والله والله والله محتاجتكم من بعد الله

[لحن العاصفه]

ابغى مساعدتكم
امي وابوي منفصلين من قبل اربع سنين واصلا لما كانو سوا ماكنا نسمع الا ان امي تسب ابوي انواع السب وابوي نفس الشي يعني الراحه النفسيه عندنا صفر
المهم وبما اني الكبيره لازم اتدخل بمشاكلهم غصب عني ووووووووو
واخر شي ابوي تزوج على امي وامي تطلقت وحتى يوم الطلاق كان كله ضرب وسكاكين والحمد لله
اما انا جاني شاب وخطبني قبل لاتتطلق امي بفتره وانا ماصدقت خبر ووافقت وامي ماوافقت لانه مو متوظف لكنه يتاجر مع ابوه
انا اصريت على رايي وتمسكت ابغى الفكه من البيت ولما صار الطلاق اصريت اكثر وامي مصممه ماتبغاه وقابلته وسمعته احنا ناس هاي ومن الخرابيط هذي
وحددنا موعد الزواج قريب وامي رافضه تبغاه بالاجازه وانا ابغى الفكه وحلفت لاهي ولااهله مايحضرو الزواج وراح زوجي يكلمها وهي عندت وصار الزواج ومافي احد حضر غير ابوي واعمامي
وقاطعوني سنه وبعدين خلاص بس لما اروح عندهم اسمع منهم كلام اني كنت اعرفه قبل الزواج واحبه والحين هو يذلني وووووو
وكله بسبب اختي التعبانه تقول عني كلام وامي مصدقتها وانا تعبت وانا ادافع عن نفسي
وعندي اخت صغيره امس كشفوها انها تكلم وامي سحبت منها الجوال وصارت مشاكل وانا انصح امي تكلم اختي بالسياسه لكن ماهي راضيه طردتها عند ابوي وابوي مايبغاها
وانا اقول اختي ماهي غلطانه لان امي تقولنا خلو ابوكم يجي ياخذ الزبايل اللي هما نحنا عنده وابوي يقول انا خلفتكم مصيبه على قلبي وكل واحد يسب فينا قدامنا ماتبغونها تدور الحنان برا
وبس يدعون علينا او تتصل امي علي وتقولي مصير زوجك يرميكي والله جابولي النفسيه تعبت منهم ومن مشاكلهم واختي الوسطانيه راعية المشاكل مافي احد يفتح فمه عليها حتى الضرب تضرب امي وابوي وبالرغم من كل هذا يصدقونها ويخافون منها
الله يخليكم قولولي كيف اتصرف

 

[روابينا]

هذا بلائك ...اتكلي على الله ..وتصرفي بحكمه وحافظي على زوجك وبيتك وبعديهم عن هذه الكراهيه وحاولي تزرعي الحب في بيتك وتعوضي نفسك واطفالك المر اللي شفتيه
الله يوفقك لاحسن حياة ويعوضك

 

[خادمة الاسلام]

الحمدلله تم زواجك مع انه برايي كان المفروض تسمعي كلام امك اللي صبرك سنين يصبرك لين الإجازة لكن الزواج وتم الحمدلله
لا تتضايقين ولاشي اهتمي اللحين ببيتك وزوجك وانجحي بحياتك وخلي أسرتك ناجحة لاتخلي فشل اسرة اهلك ياثر علي أسرتني وامك وأبوك الله يعزيهم صليهم وأحسني لهم وادعي لهم وأختك انصحيها وأهديها أشرطة وفهميها والله يصلح حالك

 

[لحن العاصفه]

كيف ابعد اهلي عن زوجي
حاسه ان حياتي بتخرب بسبب مشاكلهم

 

[غااااااايه]

حبيبتي الله يعينك . أنا كتبتلك رد بس شكله انمسح.بكتب مره ثانيه

حبيبتي امك ،وابوك لاتلومنهم فاي تصرف تجاهكم ، وحطيلهم 100 عذر ................... ترا حبيبتي الطلاق مب شي هين . الضغط النفسي واللوم اللي يسمعونه من الناس واهلهم ............... أكيد يسببلهم ضغط نفسي ، كونهم ماقدرو يتأقلمو مع بعضهم البعض.وهذا زاد من عصبيتهم ،وعنادهم لبعضهم البعض.

وهم لما يسبو او يطرشو عيالهم لبعضهم البعض . هذا عناد ، او يمكن اسلوب انتقامي من الطرف الآخر.
وليس كرها ، او عدم حب فيكم .

بالنسبه لاختك عزيزتي ، كوني قريبه منها ، احتويها ، تواصلي دائما معها . عشان تحس انه في حد مهتم فيها . ويهمه شأنها.

ياقلبي الحين انتي خلاص أمامك حياة جديده. واهلك اخلو مسوؤليتهم منك . ولكن هذا لايعني انك ماتبريهم ، وتحسني اليهم ،في المقابل ركزي على زوجك ونفسك ،وازرعي في نفسك أملا بحياة جديده مليئه بالحب والسعاده . واهلك لاتتكلمين عنهم ابدا مع زوجك . ولاتشكين .واهم شي تهتمي بنفسك وبس. ​

​

 

[s@سوسو@s]

اهتمي بزوجك ونفسك وبيتك
هذا اهم شي ولاتشكي مشاكل اهلك لزوجك
اهلك لاتفكري تقاطعيهم مهما قالو حاولي تصبري وعليك بالدعاء
والله يفرج همك

 

[الناصحه الامينه]

احسني للجميع
وبري والديك
واحمدي الله ان قدر عليك هذاالبلاء
واتقي الله



حققي التقوى وسيجعل لك الله مخرجا من كل ضيق
ومن يتق الله يجعل له مخرجا ويرزقه من حيث لايحتسب

 

[غااااااايه]

وش دخل زوجك في اهلك ،انتي فبيتك ،وهم فبيوتهم ........................... بس لاتقطعينهم ابد ابد أهلك وخواتك.................................. ولما بتروحين لهم زيارات زوجك لايروح معك .الا فالظروف الملحه وبس.

 

[قطـــــريه]

لا تروحين عند امج فتره .. كلميها بالجوال وخليها تهاوش وسب بس مو قدام ريلج .. ولو علق ريلج .. قولي له شوف انا امي بروحه ما تواطنك كلمه ثانيه وبروح لها وفسر لها سبب كلامك .. ولا تسمحين له يتمادى ..

 

[غموض الاحساس]

يا الغاليه
اهلك هم حياتك وتذكري انك كل طيب تعمليه ح تلاقيه في عيالك في المستقبل
وفي نفس الوقت زوجك هو حياتك كما حاولي تسعديه وتعطيه كل الحب والحنان الي انتي فقدتيه بس ابدا لا تحسسيه او تقو لي له انه كل حياتك وتلغى اهلك ترى بشوف نفسو عليكي حبيه وفي نفس الوقت حسسيه انو اهلك غالين عليك وما تستغني عنهم وحاولي لا تقول لي اي شيء عنهم ان كان في الماضي او الحاضر
واختك احتويها وقريبي منها وحسيسيها انك امها الي فقدتها ولا تكلميها عن موضوع الجوال
ابدا
يا عمري عشان هي ضعيف ومحتاجه حنان بس ذكريها ان الحياة حلوه وفي نفس الوقت في رجال غدارين وعندهم حب زايف يضحكو على البنات المجروحين
والله يعينك واهم شيء انك تسجدي لله كل يوم في الليل وتطلب من الله ان يسخرلك زوجك ويلين قلبه من ناحيتك واهلك
وادعي لامك وابيك واخوانك

 

[قلبي قلب طفلة]

ماعليك حبيبتي أرمي المشاكل وراء
وأهتمي بزوجك وبيتك عيوني ولاتفكرين في المشاكل
أما أهلك أدعيلهم بالهداية والصلاح.
تمنياتي لك بدوام التوفيق

 

[ماني من ناس]

كيف
يذلك يعني يسوي مشاكل لك علشان عارف انك متقدرين ترووحين لهلك
عااااادي
قوليله كفوووو ياسنيدي ياعزووتي حرجيه بلاكلام من نخووه اذا غلط عليك
اما امك الله يهديها صراحه متسلطه
ومامنها امل
اما اختك انتي جلسي معها لكن زووجك لايدري وفهميها عن مشاكل امج وابووك وانه انتم اللي رايحين فيها وشيبغي قوولي لها عندنا غير شرفنا واذا احد عرف محد بياخذها وبتتبهدل بين امج وابووج
وابووج
حده
صراحه انتي كلميه وخليه ياخذ اخووانك ليه تركهم واذا منفع عمامك
الله يستر عليكم يارب قسسسسسسوه ميعلم فيها الا الله​

 

[دلوعةزوجي]

لا مستحيل هل هناك بشر بهذا الشكل

كيف ابوك يرميكم لامكم وامكم ماتبي الزبايل وش هالالفظ والرقي

وكيف تسمحون لاختك تمد يدها على امها وابوها

ياعالم هذا عقوق هذا الشي يودي على جهنم على طول

وكيف يا حلوة تبررين عدم اهتمام اهلك وانهم لو ما اهتموا فيكم بتدورون حنان برى

انا مذهوووووووووووووووووووووووووووله مو مصدقه مو معقول لاكن ربك ييسر​

​

 

[رازيا]

سيم سيم نفس كلام دلوعة زوجي ههههههه

 

[تشكرات]

الله يعينكم ويساعدكم ...

حبيبتي مشكلتك كبيره ..فيهــا تفكك أسري بشكل واضح وملحوظ

وعلاجهـا عند استشاريين أسريين متخصصين ....

لكن بالنّســبه لزوجــك ( لاتسمحي له ابدآ أن يتكلّم على أهلك

وبالذّات أمك ...أقطعي عليه كلامه ..وأخرجي من المكان ...

وبين كلّ فتره وفتره زوريها لتكسبي برّهــا ..واذا غلطت عليكي

بكلام جارح ( ألتزمي الصمت ..حتى يحين وقت عودتك لبيتك ) ولا

تبيّنــي لزوجك ماحدث بينكم ......واذا لاحظ عليكي زعل أو شئ

قولي له :

مشاكل عاديّه ممكن أن تحدث بأيّ بيت ...وبس ..أسكتي لا تزيدي

في الكلام حتى لا تدخلي معه في نقاش حاد أنتي في غنى عنه ..

وربنا يصلح لكم الأحوال ..

 

[لحن العاصفه]

بنات انت فاهمين غلط
زوجي مايتكلم على اهلي ابدا ومايحب يتدخل بمشاكلهم
امي اللي تغلط على زوجي
بالعكس زوجي يخدم اهلي ودايما ينصحهم
المشكله الحين انه امي تقولي قولي لابوكي اختك السنه هذي ماتكمل الدراسه عقاب لها وهي ثانيه ثانوي
ويوم قلت لها انه ابوي راح الدوام واختي جلست مع حرمه ابوي
جلسه تخاصم تبغاه يفصل من الدوام عشان يجلس يراقبها
احيانا افكر اقفل جوالي عشان ارتاح

 

[قمر بعيونه]

ادعي الله اخر الليل والحي في دعائك واستغفري الله يفرج همك ويصلح احوالكم ويهدي والدينك

 

[ام غـيـث]

لا حول ولا قوة الا بالله
كل الي يصير نتيجه للي كانو يشوفونه بين امك وابوك
بس الحمدالله انتي الحين تزوجتي وزوجك شكله رجال ونعم فيه لا تفرطين فيه وداريه واهتمي فيه وفي بيتك ولاتنسين نفسك حافظي على زوجك امك خلاص تطلقت وما بتنفعك في شي اساسا هي تبي الي ياخذ بيدها ويساعدها وحاولي تبعدينها عن حياتك بدون ما تحس منك امك يوم رفضت كانت تتمنا لك الافضل بس الحمدالله ان شاء الله ان زوجك يهنيك ويسعدك ويعوضك
اقعدي مع اختك وحاولي تفهمينها ان الي الي تسويه ما بينفعها هي بتهرب من واقعها بس بتهرب للجحيم يعني من الششر الى الشر حكيها قصص بنات كانو يكلمون وش المصايب الي جتهم وكيف كانت نهايتم خايسه
خليها تهتم بدراستها وتبر امك على الاقل تهدى الحياه في البيت وتتحمل امك حتى لو صرخت او هاوشت ما تزعل تراعي الا امها فيه كل ماتزعل من امها تفرش سجادتها وتدعي ربها يفرج عليها وعلى امك
اسال الله ان يفرج همك ويسعدقلبك ويجعل الطمانينه في قلب امك وقلبك وقلب خواتك

 

[ناصرة المظلوم]

حبيبتي مو عارفة وش أرد لكن الله يعينك عن جد موعارفة أرد