وحام العطور .. وش الحل ؟؟

[الجروح]

السلام عليكم ورحمة الله

كيفكم بنات ..

أنا حامل بالشهور الأولى


عندي كل العطور كريهة وخاااايسة .. ما أتحمل أي أحد يجلس جنبي متعطر

حتى غرفة نومي كرهتها . ولما أدخلها تقلب معدتي وأحس بغثيان ..

اللي أتقبله البخور فقط ..


اللي مرت بهذه الحالة .. تخبرني كيف اجتازتها ؟

وهل تستمر لآخر الخمل ولا الثلاث الشهور الأولى بس ؟

وهل من طريقة تخفف الوحام هذا ..

ومشكورات مقدماً​

 

[ضوء القلب]

شيلي كل العطور الخاصه بك وخبيها عشان ما تكرهيها لان حالة الكره ممكن تستمر حتى بعد الولاده فالافضل تخبيها بما انو عندك شي ثاني مفضل . وحاله الوحام ممكن تخف شوي بعد ابعاد الروائح واكثر شي يروح الوحام بعد الدخول في الشهر الرابع .

 

[fascinating]

والله وانا للحين العطور اللي كرهتهم اول الحمل للحين ما اتحمل روايحهممم
بالذات عطور زوجي
واغلب عطوري شبتهم عشان ما كرههم
الله يهون عليييك

 

[أم عمـار]

وعليكم السلام ورحمة الله وبركاته
سبحان الله نفس حالي تماما اكرة كل العطور الفرنسية باستتناء البخور وكنت اكره زوجي لما يتعطر
ولحد الان اعاني من هذا الشيء مع العلم اني وصلت 5 شهور
ياريت اجد حل مثلك وهل بالفعل تستمر حتى بعد الولادة

 

[الجروح]

مشكورات ياللي رديتوا عليّ .. وربي يجزاكم خير

أنا فعلا شلت العطور كلها وخبيتها ..

بس والله إذا زرت أحد .. أو أحد زارني وحاط عطر ..

وجهي على طول يقلب ومزاجي يتعكر ..

ومو من حقي أطلب منهم ما يتعطروا ..

شكلي بقفل على نفسي ولاني رايحة ولا جاية لغاية ما يخف الوحم ..

والله يهون عليّ وعلى كل الحوامل

ويرزق كل وحدة تبي تحمل الذرية الصالحة​

 

[زوجة الناظر]

انا مريت بهالحالة بس بحملي اللي قبل كنت


اتعطر بالعطورات الخفيفة اما حملي هذا مو متقبلة اي عطر


حتى الصابوون والداوووني وللآن مستمر كرهي للعطور وأنا الآن تقريبآ بنص الرابع


الله يتمم لك على خير بس اكبر غلط

تجلسين وما تطلعين كذا يزود الوحم وتطفشين

 

[Tatoo]

طبيعي وسبحان الله اذا توحمتي بعطر معين راح تكرهينه على طول وان شاءالله راح يخف الوحم وتتقبلين العطر ربي يتمم

 

[ورود جورية]

انا شتريت مجموعة متنوعة من نكتار وحملت وكرهت كل المجموعه ماصرت اطيق ريحتها واخذت العطور
كلها ووزعتها على اخواتي وبناتهم وقلتلهم يفكوني منها ولا يتعطرون منها عندي ابدا

وعطر يجنن اهديته لزوجي ومع الوحم كرهته مع انه يجنن والى الان كرهت طاري نكتار وعطر زوجي
واتقبل انواع معينه من العطور

بس شيلي العطور الي تحبيها ولا تشميها لين تخلصي وحم او تولدي

 

[زهرة البوادي2006]

انا كرهت ريحة زوجي من اسبوعين مسكين كان يتعطر وانا مو طايقه ريحته لكن ما خبرته خفت ينفر مني استحمل لغاية ما حسيت رجعت ريحته حلوه وخبرته امس وتفاجأ مسكين وقال ليش ما خبرتيني كيف قدرتي تستحملي ريحتي ههههه والغريب اني كل مره اكره شئ مره البخور ومره العطور ومره نوع من الاكل الله يعني لغاية ما ادخل الشهر الرابع

 

[الجروح]

شكرا لكم حبيباتي عالرد

والله يخفف علينا الوحام

ويتمم لنا على خير يا رب​

 

[LoLo CaTi]

انا نفس الشي كرهت معظم العطور

إلا البخور العودة بالذات مرررررة أحسها حلوة

وبالنسبة لك اختي ابعدي عن كل ريحه تضايقك عشان ما يضيق صدرك وتتنكدي

وكل ماتلاقي فرصه استحمي عشان تفضلي حاسة بشعور انتعاش حلو

وان شاء الله ينتهي وحمك على خير

 

[sara*_*]

يؤ تكفون قولولي متى بدا كرهكم للعطور قالت لي اختي بس للحين ما حسيت ​

 

[بيضاء قلب]

موكل الحريم يوحمون على العطور ... أنا وحمت عليها في أول حمل وإلى الآن ( عندي اثنين الله يحفظهم )
ولاني حامل بس إذا شميت العطور اللي توحمت عليها بس يجيني غثيان ..سبحان الله ...
بس أحسن حل شيلي العطور وبالذات المفضلة ... وإذا انتهت فترة الوحام تقريبا أربعة شهور يصير الوضع عادي ...
والله يتمم حملكم يارب ...

 

[الجروح]

فعلا مافيه أحسن من الاستحمام تحسي بالانتعااااااااش

وأنا فعلا شلت كل العطور اللي بالبيت وقفلت عليهم

وأحس نفسيتي أحسن بكثير

لكن باقي الطلعات والزيارات .. ما أدري وش أسوي .. مرة تضايقني ريحة العطور .. وأنحرج أقولهم لا تتعطروا

وأختي .. سارا ..

مو كل حامل تتوحم عالعطور أو على زوجها أو شيء معين ..

يختلف من حرمة لثانية ومن حملة لثانية

يعني مو كل الحريم مثل بعض ولا كل الحملات نفس بعض


ومشكورات يا قلبي عالردود

وربي يهون علي وعليكم​

 

[يفداني بقلبه]

الله يرزقنا
اهم شي ترفعين كل العطور اللي تحبينها وتخبينها بعييد