وبعدين مع قلبي اللي يخذلني
السلام عليكم .اخواتي ترددت قبل أكتب لكم لكني مالي غيركم بعد الله ..هنا القى آراء حلوة وحكيمة وهذا اللي شجعني ..
مشكلتي مع اخواتي كتبت عنها موضوعها بهالقسم للي حاب يرجع لها .
طبعآ مشاكل خواتي معاي ماتخلص .
من مشكلة الى مشكلة .
مع العلم اني قطعة سكر مثل مايوصفوني الناس والصديقات وكثيير من اللي يعرفوني .
لكن سبحان الله هالخوات مدري شفيهم .
آخر مرة صار موقف زعلني منهم حيييل
ومن الزعل قلت لهم كلام كثير
ومن ضمن الكلام قلت لهم ياخوفي من بكرة ماتلقوني سند لكم .
طبعآ استقبلوا الكلام بعند وغضب واللي قالت منتي كفو نحتاجك و.....كلام ماحب اذكره ?
وانا كل قصدي انهم اخواتي لحمي ودمي ابيهم يقربون مني ويحسسوني بقيمتي
لكن للأسف يبوها غلطة ويزعلون مني
وبعدها معاد وحدة فيهم كلمتني
وحدة منهم رسلت لي رسالة كلها حقد ماتحملت زعلت كثييير وحظرتها .
طيب وين المشكلة؟
المشكلة ان اختي الان مريضة وبتجي لنا البيت ترتاح
وامي بتحتاجني اساعدها واساعد اختي .
وانا كل مرة اساعدهم وانا كلي رضا وفرحة
كأني فراشة اسوي هذا واشيل هذا وارتب هنا واجهز كل شيء
لكن هالمرة احس مني قادرة اصير زي قبل
احس اني مابي اشتغل ولا اساعد احس
اني مالي اهمية
بس وقت حاجتهم يبوني
ايش اسوي؟؟
هم تخلوا عني بعز حاجتي لهم ماسألوا عني ولا ايش ناقصني ولا مهتمين الا ببعضهم
طيب وانا؟ والله احيانا من كثر الزعل احس اني بمرض او يجيني شي
محتارة يابنات ..كيف اتعامل مع اختي؟
هل اساعدها وانا ع الصامت
او اكون رسمية
او اتخلى عنها؟
احيانا اقول ياليتني ما امتلك طيبة القلب
كان تركت كل شي ورا ظهري وعشت عادي ?
اسم الموضوع : وبعدين مع قلبي اللي يخذلني
|
المصدر : أحضان الاستشارات البناتية