ودعي اعمر ومشتهيه اشتري طقم الماس.. وش رايكم؟

[هيونه85]

لي اربع سنوات تقريبا من تطلقت وانا اجمع رواتبي عشان ابني بيت
لان عمري راح ماسويت لنفسي شيي
انا موظفه من 18 سنه
وبعد طلاقي توني اصحى وافكر اشتري والا ابني المهم بعد التفكير الطويل قلت ابني اوفر من الشراء
جمعت مبلغ حلو يدوب يكفي العمار لاكن المشكله اني ودي اوسع صدري المنكسره بعد فراق عيالي ومشتهييه حيل طقم الماس شفته على وحده من زميلاتي وتقطر عليه نفسي هو تقريبا من 17 -18 الف وبعد ودي معه ساعه الماس
ومن زمان ودي اشاور من يعطيني الشور و هداني ربي اني اشاور البلقيسيات خوياتي الله لايحرمن منهن اهو عادي اشتري في هالوقت وانا عندي مشروع البناء ؟؟؟؟
اها عاد لاتفشلوني .. تكفون افزعولي
الله يجزاكم خير عاد مابقى على العيد شي
وقولو وش الماركه الزينه للساعات وما ابيها غاليه حيل ابيها في حدود الالفين الف ونصف

ونسيت اقولكم اني عندي طقم وتعليقة الماس قديمه شاريتها من اول ماتوظفت يعني قديمه وش رايكم ابيعها وازيدها عشان الاشياء الجديده والا اخليها ؟؟​

 

[عبقرية منسية]

من حقك انك تتمتعين وتشترين الي بنفسك
بس انا اقول الفلوس هذي يمكن تحتاجينها وقت العمار اوتنفعك وقت الاثااث .
وبعد ماتخلصين البيت تتفرغين لنفسك احسن
وممكن تشترين الساعة ,, وتاجلين الطقم اقل شئ لبعد العيد لان الاسعار غالية برمضان ,, وبالتوفيق

 

[هيونه85]

مشكوره اختي عبقريه وانشاء الله انك مانتي منسيه على الاقتراح
ومشاركتك همي
لاحرمنا الله منك​

 

[يارب تحفظ زوجي]

أختي تبغين نصيحتي لا تشترينهم وبتلقين بديل عنهم وأرخص
ترا العمار مو سهل وبهالوقت كل شي غالي
إذا أخذتي بنصيحتي والله ماراح تندمين وبتدعين لي
أنا نصحتك عن تجربه
وخلي الكشخه والفخامه بعد ما يخلص بيت العمر وتأمنين حالك
إصبري وبشوفين نتايج صبرك​

 

[RuRy]

وأنا كمان انصحك تركزي على البيت في الوقت الحالي ممكن ترفهي على نفسك بأشياء بسيطة بس مو لدرجة طقم ألماس وساعة الماس يعني طلعة حلوة ولا تروحي سبا تدلعي نفسك
وبعد ما يخلص مشروع البيت سوي اللي تبغيه
وعلى فكرة مشروع البيت هذا أكبر واهم دلع تدلعينه نفسك
لانه بعد الله بتصونيها من الحاجة للناس ايا كانو
والله يوفقك ويقدم لك اللي فيه الخير​

 

[ام الحلو تين]

الاخوااات مااقصرو والله يكتب لك الخير .