ودي آخذ حقي من زوجي....اليوم قبل باجر

[طموح الروح]

من وين ابتدي؟؟؟

من أول سنوات الزواج ..زوجي حب يفتح له بزنس غير شغلته الحكومية اللي ماتوكل عيش..

فحصل البزنس اللي يبيه وفتحاه بس السجل خلاه بإسمي انا..لأنه هو مايقدر يفتح بإسمه لأنه موظف..

فاللي صار واللي حصل إنه مايعطيني مبلغ بدل إستخدامه لأسمي..وإستفادته من وراي..

مع العلم بإني خسرت كثير..لأن الدوله تعطي مكرمات للعاطلين في بعض الأحيان..ولكني لا استفيد من المكرمة لأني لدي سجل..وهو طبعا مايعوضني بدل مكرمة الدولة..مع إني حدثته في الموضوع بس شنو رده؟؟؟

يقولي باتزوج وباحطه بإسم زوجتي الثانية إذا ماتبين..يعني يهددني..:showoff:

فأنا سكتيت عنه..وقلت الدنيا حياة وموت ..خل البزنس بإسمي احسن ..علشان خيري لا يروح لغيري...

فأنتوا اشرايكم بنات..شلون اقدر احصل فلوسي..من عنده ..مع العلم بإن صار البزنس مفتوح من أكثر من 7 سنوات..وربحه اوك

مع العلم أيضا لو الواحد استخدم بطاقتي السكانية وكتب فيها إني اشتغل عنده لازم يعطيني مبلغ بدل هذا الشي..يعني تقريبا 60 دينار او 100..فما بالكم بسجل تجاري عليه فيز وعمال..يعني اكثر بوايد ..وطبعا على حسب مدخول البزنس..



حتى فكرت وايد..قلت ماابي البزنس بإسمي خلاص..فشلون اخليه يحول البزنس بإسم اي شخص ثاني وكيف احصل فلوسي اللي ماحلصلت عليهم طول هالسنين؟؟؟:sadwalk:

 

[انحناء السنبلة]

صدقيني اي رجال زوجته تتكلم معاه بهالاسلوب اكيد رده بيكون مثل زوجك!!!

كأنك قاعدة تمني عليه عشان السجل بأسمك

 

[فارسه بدون فرس]

الله يعينك وادعي ربك وادعي لامي بتسخير ابوي لها وان ان شاءالله بدعيلك

وفقنا الله وياك

 

[الأزديه]

اطلبيهم أي شي لكن فلوس

أنسي

واللي يرحم والديك

 

[طموح الروح]

اشفيه اسلوبي؟ خخخخخخ

عندي إنه عادي...هذي غلطتنه...لأنه مانحس بروحنه وبأسلوبنه واحنه نكلم هالرياييل...



مشكورين خواتي عموما..........