وشو برنامجك بعد الولاده

[نايس هواوي]

مرحبا اخواتي الحوامل ان شاء الله تكونو تمام مع الثقل ويهون علينا وعليكم
اخواتي بدخل في الموضوع على طول:c028:

سؤالي حبيباتي بعد ماتقومين بالسلامه:shiny: ان شاء الله وش البرنامج الي راح تتبعينه عشان ترجعين مثل اول
عروس في عيون زوجك:icon26:
فياليت كل وحده فينا تكتب برنامجها بعد الولاده من طق طق لسلام عليكم يعني من اول ماتفتح عيونها الى ماتنام
او تحاول تجاوب على هالاسئله
ايش راح تستخدمين ادوية للعنايه بصحتك من اعشاب وغيره؟
هل راح تستخدمي خلطات للبشره ؟ وايش هي ؟ومتى بتحطينها على جسمك قبل النوم او بعد؟
متى بتبدين تسوين حمام مغربي؟ وكم مره خلال نفاسك ؟
ايش البرنامج الي راح تمشين عليه لشعرك؟ وراح تصبغينه اولا ؟
واخيرا ماهو تخططيطك لاول ليله لقاء مع زوجك ؟:e130:
ياليت الي تكتب تكتب بالتفصيل الممل
وياليت نشجع بعضنا ونستفيد من تجارب وافكار بعض
:c017:​

 

[@ عيون الفهد @]

انا بفتتح الموضوع
انا هاذي ثاني ولاده لي
طبعا بولادتي الاولى حست الدنيا خرابيط
بس قبل فتره سمعت جابر القحطاني
احسن شي للنفاس قشر القهوه
المهم جبت قشر قهوه وارطا وملح فارسي
ومباركه او الصبره
الارطا اغليها مع الملح الفارسي
واصفيها وتكون غسول
والمباركه هذي اخذتها من صديقتي عندها ماشاء الله عندها 5 اطفال لرحتلها وتوها 20 لها عشرين يوم تحلفون ماجابت شي ماشالله
اما سالتها تقولي المباركه والمشد الاندنوسي
المباركه انقعيها بمويه قبل ماتنامين واشربي مقدار كاسة شاي ع الريق والمشد طبعا من تحت الصدر اللي الحوض
وانا عندي خلطه استخدمتها للتشققات ترجعك عروووووووووووووووس
وهي
سترتش ماركس من لوريال
كوكو بتر لوشن من بدي شوب
جليسولسد الكبير الاحمر
زيت اللوز الحلو
زيت جونسون بالبابونج
مررررررررررررررررررررره روعه استخدميها بعد الحمام
مدة 8 ايام كل يوم وبعدها متى ماتحمممتي والله زوجي كان يقولي جسمك يوم الزواج ماكان كذا هاذا وانا بيضا
طبعا ليفة بدي شوب والدله السودانيه مو البضا السودا
ولل.......................... اشرب اخر عشرين يوم قشر رمان مطحون وزنجبيل مبشور ع الريق واتشطف بالارطا من اول يوم نفاس
والشعر ابي اصبغه بني فاتح واسوي خصل عسلي لان ببنتي سويت بلياج قلت اغير
وبخليه على طوله وادرجه تدريج
واول ليله اشتريت قميص طويل وشفاف والروب حقه فرو خباااااااااااااااااااااال
مع الصندل الله يكرمكم
وطبعا اصرف بنتي وانوم اللي بيجي واجهز الغرفه من كلو لاحلى ليله
ونسيت اضيف لاول ليله بستخدم مجموعة برايد من نكتار لا تفوتكم مره حلوه انا اشتريته من الحين
وبس تعبت

 

[الحص المنقا]

رجيم وبس

 

[ehsass]

تسلمي حبيتي نايس على فتح الموضوع ومن جد وده الواحد يقرا افكار ويجدد شوي بحياته

--------------------------

عيون الفهد

برنامجك رهييييييب ماشاء الله عليك عجبتيني

بغيت اسالك شو هي المباركه اول مرة اسمع فيها وهل لها اسم تاني ؟؟؟؟؟؟؟؟؟؟؟

 

[@ عيون الفهد @]

هلا حبيبتي اظن اسمها صبره
انتي اسالي العطار ويعطيك المباركه
منها مفتت ومنها زي الحجر كله واحد بس اريحلك المفتت

 

[كلمة حلوة]

موضوع حلو وشيق...
نفيد ونستفيد
أنا ولدت لي 12 يوم
بالنسبة لي الأعشاب اللي أستخدمتها هذه المرة عبارة عن اليانسون والكراوية وقشر القهوة والزنجبيل والقرفة والقرنفل
وطبعًا الحلبة مع العسل الأصلي
بالنسبة للغسول أملاح طبيعية اعطتني هي الدكتورة وبعدها أستخدم الملح الخشن ((يمكن هو الفارسي)) وأحيانًا أحط قشر رمان وأحيانًا لا
ممممممممممممم...ولجسمي ولادتي الأولى استخدمت قشر الرمان مع زيت الزيتون بس لبطني علشان يشد
وولادتي اللي فاتت استخدمت خلطة بياض الثلج (علبة فكس صغير - علبتان من كريم جلسوليد صغير الاحمر - كأس ماء ورد - صابون الغار- زيت زيتون و زيت لوز مر و زيت الخروع هذه الزيوت مقدار فنجان قهوة من كل زيت - جلسرين سائل علبة صغيرة
الطريقة : يبشر صابون الغار ويوضع عليه كأس من ماء الورد من اليل حتى الصباح
ثم توضع جميع المقادير في الخلاط وتخلط وتوضع في قارورة زجاج
وتترك على الجسم ساعة ثم تفرك بالليفة)
لكن هذه المرة استخدمت كريمات كلارنس للتشققات وقبل الاستحمام أسوي تقشير بسيط لجسمي بالسكر أو الملح مع زيت اللوز .
وكمان أجيب أندونيسية تسويلي مساج مع استخدام المشد .
وبالنسبة لشعري نفسي أطوله لكن لازم أقص منه شوي علشان يتحسن ويمكن ألونه بس خصل كنوع من التغيير
لأن الصبغة الكاملة عدمت شعري
وأول ليلة لقاء مع زوجي ....تقريبًا مثل ما قالت عيون الفهد ، وحتى مجموعة نكتار اللي كاتبتها هي اللي ببالي (أفكارنا وحدة)
وياللا أعطونا أفكار ثانية

 

[نور الإسلام]

موضوع مررررره مهم
مشكوره بايس على طرحه
وعيون الفهد وكلمه حلوه ماشاء الله عليكم الله يحفظكم

انا توني ببداية الشهور لكن هالموضوع اعطاني افكار مررره حلوه
الله يجزاكم خير

 

[البسمه المقهوره]

الله يقومكم جميعا يالحوامل بالسلامه وربي يسهل على الجميع

 

[نايس هواوي]

شكرا عيون الفهد وكلمة حلو مه على مشاركتكم والله اسعدتوني بردودكم وبرنامجكم مره حلوه وانا ان شاء الله بكتب البرنامج الي راح امشي عليه فلي عودة ان شاء الله
يالله وين الكروشات الحلوات يشاركونا تجاربهم وخبراتهم يالله نبي تشجيع لبعض

 

[الساعة اللماعة]

انا توي في الشهر الثالث بقي مافكرت زيكم الله يعين وييسر

 

[نايس هواوي]

مرحبا رجعت عشان اكتب برنامجي بعد الولاده
اول شي نبتدي بالاعشاب الي راح استخدمها انا سويت لي التمره الي في نظام فيافي (تمر معبوط +زبده+ رشاد) باخذها كل صباح مع كاسة حليب م اللهموم تسويه لي خالتي بصراحه ماارتحت للهموم فيافي مليان حبه سوداء صحيح ان لها فوايد بس موب بهالكثر وراح استخدم شاي الاعشاب الي فيه قشر قهوة مرررررررررررررررره يمدحونه وخصوصا جابر القحطاني كذلك راح اسخدم الدخون( مره+ خوا جوا+ كمون+ قشر بصل + فلفل هواء) هذا والله عن تجربه ممتاز للهواء داخل الارحام او طلح السودانين يشد الارحام بس مشكلته انه يسمر البشره بس التقشير يشيله

نجي للخلطات حقت البشره( الديكون + رتن اي ) للمناطق الغامقه او (خلطة بياض الثلج بس بزيد عليها كريم كيلي )ادري فيه زئبق بس ماراح اكثر كميته وراح استخدم قبله مقشر للبشره عباره عن (الداد المغربي + ليمون )

شعري جاااااااااااااااااااااااااااااااااااااااااااااااف جدا ولو اصبغه راح اعاني منه لذلك راح استخدم خلطة طبيعيه لتغير لونه ( زبادي + ملون الطعام افكر استخدم الاصفر + ملعقة نسكافيه+ خل ) بستمر عليها طول الاربعين لاحد ماتعطيني لون حلو مع حمامات الزيت ماراح انساها كل اسبوع مره او حسب البرد هههههههههه

اول ليلة مع زوجي راح تكون اول ليله في فندق فيه جاكوزي وراح ناخذه ليلتين ان شاء الله ننسى العيال شوي ونستانس مع بعض اما الطقم الداخلي ففكر بلونين الفيروزي او الاخضر العشبي مع لوني بيطلع جنااااااااااااااااان
وسلامتكم

 

[نايس هواوي]

وين البقيه يالله همتكم ياحلوين خلونا نستفيد من بعضنا وخصوصا البكريات يالله نبي الفزعه

 

[كلمة حلوة]

نايس هواوي
إيش مكونات اللهوم اللي تاخذينه؟؟؟؟
وما فهمت إيش المقشر اللي كتبتيه (.....؟المغربي)

 

[نايس هواوي]

هلا فيك اختي كلمة حلوة المقشر عباره عن عشبه تسمى الداد في المغرب مرررررررررررره حلوه
اخذ منها ملعقتين واضيف عليها عصير ليمون وبعد مااغسل شعري احطها على جسمي وانتظر لحد ما تنشف يعني من 5 الى 10 دقايق وبعدين ابدا افرك الجسم بصراحه هي روعه ولو استخدمتيها مع الحمام المغربي احسن واحسن
اذا تبين معلومات اكثر افتحي موضوع الجمال المغربي لنجوى المغربيه في قسم تجميل البشره

 

[نايس هواوي]

يوه نسيت اجاوبك عن اللهموم هذا خالتي تسويه وهي خبيره في امور الحريم وانا واخواتي دايم ناخذ منها حتى ينفع ايام الدوره مكوناته بالضبط مااعرفها بس عشاني اثق فيها مااسالها وانا اصلا مجربته من اول

 

[نايس هواوي]

والله الموضوع مهم وينكم

 

[السلطـ وردة ـان]

نايس هواوي والله الموضوووووووووووع شي ..
بس انا هذي اول مره احمــل وبصراحــه مني عارفه وش اخذ اعشاب والحوايـج انا سألت بس يعني بمشي على هالكلام طول فترة النفاس
وطريقة عيــون الفهــد مررررررره عجبتنــــي شكلي بسوي زيها يعني الخلطات والاعشاب اللي عندهـا ..

اما بالنسبه لي انا كشكل ..... برجع إن شالله اشد جسمــي بالرياضه اللي كنت اسويها واكيد المشد الاندونسي عالشان يرجع بطني لازق زي اول <<<< يالله لو يرجع تتأمل خخخخخخ .
وانا جبت لي عالشان اذا جيت اخلص النفاس وارجع عند زوجــي جبت روب قصيـــر لونه اســود مع خطوط من اللون الفيررزي عليه شوي كرستلات ناعمه مع الصندل وانتم بكرامه , واكيد بقص شعري قصير ماراح اتركه كــذا طويل وراح اصبغــه لون بني غامق مع خصل شقرا او لون رمــادي وجبت كريمات من نكتــــار بصراااااحه روووعه تجنن لاتفوتكم وعطر من عند القرشـــي ...
ووووووووو الباقـــي انتم تعرفـــونه خخخخخخخخخخخـ

 

[نايس هواوي]

يامرحبا بوردتي والله نورتي صفحتي فعلا نظام عيون الفهد عجبني انا بعد وشكلها خبره بالتوفيق للجميع

 

[عالي مستواااااي]

والله يابنوتات انا بكريه وليا3 شهور والده الحمدالله اول ماخلصت الأربعين سويت حمام مغربي بس ايش بحياتي ماشفت زيه
وقصيت شعري بس على خفيف وخصلتو فضي اما اشياء الولاده ماقدرت عليها ابدا حاولت حاولت ولكن بلا فااااااائده
واشتريت مجموعه مجدولينا من نكتار مرره روعه واذا اتذكرت شي راح ارجع

 

[سنيورتا***]

لسى مافكرت في البرنامج تونى ..................
الله يهون على الجميع