وربي لا ادعي للي تحل مشكلتي بصلاة الوتربرمضان تراني بهم لا يعلمه الا الله

رأي من رأي أخواتي وشكلك مكبرة الموضوع بزيادة أشتري اللي إنت بحاجته في الوقت الراهن
بدون إسراف لك ولأولادك وهوني من ألامر شوي ومن ترك شيئا لله عوضه الله خيرا منه
سوي أمورك في البيت ماعدا القص والصبغة وتنظيف البشرة والمكياج لأول لقاء بينكم بعد فترة
الإنفصال وتبغين رضا الله في رمضان أكسبي زوجك وأرضيه من غير معصية الله أسأل الله
أن يكون رمضان بداية صفحة جديدة من حياتكم الزوجية ملئها السعادة والحب
 
الله يسخر زوجك زيجعل عودتك له عودة مباركة حبيبتي بس عليكي تنظمي وقتك وتكتبي كل شي تبينه بورقة عشان لا تنسين شي وكل ما خلصتي شي أشطبي عليه رح تحسي إنك بتنجزي ونفسيتك بترتاح تدريجيا الله يهدي سرك ويسعدك مع زوجك وبناتك
 
ربنا يسخره لك ويسهل امورك كلها ويسعدك و انشاءالله تقدري ترتبي امورك كلها
 
ياحبيبتي ادعي بي يوفقك ويسخر لك الزواج موب تزين وبس الزواج توفيق ,,

اولا واخيرا شيلي هم التوفيق ون ربي يسخر لك دامك دايم جالسه بالبيت حلو عندك سجادتك وجلالك صلي وادعي ربي يجمك في عينه ويسخر لك وصدقيني ربي اذا سخر الزوج شاف زوجته ملاك ,,


اهم شي الدعاااء الدعاااء الدعااااء


توكلي على ربك والعطور والقمصان والخرابيط هذي كلها اسباب فقط يمكن تحبب زوجك فيك ويمكن عادي المهم دعي ..


انا مااقصد انك ماتتزينين لا انا اقصد اننا مقبلين على رمضان وانتي مقبله على حياة جديده وسبق ان تعرضت للفشل وعدم التوفيق فهذي فرصتك انك تكثفي الدعاء وتثقي بنفسك لو تلبسين قميص ب 10 دراهم وانتي واثقه شافك حلوة اهم شي الثقه ..

الخطوة الثانيه اكتبي الحاجات الضروريه لاتروحين تشترين لبس طلعات للناس ماعليك منهم اهم شي زوجك روحي يوم واحد ويكفي بصراحه اذا تبغين كتبت لك اسماء عطور وكريمات روحي بس اشتريها في يوم واحد وبنفس الوقت ونفس الطلعه مري على عطار او سوبر ماركت برضو حعطيك وصفات حلوة تغنيك عن عمل الدلكات ويصير كل شغلك وكريماتك بالبيت ..

اقولك مثال :

اول شي مري محل ملابس داخليه خذي لك كم قطعه مرتبه بعدها روحي محل ملابس بيت ثاني وخذي كم حبه واطلعي لمحل العطور اشتري كم عطر مو لازم كثير 4 او 5 كفااااااايه

واشتري كريم يناسب بشرتك وعلبه مكياج من نعومي مثلا فيها كل شي اي شادو وارواج وبلاشرات بدل ماتغلبين نفسك اشتري مجموعه وخلاص .. مري بودي شوب او نكتار اخذي ادوات العناية الشخصيه تعرفينها اكيد .. اخذي كمان عطر للشعر والجسم .. وبعدها روحي محل عود وعطورات شرقيه اخذي لك مجموعه زي اللي عند العربيه للعود اذا ماتحبيها عندك اجمل ولا الرصاصي ولا القرشي انتي شوفي وش حابه.. اخذي مسك العروسه ومسك الطهاره وهذول الاثنين صدقيني وعن تجربه حتغنيك عن العطورات والخرابيط اصلا يكفي انو المسك معطر طبيعي للمناطق الحساسه ومايسبب التهابات بس تأكدي انه اصلي من القرشي او اي مكان كويس في بلدتك ..

وتسوي واطلعي لك بكم قطعه مرتبه وخلاص لاتترددين ولا تكثرين وركزي على الثقه والاناقه والدعااااء


الله يوفقك ويسخرلك ويفرج همي ويسخر لي انا كمان
 
البنات ماقصروا
حبيت ادعي لك ان الله يوفقك ويسعدك ويسخر لك زوجك ويتمم لك على خير
 
ليه تخربين على نفسك فرحه رجوع زوجك لك؟؟والتغيير اهم شي من الداخل غير الظاهر
تغيري وخلك زوجه حكيمه والف مبروك رجوعه الله يوفقكم ويستر عليكم
اولا لاتنسين الورد اليومي واقري قران
ثانيا ياقلبي اكتبي بورقه وقلم وش تبين من السوووق >يعني اكتبي اليوم عطر ولبس >>وخلصي اللي تبين
والثاني شي ثاااني
يعني يسريها وربي ييسرها سبحانه

وبالتوفيق اختي
وشهر رمضان ترى حتى جلسستك مع زوجك فيها عبادهـ
احتسبي الاجر في كل شي تسوينه عشان زوجك وربي سبحانه بيعطيك على نيتك
الله يجمع مابينكم بخير ويخلي لكم عيالكم ومايربيهم غيركم يارب العالمين
 
غاليتي ...لا تأجلي بعدين يغير رايه....

اتوكلي على ربك ممكن تعطي اي وحده من قريباتك او صديقاتك تثقي في ذوقها تجيب لك الاغراض اللي تبيها من السوق ...اكتبي بس بها ورقه عشان لا تضيعي ....

ويا حلو رمضان وانتي متزوجه ....حتى لو مارحتي التراويح يوم او يومين وعفيتي نفسك وزوجك لك الاجر ان شاء الله ....

وخير البر عاجله ...

يارب ما يجي رمضان الا وانتي وزوجك وعيالك ببيت واحد يلمكم بفرح وسعاده ..

بالنسبه للاهتمام بنفسك ان شاء الله اسبوع بيكفيك ...والخلطات والمشاغل ما يقصرون ....

توكلي على ربك وربي يبارك لك ....
ادعي لي ربي يحقق لي اللي ببالي.....
 
انا مع الاخت أم نجد في اللي قالته
و بعدين حسن تبعلك لزوجك هو طريقك الى الجنه و اعلمي انك في عباده و لكن بشكل مختلف عن ما هو مألوف في رمضان
الله يسخر لك و يوفقك و يجمعكم على خير و يغنيكم بحلاله عن حرامه و يغنيكم بفضله عمن سواه امين
 
اولا الف مبروووك يالعروووس
ثانيا لاتاجلين ردتك له ارجعي له
وترى بساطه تقدرين تخلصين باسبوع كل شي وتكونين على استعداد تام والكل ينبهر فيك
اول شي كلمي اللي بتسوى لك الميك اب والشعر احجزي عندها موعد واكدي عليها
ثاني شي الفستان والعبايه والشنطه والجوتي عزكم الله اللي بتلبسينهم قدامهم وانتي راجعه له
ثالث شي الملابس الداخليه والانجري القيمص مال اول يوم ركزي عليه انه يكون انيق وستايل ,,وياليت يكون اوف وايت ,, اخذي لك مجموعه تكفيك مده 10 ايام لاتكثرين لانك بتطلعين معاه واكيد بتشترين له
بعدين الميك اب والعطور في ساعه بتخلصينهم مو شغله كبيرة هذي اسهل شغله ونصيحه اخذي عطر توم فورد واجد حلو وبعد هيرمس واخذي لك دهن عود لاااااااااااتنسين والبخور طبعا ومعطرات الجو هذي الشغلات
اخذي لك مفرش حلووو للسرير ونسقي غرفتك
وطبعا تفنني ف البجامات اللي بتاخذينها واااجد مهمه هالشغله اخذي اشيا حلوة تناسبك وتكون على الموضه
اخذي لك كمن لبسه حق الطلعات تكون انيقه عشان اذا زرتي هله او زاروك في البيت
وطبعا عقب جاي العيد وبتكونين طلعتي معاه واشترى لك ,,
بالنسبه للبنات لاتنسين تاخذين لهم ملابس حلوة بس لاتكثرين ,ركزي عليك انت اول
وخذيهم معاك المجمع وحطيهم في السياره اللي تندف وفرصه لك تحطين عليها اغراضك بد ماتشيلينا في ايدك
اكتبي اللي ناقصك بورقه وروحي المجمع يكون كبير ومتنوع وتمي طول اليوم اخذيه يوم مفتوح لكم وتغدوا هناك وكل اللي تشترينه اشطبيه من الورقه صدقيني تقدرين ف يوم تخلصين مشترياتك,,
لاتنسين عياده الاسنان :) وتنظيف البشرة :)
موفقه ياقلبي
 
اولا ابارك لك وحياة سعيدة طول العمر الله يسخرة لك ويحننه عليك
اسأل الله ان يجعل لك من كل هما فرجا ومن كل ضيق مخرجا ومن كل بلاء عافية
 
اختي الغالية ان اشوف انه رجعتج برمضان شي رائع وخصوصا انج راح ترضي ربج وزوجج فهالشهر الكريم وبالنسبة للسوق مثل ما قالو الاخوات تكتبين كل شي بورقة وتروحين على طول للشي اللي تبينه واحسن شي بالنسبة للحمام المغربي وغيره فالبيت اتفقي مع الكوافيره بتييج لين بيتج احسن واستر لج واذا على روحة السوق ما كفتج اشتري عن طريق النت والله ايسر امورج ان شاء الله
 
حبيبتي
لاتماطلي موضوع رجوعك ابدا ابدا

استخيري في هذا الامر
وادعي الله يسخرلك اللي يوديكي ويجيبك
اهتمي انتي بنفسك
سوي حمام مغربي ودلك انتي لنفسك
او جيبي وحدة على البيت
اهم شيئ تكوني لابسة شيئ مستر موفاضح امامها
ولمن تروحي السوق صلي ركعتين ربي يسرلك امرك
وادخلي السوق وقولي دعاء السوق
واذا لقيتي محتاج
تصدقي عليه تكون بنية سعادتك مع زوجك
الله يسعدك في الدارين
ويوفقك ويرضى عنك
 
لا حبيبتي لا تاجلين رجعتك اتكلي على رب العباد وبيسهل امرك والسوق مرتين يكفيك والشعر والصبغ وغيره جيبي وحده للبيت أو روحي لمشغل واعملي كل شئ بيوم واحد
 
الله يتمم عليك بالخير عزيزتي


انا اشوف مثل ماقالوا البنات جهزي من كل شي شي بسيط

والبقيه خليهم في نهاية الشهر يعني على العيد

والله يوفقك يااااااااااارب بحق واحد احد
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل