وجدت محادثه بالماسنجر بذيئه في جهازه

[خلفه]

:icon26: قصتي انا زوجي .. انسان محترم .. والحمدلله قولو ماشاء الله حياتنا متفاهمين
لانه شمالي وانا شماليه شرقيه ..

لكن في يوم من الايام بالصدفه وجدت محادثه من ايميل ما اعرفه .. لكن دايم اشوفه بالجهاز .. بس ما اعترف انه له مع اني كم من مره سالته عنه ..

كانت المحادثه بين طرفين بنت وولد وكانت رومانسيه بس بدون جديه ..

انا واثقه من زوجي انه مستحيل يسوي هالاشياء .. لذلك واجهته .. لكن هو انكر الايميل وقال ما ادري ما اعرف شيء عن المحادثه ..
انا ادري انه هو .. لكن كنت اعرف انها زلة وماكانت شيء لانه قليل يفتح النت .. وانسان صريح ..

وانا مسويه له مراقبه مشدده .. من غير ما يحس ..والحمدلله ماعمري مسكت عليه اي زله ..


بس هالمحادثه ..

انا سويت نفسي مصدقته انه مو هو وجلست اسب براعي هالمحادثه ..


وتغيرت عليه ايام .. ورجعت مره ثانيه .. بس كل فترة اذكره بالمحادثه اللي شفتها .. حتى ما ينسى انه غلط ويرجع لماسنجره القديم ..

هل صح اللي سويته او غلط .. لاني بعض الاحيان افكر بالموضوع ويضيق صدري .. ودي اعرف ليش

 

[عنقود عنب]

عزيزتي

اسمحي لي اقول لك لا مو صح اللي تسوينه

ليش كل شوش تذكرينه باللي سواه

انت بكذا تعززين عنده هذا التصرف

راح يقول في نفسة ...هذا انا بطلت المحادثات وهي لازالت تسم بدني بكلامها

اذا خلني اتونس واتسلى ...وهي في كل الاحوال جالسة تذكرني

اغفري وسامحي وعطي زوجك الثقة

وربي يسعدكم

 

[NANDOOOOS]

تعوذي من ابليس مادامك سامحتيه لاتجيبين طاري هالشئ مره ثانيه
واذا تذكرتي هالشئ تعوذي من ابليس تراه الشيطان يحاول يدخل بينكم ويسبب مشكله
وحاولي تنسين الماضي علشان مايفقدك متعه الحاضر
موفقه

 

[دلوعه حييل]

سامحيه وعطيه الثقه مره ثانيه صدقيني مابيفرط في ثقتك فيه ,,,وخاصه انو انكر وانتي صدقتيه

 

[امي وتونة حياتي]

خلاص اعبريها زلة وانتهت ... ولاتراقبيه اريح لك ولا تشكي فيه


مادمرنا الا الشك .. لو بسوي شي مب خايف منك عشان كذا اريح لك انسي وطنشي

ولاتذكريه كل شوي كذا بتفقدين هيبتك عنده

 

[زوجة سعيدة]

أنا مع الأخوات زلة وانتهت , ورب العباد يغفر الزلات وأنتِ يا عبدة يا فقيرة لربكِ ما تغفرين, ساميح حتى تُعينيه على التوبة ولا تُعيني الشيطان عليه عندما تذكريه بما فعل هذا من باب المن والأذي , هو حبيبكِ وغلط ما فيها شيء كلنا نخطأ وسعي صدرك وانسي الأمر وادعي له بالثبات على الخير. بارك الله لكِ في زوجكِ.

 

[قمرالكونFAS]

سامحيه وعطيه الثقه مره ثانيه

 

[@فرحه وانتهت@]

أنا مع الأخوات زلة وانتهت , ورب العباد يغفر الزلات وأنتِ يا عبدة يا فقيرة لربكِ ما تغفرين, ساميح حتى تُعينيه على التوبة ولا تُعيني الشيطان عليه عندما تذكريه بما فعل هذا من باب المن والأذي , هو حبيبكِ وغلط ما فيها شيء كلنا نخطأ وسعي صدرك وانسي الأمر وادعي له بالثبات على الخير. بارك الله لكِ في زوجكِ.

م ع ه ا

 

[امل حياتي4]

كيف اكتشفتي المحادثة حابة اتعلم منك

 

[خلفه]

وجدت المحادثه بقرص ال D تلقينها بداخل هالملفات ..

 

[زوجي روحي]

لا ياقلبي

ربي سامح فكيف انتِ ؟؟؟

سامحية وبالعكس مدامك قريتي المحادثة اجل عرفتي زوجك وش يحب اكثر
سوية له املئي حياته لاتخلين له متنفس يفكر في غيييييييييييييييييييييييييرك