وشلون اتكتك مع شنطتي

[نحول]

سؤالي محرج بس منكم استفيد
وين احط شنطة ايدي اذا رحت زياره جنبي على الكنبه ولا في الارض ولا على الطاوله
ونفس الشي اذا كنت في المطعم؟

 

[فرس]

سؤال وايد مهم ،

انا مثلا اتورط ساعات ،، احط شنطي على كرسي منفرد اذا كنت في مطعم بس احس انه مب عدله

وساعات احطها اعلقها على طرف الكرسي بس مش كل الشنط ،، فيها يد طويله ،، وهلم جرا

انتظر الجواب من صاحبات ا لذوق .

 

[سلة فواكه]

انا اشوف حسب تلظروف
يعني اذا كنتي في زياره خليها عالكرسي يمج يعني على صوب او اذا في مطعم خليها على كرسي منفرد واذا كان في افراد وايد على الكراسي ومافي كرسي فاضي خليها عالارض ماتلاحظين الافلام يخلون الشنطه على الارض لما يكونون بالمطعم بس هااااا لاتنسينها ههههههه
وانا اشوفها على حسب الظروف يالغاليه وبالتوفيق

 

[فرس]

اختي سلة فواكه ،، يعني اللي سويته صح ،،،،،،،، احطها على الكرسي ،،

واذا كانت الشنطة بالشي الفلاني ،، احطها وراي اذا في مطعم ما اقدر احطها على الارض احس انه

اهين نفسي ،، ما ادري شو رايكم ؟

 

[دلع وغنج]

الغالب يحطونها على الأرض
أحس وضعها على الطاوله في مطعم ماله سنع
مدري ياليت البنات يفيدونا!!

 

[نحول]

مشكورين ةعلى ردودكم
بس الصراحه الى اللحين انتضر اهل العلم كل حلولكم اسويها بس ودي بجواب يريحني واصير اسويه دايم
واما المطعم فانا دايم احطها على الارض

 

[**angel eyes**]

اذا ف مطعم أنا كنت حطها ع الأرض .. صح قلبي يعورني عليها بس شسوي؟!!
بس احينه لقيت طريقة راقيه اتعرفون الكليب مال الشنطة اللي اثبتينه ع الطاولة وتعلقين الشنطة فيه .. هذا ينفع وشكله راقي انا عنديه واحد ماركة آقنر..
واذا كنت معزومة عند حد خليها وياج ع جنب على الكرسي

 

[{..شموخ أنثى]

انا بعد احوس مع شنطتي
بس الاغلب احطها ع الارض اذا ف مطعم وبعض الاحيان في بعض الزيارات
وننتظر اقتراحات جديده

 

[روحي تحبه]

lمثل ما قالت الدر المكنون أنا شفت دعاية في سترس تي في كليب تعليق راقي ينفع أنه يتثبت في أي نوع من الطاولات .. بس غالي شوي أعتقد 200 دولار ، بس راقي ومليان كريستالات ..كنت بطلبه بس ترددت لأني حتى وأنا في المطعم مثلا أخاف الماي أو العصير ينكت عليها أو بعض الأكل ، وبعد ما تصلح لما يكون معاج عدد كبير من الناس تاخذ حيز .. وبالنسبة للصالون ممكن تنفع أكثر ..أما الزيارات فأحس إن استخدامه فيه تكلف شوي ..
ننتظر رأي الخبيرات ..:shiny:

 

[@ورد@]

هلا حبيباتي انا نفس الشيء ماعرف وين تنحط خصوصا اذا كانت ضغيره مالها علاق مثل البوك انا احطها جنبي على الطاوله ومستحيل احطها في الارض لاني نسايه اخاف انساها في المطعم

 

[الغيند]

حبيبتي مثل ماقالت الاخت الدرر المكنون التعليقه حقت الطاوله شكلها راقي وحلو والحين انتشرت في جميع محلات الاكسسوار واذا مافيه معك اطفال في المطعم او الكوفي بس انت وزوجك خليها على الطاوله عادي خاصه اذا كانت با الشي الفلاني