وشو برنامجك بعد الولاده

[نقش الحنا]

يعطيكن العافيه اخواتي انا بالشهور الاخيره وكان نفسي في افكار مثل هي وانتن ماقصرتن اكرر شكري لصاحبة الفكرة وبأنتظار اقتراحات ثانيه...

 

[ساره الغريبة]

بنات ما هو نظام فيافي وكيف استعمال قشر القهوة .........والحلبة هل هي مفيدة في العشرين يوم الأولى من النفاس
وإلا الماش أفضل ................جزاكم الله خيراً على هذا الموضوع استفدت كثيراً من أفكار أخواتي البلقيسات
أنا في الشهر الثامن و للحين ما فكرت شسوي ........بس أفكار عيون الفهد رووووووووووعة

 

[نعومه كول]

مرحبا رجعت عشان اكتب برنامجي بعد الولاده
اول شي نبتدي بالاعشاب الي راح استخدمها انا سويت لي التمره الي في نظام فيافي (تمر معبوط +زبده+ رشاد) باخذها كل صباح مع كاسة حليب م اللهموم تسويه لي خالتي بصراحه ماارتحت للهموم فيافي مليان حبه سوداء صحيح ان لها فوايد بس موب بهالكثر وراح استخدم شاي الاعشاب الي فيه قشر قهوة مرررررررررررررررره يمدحونه وخصوصا جابر القحطاني كذلك راح اسخدم الدخون( مره+ خوا جوا+ كمون+ قشر بصل + فلفل هواء) هذا والله عن تجربه ممتاز للهواء داخل الارحام او طلح السودانين يشد الارحام بس مشكلته انه يسمر البشره بس التقشير يشيله

نجي للخلطات حقت البشره( الديكون + رتن اي ) للمناطق الغامقه او (خلطة بياض الثلج بس بزيد عليها كريم كيلي )ادري فيه زئبق بس ماراح اكثر كميته وراح استخدم قبله مقشر للبشره عباره عن (الداد المغربي + ليمون )

شعري جاااااااااااااااااااااااااااااااااااااااااااااااف جدا ولو اصبغه راح اعاني منه لذلك راح استخدم خلطة طبيعيه لتغير لونه ( زبادي + ملون الطعام افكر استخدم الاصفر + ملعقة نسكافيه+ خل ) بستمر عليها طول الاربعين لاحد ماتعطيني لون حلو مع حمامات الزيت ماراح انساها كل اسبوع مره او حسب البرد هههههههههه

اول ليلة مع زوجي راح تكون اول ليله في فندق فيه جاكوزي وراح ناخذه ليلتين ان شاء الله ننسى العيال شوي ونستانس مع بعض اما الطقم الداخلي ففكر بلونين الفيروزي او الاخضر العشبي مع لوني بيطلع جنااااااااااااااااان
وسلامتكم

:33::33:يؤ يؤ يؤ

انتبهي اختي من الدوكين ماينفع ابد ياقلبي يزين البشره قليل بعدين يخربها
وبعد انتبهي من كريم كيلي انتبهي اللهم بلغت

 

[نعومه كول]

ااااااااب للفائده

بنات الموضوع ذا له اكثر من شهرين صح؟؟
يالله اكيد فيه احد ولد يجي يفيدنا........

 

[لمسه انوثه]

موضوووووووووووووووووع مرة حلوووو

 

[ساره الغريبة]

بنات جاوبوني لاتطنشوني..........

 

[نعومه كول]

اااااااب بنات افيدونا

 

[نعومه4]

هلا حبيباتي بلقيسيات يعطيكم الف عافيه على الافكار الرائعه والمفيده
انا الحمد لله ولدت لي 13 يوم الفال للبقيه الحوامل بالسلامه يارب
بس حبيت اسال كيف استخدم قشر القهوه ؟
واذا تعرفون وين ممكن الاقي المشد الاندنوسي في الاحساء ؟
ردو ا علي الله يجزاكم الف خير

 

[ام بروكي]

انا تونى فى الشهر الخامس اذا ولدت بسلامة راح استخدمة فترة النفاس

يعنى الا راح اشترية كريم بيزلين تكبير الصدرو مقشر للوجة للتفتح بستخدم حبوب للتخسيس يازينكال او زين اتات سد الشهية
بسوى لشعر الكراتين بس اهم شئ عندى ابى انزل ووووووووووووووووووزنى

 

[FALK]

انا الحمد لله لي 11 يوم والدة بس ولادتي قصيريه لكن الحمد لله ع كل حال
استخدم الان نطام فيافي ادعول الله بعييني واكمل النفاس بصحه وسلامه

 

[FALK]

هلا اخواتي البلقيساات ابي اسألكم عن شيء
المشد الاندونيسي ما يضر مع الولاده القيصريه ؟؟ قالوا لي ناس انه يسبب التصقات في طبقات الجلد صح ولا لا
اللي عندها معلوماات تفيدنا واكون لها من الشاكرين ...




اختكم فلك

 

[سنتوريا]

انا في شهري التاسع الله يهون علي وعلي كل حامل ويرزق كل وحده تبي الحمال وتحمل يارب
ناويه اشرب خلطة قشر قهوه مع زنجبيل مع قرفه لمدة شهر
وفي العشرين الاخيره بشرب عباءة السيده
وناويه على التمر مع الحبه السوداء والرشاد
وبستعمل خلطة بياض الثلج بس بشيل الكريم المبيض لاني اخاف منه
وناويه اصير امشي عشان انحف
الله يتمم على خير يارب

 

[ماهمني من ذمني]

انااعجبني نظام اختي عيون الفهدوبعمله لاني بلخامس بس احب ااكد لكن واذكركن لاتنسن التمر المعبوط مع الرشاد وقشر الرمان المنقوع بماء وعلى الريق للتضييييييييق الايام الاخيره وعلى فكره المباركه لاتكثرنه لانها مضررره انااضيف كسره مع المره والعنزروت واضيف عليه قهوه وكل ماتحلص القهوه ازيدها

 

[روح الكون]

سلاااااااااااااااااااااااامشخباركم رشووووووووووووقات

 

[نظمية]

ما شاء الله عليكم يابنات
والله اناهذا خامس حمل لكن بعد كل ولادة بست شهور يرجع جسمي و وزني مثل الاول
وهذا عامل ازمه لزوجي لانه يبغى وزني يزيد
بس شكلي حاستفيد من خلطاتكم واعملها
الله يجزاكم خير

 

[aso0ola]

موضووووووووع وايد حلوووو

 

[ملاك عبدالعزيز]

مرحبا الساع.....
مرحبا كلمه حلووووه اخبارك انا والله توني في الخامس بس احاتي حيييييل انه يخترب جسمي واخاف انه يسمر حيل وانا اول ولاده لي فياليتكم انتي والاخت عيون الفهد تفيدوني بما يلي
ا/ كيف يرجع بطني مشدود مثل اول
2/خلطه ترجع ي لون جسمي وخصووا الاالاماكن الحساسه وكم تستغرق هالخلطه وكم وقت احطها على جسمي
وشنو الاشياء الي تفيدني لاني والل جد من قبل محتاره

 

[الحُرّه]

:1:
السلام عليكم...

انا بصراحة بما اني بكريه...
ولان عيلتي ومجتمعي قليل يسوون الحركات هذي
علشان كذا انا متخوفة...
لكني بتوكل على الله وبجرب بعض الافكار الي عجبتني
من خلال تصفحي لمنتداي الغالي بلقيس
وبعض المنتديات الاخرى...


نبدأ ببسم الله


اولا انا ناوية ان شاء الله

اول 3 ايام من النفاس ماراح استخدم اي شي من الاعشاب
لان ابي جسمي يقاوم التغييرات لحاله...

وماراح استخدم الا...

كرات تمر مع حلبة... اكلها الفجر
والحليب مع الحلبة
مع اضافة الماش الى الاكل بالغداء او العشاء

بما ان الاثنين معروفين انهم يقوون الظهر...


بعدها ناوية استخدم نظام عجبني للنصف الاول من النفاس عبارة عن:
(بالاضافه للتمر +حلبة)>>>تسوينهم زي الكورة وتاكلينهم الفجر
:40:
شرب الحلبه مع الحليب في خمس ايام الأولى فقط من فترة النفاس
اكل العصيده والخبز البر والمرقوق ( تظفين عليها السمن )وأكلات كثييرة
فيها لحوم طبعا تكون فيها فلفل أسود وحبه سوده وقليل من الحلبه وكمون

اللهوم...

راح استخدم فيه...
ماش
حبة سوداء
كمون
حلوة
حلبه
رشاد

كل هذيلا بكميات متساوية...

يعني لو بتحمسينهم بالنار مثلا تحطي من كل واحد ملعقة طعام...
واخر شي لمن تخلصي الحموس...تضيفي الفلفل الاسود..


هاللهوم للعشرين يوم الاولى...

ناوية ان شاء الله ....استخدمها اول 10 ايام مرتين باليوم والعشره الاخيره مره...باليوم
ماتنسي ان اللهوم انك تاخذي ملعقه من هاللهوم وتبلعيها بلع ...
ويعدها نشرب شي دافي....مثلا حليب دافي
:39:

وراح استخدم ماء دافي +ملح خشن لتطهير مكان الجرح
وراح استخدم العصره الي يقولون عنها نسيت اسمها الظاهر ميبو؟؟؟
أحسها مره كويسه...

(لاتنسى ماله داعي تجاملين الناس وتجلسين بالفراش)
حاولي تنسدحين اغلب الوقت

(بعد مرور اسبوع عالولادة ان شاء الله راح استخدم شماغ زوجي واربط فيه بطني

بلا مشد اندنوسي بلا هم...)


العشرين يوم الاخيره نتوقف عن استخدام الحلبه..(عن نفسي راح استخدم الحلبه بالكثير 15 يوم)

لان يقولون تسبب مويات وافرازات...الخ)


نستخدم كرات تمر +رشاااااااااااااد

ملح خشن+ماء+شوي ارطاء لمحل الجرح

وراح اتبخر بمره.... ان شاء الله
وراح اتبخر بكمون...

لهوم العشرين الاخيره:

رشاد
كمون
شمر
فلفل اسود
والرشاد احمسيه حمس شوى واضيفه لهم

طبعا كل شي بمشيئة الله سبحانه وتعالى

يارب اسالك وادعوك ان ترزقني الذرية الصالحة

وتقر عيني بجنيني كامل الخلقة سليم معافى من اي تشويه ومرض


ياالله


موفقاااااااات​

 

[الحلم الزهري]

انا ولادتي قيصرية استعمل حبوب الجامو للنفاس وهي جدا ممتازة
واستمر بتدليك البطن لمدة شهرين بعد الولادة بكريم بالمرز
وامتنع عن شرب البارد واشرب مغلي القرفة مع الزنجبيل واضع مشد طبي بعد ثلاثة اسابيع من الولادة
وامارس رياضة المشي بعد ستة اسابيع وتمارين البطن بعد ثلاثة اشهر
واشرب حليب خالي الدسم وامنتنع عن الحلويات والدهون

 

[دانتيلا15]

نظام فيافي الله يوفقها كثير يمدحون فيه بس انا ناويه باذن الله مااستخدم الحلبه لانها تسمن مره واحاول الغي السمن والزيوت ,