياتكم يالغوالي

 

[تذكار الرياض]

ياقلبي هدي بالك ولا توضحين لها انك تغارين عليه..
بعدين ايش يثبت لك انها فعلا دقت عليه وباركت له..
يمكن حابه تستفزك وتشوف ردة فعلك!!