وربي بموت من الفشله ..../

[خايفه من دنيتها]

السلام عليكم يابلقيسات

مدري كيف أبداأ..؟؟

أنا أعاني من مشكله حيل متعبتني في كل مناسبه
وأحيانا أكنسل الروحه عشانها ....!!

أنأ من النوع اللي لم أرتبك .. أو أخجل .. أعرق بشكل جنوني
سويت المستحيل
ورحت عالجت وكشفت مافيه فايده

المهم والأهم أني تملكت وبعد كم يوم بيجي زوجي عندنا وخايفه تصير لي نفس الحال


تكفون قولو لي وش اسوي
فيه أحد مثلي .. شلون أتعدى هذي المرحله

خصوصا أن زواجي قريب
وأخاف لم يجون يسلمون علي المعازيم أرتبك غصب وأعرق وأعفس الدنيا


بليز لا تبخلون علي
لو بدعاء ..../

 

[مراحل عمري]

الله يوفقك ويسهل عليك يارب

بس حاولي تقوين عمرك وماتستحين

زي مثلا راقبي امك لهي نفسك .. يعني لاتدققين وتستسلميم انك تستحين بعدين تعرقين


وان شاءالله تعدي على خير
والله يوفقك ويسعدك

 

[فيافي 2]

كثرة الدعاء والإستغفار بإذن الله تقويك .

 

[خايفه من دنيتها]

مشكورين يابعد هاالدنيا
ماقصرتو
ولا تحرموني من دعائكم ~

 

[انسانه بسيطه]

هدئ اعصابك وخليك عند المكيف لا تروحين يمين ولا يسار والله يستر عليك

 

[نجوم نص اليل]

الله يستر عليك هونيها وهي تهون

 

[طيبة البشر]

مرحبا حبيبتي يقولك ان اذا عودتي نفسك على شي لمدة 21 يوم فقط يصير عاده مكتسبه يعني مثلا لو تبدين من اليوم تقولين لنفسك بكل لحظه انا مااخجل انا طبيعيه وتوقفين عند المرايه وتقولين هالحكي لنفسك بهالمده البسيطه بتصير عندك عاده مكتسبه وانشاءلله تتخلصين من الخجل جربي ماراح تخسرين شي والله يوفقك

 

[شكلين مابحكي]

انا مثلك خصوصآ جبهتي مررررررره تعرق ...

اذا استحيت .....

 

[نمله فوشيه]

زي ماقالت لك الاخت


حاولي تتهربي من الخجل اتلهي وكولي علك​

 

[خايفه من دنيتها]

شاكره لكم
وربي ماقصرتو

 

[آنهيآر]

مجرد رآي ..!
في كثير خلطات طبيعيه ممتآآآزهـ ومفيييييدهـ ابحثي عنها وطبقييها
ومنهآآ .. انك قبل اسبوع او اسبوعين من المناسبه تدآومين ع زيت زيتون وسسكر
تدلكين المنطقه وبتلقيين الفاييده اللي بتعجبكـ ..!​

 

[خايفه من دنيتها]

مشكوره ياقلبي
يعطيك ألف عافيه ~

 

[الدانه 2]

شوفى حبيبتى

هذا شى طبيعى انتى حاولى تعيشين الموقف مثلا تدخلين نفس المجلس الى بتقا بلينهم فيه كم مره كل يوم

وتلبسين زين وكعب وكل شى كانك بتقا بلينهم مع الوقت بتروح الرهبه

طريه مجربتها بنفسى

كنت بقابك شخصيه مهمه من الامراء وصرت فى حاله الله اعلم بها من الرهبه جربت ها الطريقه

وضبطت معى واذا ضبطت معك ادعى لى بصلاح ذريتى والجنه

بعدين فيه بخاخ تبخينه بعد ما تخلصين مكياج مثبت ما يروح المكياج الا بصابون بعده

الله ييسر امورك

خبرينا وش صار

 

[خايفه من دنيتها]

حبيبتي أنا ماخفت على المكياج
كثر ماخفت من شكل العرق (وأنتي بكرامه ) ع وجهي
ربي يستر
ويتمم أموري ع خير

ربي يصلح ذريتك .. ويهديهم .. ويوفقهم
ويخليهم لك
يآآآآآآآآآآآآآآآآآآآآآآآآرب ~

 

[مَلآمِحْ حُلمْ]

الله يسهل أمورك يارب و حاولي تهيئي نفسك قبل الدخول له و زيدي من الثقة بالنفس عنك​

 

[أنا الألماس]

ما قصروا الأخوات
حاولي أنك ماتفكرين بموضوع الخجل والخوف والأرتباك,,
أطردي الفكرة من دماغك ,,

 

[رنودة**]

حاولي تنسي موضوع العرق والارتباك وان شاء الله تتم خطوبيك على خير

 

[يحق لك]

استغفر الله العظيم​

 

[خايفه من دنيتها]

شاكره لكم مروركم

 

[حسناX]

الله يكون في عونك ويشفيكي
انا سامعة عن ابر مو متأكدة بوتوكس او شي ثاني تمنع التعرق

اعتقد مشاهير هوليوود يستخدمونها
شوفي اذا هي متوافرة عندكم
ومؤقتا حطي بودرة الاطفال على كامل جسمك علشان تمتص الرطوبة