( 9 )
ألجمتني الصدمة ..واعترتني المفاجأة
ماذا تقول هذه ؟!!!!
- نهى وش تقولين ؟!!!
- يا خسارة فيك يا نوال ثقتي اللي أعطيتك أياها !!!
- يخسااااا ما لقى الا هو العب عليه !!!
- ياســلام تسوين نفسك بريئه ها وانتي مااافي أخبث منك والا ايش تفسير يوم انك تتعرضين له وفي بيتي انا اشوف وجهك انقلب اتري وراك عملة !!!!
كنت من الداخل أغلي وأحترق ك جمرة .. أظهرت التماسك والهدوء ..
- شوفي يا نهى ... والله اللي خلق سبع سموات وسبع اراضين ويالله ان كلامي كذب مايتم يومي الا وانا روحي مقبوضة انا مالعبت عليه ولا قربت جهته ... ذاك اليوم انا استأذنت منك وقلتي لي مافي احد واروح اشوفه قريب الغلط مو مني الغلط منك اللي ماتاكدتي .. وماحبيت اقولك قلت ماله داعي خفت تتضايقين ..!
- طول الليل وانا مانمت في صراع قوي معقولة نوال الغالية تسوي كذا .. مادري اصدقك ولا اصدقه اللي زاد الطين بلة انه عطاني وصفك تمام .. قال ايش .. مملوحة وجسمها رشيق وشعرها طويل وبشرتها لونها أسمر فاتح .. من وين له يحفظ التفاصيل هذي كلها من ويــــــن ؟!!!!
- افا يانهى تتهمييني الاتهام ذا تعالي اسأليني . استفسري مو كذا صدقتيه على طول نسيتي انه خاانك واللي يخون ماله أمان ماله أمان يانهى
صرخت علي منفعلة .. ودموعها تسيل على خدها.. بـــــس ارحميني مو نااااقصة كفاية ماكرهت احد مثل ماكرهتك ..
- احسسـت بقواها تخور .. أمسكت بها .. احضرت لها كوبا من الماء .. نزلت دموعي معها .. أنتي أعصابك تعبانة وحيلك مهدود ماراح اقلك شي غير حسبي الله ونعم الوكيل في الظالم
حسبي الله ونعم الوكييل
حسبي الله ونعم الوكيل
تركتها في الغرفة وأنا منهارة وحزينة فقدت طعم الفرحة .. أحسست بالظلم والقهر ..
من نهى وزجها الحقير كيف لها أن تصدقه وهي التي شكت لي من خيانته ولهاثه وراء النساء إن كلامه حقا صادق كما تدعي فلم يخبرها ما مصلحته في ذلك ؟!
أليس من الأفضل الإبقاء على العلاقة وستر فضيحته
أين غاب عقلك يانهى أين ؟
اه كل ما اعلمه أنني بريئة وسينصرني الله ولو بعد حين
مضت أيام زفاف والدي جميلة ورائعة ..كان بريق السعادة يشع من عين والدي ودبت الحياة في أوصاله .. تعلق بزوجه سريعا
وتستحق ذلك ..فهي امرأة خلوقة ومتدينة وذات شخصية قوية ... عرفت كيف تكسب قلب أبي منذ الوهلة الأولى ..
قويت أواصر العلاقة بيني وبينها أحببتها جدا .. وجعلتها كأمي .. كنت ألمس حنانها في ..
مما أدهشني أن علاقتها بالله قوية جدا .. فهي لا تترك الصلوات النوافل ولا صيام الاثنين والخميس ولا قيام الليل .. كنت أٍسمع صوتها في الثلث الأخير وهي تتلو القران .. يا الله ما أعذبه ..
دبت الحياة والبهجة في منزلنا
كثيرا مايردد أبي .. انتي يابنتي وجه السعد علي قدمتي لي شي ماوفيك حقه
تعتريني البهجة والسعادة واحيانا تتساقط دموعي لا إراديا .. ما أجمل إدخال السعادة في قلب الأبوين .!
الحمد الله لقد استجاب الله دعائي في زوجته وهاهي امرأة صالحة رقيقة المشاعر ليس كما يصفها الإعلام وتصفها المسلسلات بأنها شر مستطير وآفة لا فكاك منها
تحدد زواجي قريبا ...وكنا نذهب أنا ( خالتي ) زوج أبي إلى السوق لنتبضع .. دهشت منها فقد كان ذوقها رفيعا للغاية .. وخبرتها عالية ..
أفادتني كثيرا .. فهي تنتقي الأشياء الملائمة لبشرتي ولجسدي .. أحيانا كانت تعجبني بعض الألوان مثلا اللون الليلك فكانت تقول لي
- ابعدي عنه ما يناسب بشرتك يزيدها سمار
طلبت من والدي أن يكون عقد القران والزفاف في يوم واحد ولم استجب لإلحاح ياسر أن يكون القران الآن والزفاف بعد .. لكنني لم اقتنع مطلقا .. فكثرة اللقاءات في عقد القران تفقد لأيام الزواج الأولى بريقها ووهجها
كان الخوف يراودني أن يخبر يوسف ياسر ويخدعه مثل ما خدع زوجه
فمن كانت هذه أفعاله لا يستهان به بتاتا ..
صممت على أن أخبر ياسر في أقرب فرصة ...
اتصلت برقم هاتفه المحممول .. أجابني بشوق ولهفة تفضحاااانه
- هلاااا هلا بالمتغلية
- ضحكت بنعومة وخفة .. هلا فيك .
- كيفك دكتور ياسر ؟
- اماااا دكتور مرة وحدة قولي حبيبي عيوني
- ههههههه مو وقته الحين . اسمح لي ماقدر اطووول لاني مشغولة بس أبي كلمك بموضوع ضروري
- تحولت نبرته للجد ... طيب خير ؟
- تذكر الورد الي كان يجيني في المسشتفى ؟
- ايوة .. اذكر
- عرفت مصدره
- من وين ؟!
- أخذت نفسا عميقا وأغمضت عيني ..من يوسف زوج صديقي ..
- اها هو يطلع زوج صديقتك؟!
- لاحظت من طريقته في الحديث .. أن لديه علم بذلك .. ايوة
- وش جايبه عندك في المستشفى ؟
- عندك خبر ؟!
- ايوة عندي خبر
- .. بكل ثقة ... طيب حلو أن عندك خبر ..
- هذا الرجال جاني في المستشفى وطلب يدي للزواج بس أنا طبعا رفضت ... مرة من المرات كنت عند صديقتي طلبت منها الالاذن لدورة المياة وقالت خذي راحتك البيت ماحد فيه وكان موجود بس مادرت عنه ولمحني ومن ذاك اليوم مو راضي يكف اذاه عني .. يرسل رسائل ومن غير الورد ..وآخر شي فرق بيني وبين صديقتي مفهمها أني أتحرش فيه !!!
- نعم الخسيس النذل ( واحتد صوته ) وليه ماقلتي لي من البداية ؟! الحين تتكلمين
- اقولك بصفتك أيش ؟
- زوجك
- ماصرت زوجي لحد الحين
- مو البركة فيك
- اسمع ياسر اخاف يسوي لي مصيبة ثانية من جد عايشة في قلق واخاااف يفرق بيننا
- ماعااااااش اللي يفرق بيني وبينك
انا اوريك فيه أن مادبته والله لاخليه يندم
- تكفي ياسر بلاش مشاااااكل وفضايح ان عمل حاجة ذيك الساعة لا تسكت له بس مادام كف شره اتركه وأنا مايهمني انك تعمله شي ربي بيجازيه بس اللي خفت منه يوصلك معلومة او شي غلط عني
- يعني انا مو عارفك انا ايش اللي خلاني اهيم بك غير اخلاقك وعفافك انتي غير عنهم كلهم ....
- هههه مشكور يااااسر
- الحين أتركك في امان الله
- ويلوموني في هواااك الله يصبرني ليوم الزواج
شعرت بثقل كبير انزاح عن قلبي وارتحت نفسيا بعدما أخبرته
- الحمد الله
في يوم بعدما عادت خالتي من عند أهلها لاحظت وجهها متجهما .. متغيرا ..
علمتُ أن نهى أخبرتها بالموضوع المفترى .. قلتُ حسبي الله ونعم الوكيل ..
خشيت أن تخبر والدي ويسوء فهمه .. ياللله ماهذه المعضلة ؟!
كانت جالسة تتابع التلفاز تشاهد فلما وثائقيا عن خلق الإنسان ..
- قلتُ بلطف .. ان شاء الله ربي يفرحنا بولد منك ..
- لم تلتفت إلي وكأني لم أتحدث .
- خالتي أنا اعرف ايش اللي فيك .. لكن وربي اللي خلقتني اني بريئة ومظلومة والله شاهد .
- بس دمرتي حياة اختي نفسيتها صارت زي الزفت !
- خالتي انتي حكيمة وقوية مو أي شي يأثر فيك بالله قولي لي وين الصدق في الكلام اللي خبرتك عنه ؟!
- كون زوجها اخبرها هذا بحد ذاته دليل ..
- قلت بانفعال .. حسبي الله عليه الظالم .. اللي طعني في شرفي .أشوف فيه يوم . خالتي انتي ماتدرين كيف رباني أبوي .. انا عجينته اللي شكلها على الخير وعلى الشرف والعفة ... زوج اختك الحقير .تعرض لي كم مرة وكان يرسل ورد كل اسبوع ماكنت ادري من مين ... الا لما جاني في المسشتفى وقالي ابيك زوجه قلت له والله لو تنطبق السما ماخذك اخون صديقتي اواتزوجك .. وقلت له ياخسارة نهى فيك الطاهرة دنست علاقتكم بافعالك ... قالي مالك دخل بيني وبينها . وانتي ماحد بيطل في وجهك لأنك ممرضة والممرضات سمعتهم في الحضيض طردته من الغرفة ..وتجيني نهى تقولي تلعبين على أبو ريااان ..وانتي تتعرضين له .الغلط منها ااكدت ماحد في البيت .. ولما كان بيوصلني طلبت منها تروح معانا رفضت لمحت لها برضو مافهمت ... قولي لي وين اللعب وين التحرش ؟!!!!!
كانت دموعي تنسكب ويداي ترتجفان من القهر والإحساس بالظلم !
نهضت على الفور واحتضتني وهي تمسح على شعري
- ماعليك حبيبتي والله لاوقف معاك وأرويك فيه الخسيس صدقيني انا ماصدقت لان العشرة البسيطة عرفت معدنك وكنت ابيك تدافعين عن نفسك . وعارفة تمام معدن يوسف النسونجي
- في هذه الإثناء سمع ابي كل حواري وانفعالي .. دخل وهو مغضب ومتأثر .. ايش الكلام اللي اسمعه . اشوف فيه اشياء جديدة ماادري عنها ؟!
- ارتبكت . ما حبيت أنكد عليك وأضيق عيشتك .. وبكيت أمامه بكاء المظلوم .. المقهور .. عاتبني كثيرا .. وكان مغضبا ..وأخذ يقول لي كلام قاسي بلا وعي منه .
سحبته زوجته من يده بلطف وترجي وتوجهت به إلى الغرفة ... أحضرت له كوب من العصير
بعد فترة من الوقت دخل علي والدي مبتسما وهو يتأسف ويعتذر وأنه فهم الموضوع بطريقة خاطئة
وفي الغد ذهب أبي الى الرجل يصطحبه ياسر ووبخاه وقاما بتهديده إن تعرض لي مرة أخرى .. فسوف يلاقي جزاءه ..
أنزاح كابوس جاثم عن كاهلي وارتحت أخيرا من هذا الهم الذي أطار النوم من عيني .
فهمت نهى الموضوع أخيرا وانقلب السحر على الساحر .. تركت له البيت بأكمله فما عادت تصبر على أكثر من هذا ظلما وشقاء حاولت الاتصال بي لأكثر من مرة .. فلم أجبها لأن جرحي كان غائرا وعميقا .. ولابد من الوقت الطويل حتى يندمل !
لم أخفي إعجابي بخالتي في تعاملها الراقي مع أبي .. كنت أتساءل عن سر تعلقه بها .. إلى الحد الذي لا يصبر عنها أكثر من سويعات ..
كانت بعد صلاة الفجر تعد له سفرة شهية من الآفطار اللذيذ ... وحينما يريد الذهاب إلى عمله تطيبه بالعود وتحضنه مستودعة اياه الله !
وفي الظهر وحين يعود من عمله يجد الغداء جاهزا على أفضل حال وكانت بعد الغداء لا تفوت الدخول معه الى الحجرة ..
وفي العصر تعد له القهوة والشاي وهي بأبهى حلتها .. والابتسامة والدعوات الصادقة لا تفارقها .. وأحيانا تقرأ له من الكتب الدينية ويجلسان يتناقشان فيما يقرآنه .
كنت متعجبة من همتها التي لا تفتر .. فتساءلت ما ا لسر الذي يجعلها بهذا الشكل من النشاط وهذه القوة ... لأنني أعلم أن المرأة تأتيها تغيرات شهرية تقلب كيانها وتجعلها متعكرة المزاج لا تطيق زوجها ولا منزلها !
قررتُ سؤالها حيثما تحين لي الفرصة ...
( بنات احاول اكمل لكم الفجر)
اعذروني اكتب لكم وأنا مشغولة في بيتي ومع بناتي
قراءة ممتعة
