وردتني على الخاص------كيف اثق بزوجي؟؟

[أ. باسمه الكوس]

هذا رساله وردتني على الخاص
وطلبت مني عرضها على العام
ياليت تساعدونها ..:

انا متزوجة تقريبا من ثلاث سنين .. وزوجي قبل الزواج كان صاحب علاقات .. والحمد لله بعد الزواج قطع علاقاته .. هذا على حسب كلامه .. من فترة تقريبا شهر .. اتصلت فيه وحدة من اللي كان يرمسهم .. زوجي اول ما اتصلت مشى معاها .. بعدها طرش لها مسج قالها لا تتصلين .. ولما اتصلت فيه عصب عليها وقالها لا تتصلين مولية ..
المشكلة ان زوجي وايد يكذب علي .. يعني الكذب عنده مثل شربة الماي .. وانا بصراحة شاكة بكلامه .. وبخاطري اتاكد اذا رجع يكلمها ولا لا .. احيانا اقول بفتش تلفونه بس خايفة يزعل .. وهي مب حلوة لا بحقه ولا بحقي .. محتارة احس بقهر وشك ياكلني .. ومن هذاك اليوم وانا مب قادرة اصدق منه ولا كلمة .. شو اسوي .. اتمنى انكم تساعدوني ..

 

[ياليت اني]

انا اقول توكلي على الله واكثري من الدعاء
ولا اتخلين الافكار المقلقه تلازمك؟
والله يحفظك

 

[salma_ahmed]

ثقي بالله .. وثقي بنفسك .. والدعاء