وانا فاضيه اروض الرجل !!!

[me~4~you]

بسم الله الرحمن الرحيم


شو رايكم في المرأه القويه ؟؟؟؟؟؟؟؟؟


شو رايكم في الحريم اللي تنصحينها تقولين لها حاولي تروضين ريلج وتتفاجئين بالردددددددد...هوانا فاضيه اروض الرجل برايه ماعندي وقت انتظر الين يتروض!!
بنات والله مانكر انها صدمتني لكن احس معها حق ليه تضيع سنين عمرها الين ينعدل انا قمت افكر اقول هل هي صح !!

يالله بنات ابى شوف رد كل وحده لو يات تنصح وحده ولقتها المرأه الثانيه ماعندها وقت تضيعه لغيرها بصراحه خلتني افكر وافكر وفكر يالله بشوف ردودكم ......كل وحده شو رايها .؟؟؟؟؟

 

[me~4~you]

يعني بينت لي ان عندها اشياء اهم من انها تقعد تتريا متى حضرته بيرد العقله ؟؟؟؟ حريم والله ولا شو رايكم هههههههه

 

[عوافي1408]

حبيت اقولكم ارتاحوا ولا تعبوا انفسكم لآن ابو طبيع ما يغيرطبعه..

 

[هواها شرقي]

عزيزتي هذا يعتمد عالمرأه نفسها .. يعني لو هي ممكن تستغنى عنه وتعيش بدونه وماله اي تأثير بحياتها فهذا ممكن وماله داعي تضيع عمرها في ترويضه وفعل المستحيلات لاجله ويمكن بعد يا تصيب يا تخيب.
اما لو كان هو له دور اساسي في حياتها وهي ما تقدر من غيره تعيش او تربي عيالها او تدبر امورها فلازم انها تحاول مره ومرتين وثلاث ...

 

[أم مايد حسن]

الإنسان ما يقدر يغير إنسان بس يقدر بطيبته يرضخ له هذا حكمتي في الحياة

 

[ا روان]

الزوجة تحاول تغير بعض الأطباع لإنها متضررة منها
ولو تركت زوجها على طبيعته بتتعب
عشان كذا تحاول تغيرها طبعا يعتمد على الزوجين كلهم
فإذا كان الزوج متفهم ومحب لزوجته يتنازل عن بعض الأمور
والزوجه اذا استخدمت ذكائها وأنوثتها تستطيع ان تغير بعضها وذلك بعد توفيق من الله
أما بعض الطبايع تحاول أن تتأقلم معها لأنه صعب عليها إنها تغير كل شي في طبيعته
وأهم شي الدعاء وكثرة الإستغفار والصدقة​

 

[me~4~you]

مشكورات خواتيه على ردوكن الطيبه عوافي 1408 وهواها شرقي وام مايد حسن واروان فديتكن مشكورات وفعلا الوحده تغير الاشياء اللي متضرره منها واقدر اقول انا اعرف حريم غيروا ريايلهم من بعد ماكان محد يقدر يطلع برع البيت غير بإذنه الليوم هي تسير كل مكان وهو بالبيت مايعرف وينها فيه حريم تغير مجتمعات وليس فرد بس اهم شي العزيمه وماتيأس ابد ويالله ترة تشوقت اجوف ردود وآراء اخرى ..قود لك للجميع.

 

[أبرار سالم]

حلو أن الوحده تروض زوجها .. لما ينصلح
حال الزوج هذا له تأثير كبير في حياة الزوجة
الحين المركب اذا القائد فيه سكير مثلا أو مجنون
أكيد يعرض الركاب للغرق ، كذلك الزوج اذا ما أنصلح حاله راح
يتأثر كل اللي حوله وأولهم زوجته وعياله
وأذكر لكم قصة وحده راحت للساحر تبي تسحر زوجها
قالت عنه أنه راعي مشاكل وطلعت فيه كل العيوب وتبي شي تقدر فيه تروضه
طلب الساحر منها 3 شعرات من جسم الأسد خافت بس قال هذا شرط
راحت الغابه وعطت الأسد اللحم وكررت في اليوم الثاني والثالث والرابع
حتى قدرت تقرب من الأسد وخذت منه 3 شعرات وراحت ركض للساحر وقالت الحين
أبي أسحر زوجي .. قالها الساحر .. قدرت تروضين الأسد وما تقدرين تروضين زوجك
ان كيدكن عظيمـــــ ...........​

 

[زمان الوفا]

حبيبتي لا يوجد شخص يستطيع ان يغير انسان ناضج لهذا اقول ان حسن الاختيار من البدايه هو الاساس ,لاوضح لك بهذا المثل :
دائما عندما يكون اساس المبنى قوي مهما حدث فهو سيبقى شامخ اما المبنى ضعيف الاساس فمهما عدلتي بديكوره من الداخل او من الخارج فسيبقى ضعيف و اي عامل خارجي يستطيع دماره و بسهوله .
اذا لم يكن الشخص نفسه مستاء من سلبياته فكوني على يقين انه لن يتغير ولو جلستي تروضينه عشرات السنين بل ستستيقذين من سباتك متاخر بان مخزون عمرك قد نفذ مع تبخر كل امنياتك بانه يستغير.
لكن للاسف في مجتمعاتنا دائما الرجل يستطيع ان يروض المراه او بالاصح تاتيه المراه مروضه .. بلا شخصيه لان بالاغلب يكون الاهل قد سبقوه بهذه المهمه ..

 

[me~4~you]

مشكوره ابرار سالم على ردج الجميل والقصه صج ان كيدهن عظيم وجرح الزمان كلامج درر صج الاهل هم ساس البلا يحطمون البنيه ودووم يحطون من قيمتها ويخلونها تروض البشر كلها بس وذا يوم هي نرفزت واشهرت انيابها كل الدنيا تقوم ضدها المهم الوحده تعيش لنفسها بسسسسسسس لاتعطي غيرها عمرها نحاول نكون قويات وناخذ قرارت قويه .

 

[gara3]

الواحد يحاول ، والمحاوله ما تخسر شي لكن ما تفرض روحها ولا تعور قلبها وفي الاشياء والعادات القبيحة جدا

وقبل كل شي المفروض الواحد ينشغل بنفسه ويشوف هل اهوا كامل لدرجه انه يبي ايغير من الغير؟؟

في وايد ناس يحسبون روحهم مظلومين وبالنهايه يطلعون ظالمين وانا اقصد احنا يا الحريم ( وانا اولهم):nosweat:

 

[نايس هواوي]

احس بمتعه في ترويض الرجل ماادري انتم معاي

 

[أم فهد 123]

صدقوني مع الحياة الزوجية والصبر ممكن تغير الزوجة زوجها وهذا من الواقع وانا مجربة اول ما تزوجت زوجي كان كل شي ممنوع مثلا المطعم ممنوع الزيارات ممنوعه وما يحب يوديني مكان وما كان منتظم بالصلاة وفيه صفات ما احبها الحين ومع العشرة والوقت الحمد لله صلاته في المسجد ويطلعنا ويسفرنا والحمد لله تغير بنسيه 85بالمئة اهم شي الصبر والدعاءءءء والاستغفار

 

[حبي وسام]

 

[SDSD]

الكلمة الطيبة لها دور كبير والصبر