والله والله والله تعبت استاذه ناعمه ابي حل

[ملكة قلبي]

السلام عليكم

يا استاذه ناعمه ارجوج دوري لي حل مع ريلي

خلااااااااااااااااااااااااااص طقت جبدي منه

مش قادره اتفاااااهم معااااااااااااااه احنا انحب بعض بس انا وهو مانتوافق ابدا على ان طبعنا مقارب وايد بس مش قادرين نتفاااااااااااااااهم

اذا بغيت حياتي تمشي لازم اسكت وانطم علشان تمشي الحياه ولازم اسوي كل اللي يبغيه ولا اروح ولا تعدل هني بتمشي حيااااااتنا

اذا فيها طلعات وشوي تعدلت او لبست تعتفس حيااااااااااااااااتي

باختصاااااااااااااااااااااااار الغيره ذااااااااااااابحته وهو مايحب يشوفني لو كاشخه لزياره

لدرجه عبايه في شي لو خط كرستال صغير مايرضى انا رضيت وتركت كل شي علشان تمشي حياتي
من فتره قص جوتي الزيارات بالسكين علشان زرت وحده فيه بالمستشفى تخيلووووووووووووووووووووووووو باااااااااااااموت من القهر
تنازلت عن اشياء وايد علشان تستمر حياتي بس الا ويطلع لي شي
شاااااااااااااااااااسوي
انحب بعض وعندي عيال بس مانقدر نتفاهم مع بعض
اقول ليش انا اضيع شبابي وعمري على واحد مش مقدرني

بليز استاذه ابي حل معاه والله تعبت منه
واشياء وايد صعب اذكرها
اي سؤال انا حاضره

 

[ملكة ببلقيس]

الله يكون بعونك حبيبتي
يبدو منك الانفعال الان فاستهدي بالله واصبري واستغفري كثير
وربي بيعينك ويوفقك

 

[جورية الخبر]

غاليتي ,,
كان الله بعونك ,,
وياليت تهدين وتسترخين اشوي ,,
ما اتوقع ترتاحين لو تركتيه لانك تقولين انك تحبينه ..
اكتبي تفاصيل اكثر وخاصة عن غيرته عشان يقدرون الزميلات المساعده ,,

الله يفرج همك وييسر امرك ويهدي زوجك ,

تقبلي مروري

 

[روضه المحبه]

:bye1:أسأل الله ان يفرج همج عزيزتي ....لاتنسين سهام الليل اوصيج وبالدعاء والاستغفار

 

[وردة الحنون]

ياأختي يمكن من حبه لك يغااار عليك
وانت ليه تطلعين وزرتي المستشفى
وانتي ماقلتي له
ياأختيمايجوز تطلعين بدون اذنه !!!
استهدي بالله
كان الله بعونكم

 

[ربي رجائي]

السلام عليكم ورحمة الله وبركاته


حبيبتي اولا كل ماحسيتي نفسك معصبه اتوضى فان الوضواء يشرح البال

ثانيا:الغيره دليل محبه بس الشي ادا زادعن حده ينقلب ضده
كلميه بهدوا وسكينه وقوليله انا عارفه ياقلبي لو ماتحبني ماغيرت عليه واوعدك اني اقلل من الاشياء الي تضيقك

وبالنسبا ليكي مافي داعي تلبسي عبايه فيها كرستال او غيره خليها ساده

وتدكري من طاعة زوجها بغير معصية الله (دخلت الجنه)
والله يصبرك ويهديه ليكي

 

[نهر الحياه]

حاولي طنشي تعقداته وتشدده الناتجة من غيرته

واحمدي ربج دائما انه تكون غيره ولا خيانه

أنا ريلي من غيرته مرات يصرخ علي في السوق

أو يشدني بقوة جدام الناس ...صح أزعل بس أعرف انها من غيرته

أول سنه زواج 3 أشهر ماطلعني من غيرته طفرني صراحه

بس اللحين حاولت اطنش حركات الغيره واشوي شوي صار احسن

انا مثلج تنازلت عن أشياء كثيرة مثلا لين اللحين شنطة ملونه مافيه عباية حلوة مافيه


بس لما تفكري فيها بتعرفي انج لما طيعيه تاخذ أجر ولو عصيته بتاخذ اثم

لأنه عباية مزخرفة تطلعي فيها لا يجوز شرعا لانها تلفت ...ونفس الشي بالنسبة للنعال وغيره

لازم لما نطلع نكون أسود في أسود ع قولة وحدة فل مخفي ...عشان يرتاح هو ونرضى ربنا في نفس الوقت

دائما جددي النية ...وراح ينقلب شعورج لرضا وقناعه

والله يوفقج

 

[ملكة قلبي]

مرحبا خوااااااااااتي

شكرا على مروركم انا صدق منفعله وايد واعصاااااابي كلش تعبانه

انا ماطلع الا بشوره وما سوي شي الا برضاه
لو زعلانه ابعث مسج اني ابي اروح مش باروح لا اسلوب مشاوره

بس هو يغار صح من حبه لي
شوفوا لدرجه شنو اقوله انت قهرتني يوم قصصت جوتيي يقول وانا انقهرت عليج يوم لبستي الجوتي
اقوله الغيره بتفرق بينا حرااااااااام عليك مع اني اسوي كل اللي اطلبه

لو قالي اني مالبس الجوتي والله كان مالبسته بس ماتوقعت بيعصب
ويوم عرفت ان ضايقه الموضوع قلت له ابشر مراح البسه شيبي اكثر من جذيه

والله خواتي لو مو انتوا ولا الموقع كان انا في في حاله الله يعلم بها

 

[ملكة قلبي]

خواتي ..

انا اذا بغيت البس عبايه حق مناسبه فقط هذا اللي اتمناه بس والله عادي عندي الحين مابي شي في هذي الدنيا الا يكون راااااااااااااضي ...

بس اذا سويت شي وانا ماعرف ان يزعله مثل الجوتي وقالي لا تلبسينه والله مراح البسه

بس هو مايتفاهم يزعل ولو قلت له انا ماكنت اعرف ان هذا يزعلك خلاص مراح اعيدها يزعل ويقطع الجوتي لااااااااا هذا قهر

 

[احلى اثنين]

مرحبا اختي وهلا وغلا
عندي لج نصيحه استخيري وشوفي العجب استخيري في غيرته وتصرفاته والله بيشوفلج الخير وين وبيلين قلبه وقوليله انا مو عاجبني ها الشي بس اسويه احتراما لك

 

[ميمي 1404]

حلوة الغيرة من الزوج ... لكن تصل إلى حد التحكم .. هذي مو غيره هذا تسلط .. :busted_red:
يعني اذا لبستي عدل وساتر .. واستأذنتي قبل لا تطلعي .. انتي ما غلطي بشي ليش الاعتذار .. والله ما يخرب الرجال الا من الاعتذار الزايد .. اذا انتي مو غلطانه مو لازم تسوين تمثليه عشان يرضى .. قوليله يا ابن الناس انا سويت كل اللي قلت عليه .. ليش الزعل .. وخذيها بضحكة وطنشي الموضوع :blow:ولا كانك مسوية شي .. حاولي تقفلي المواضيع اللي زي كذا .. لا تتناقشي فيها كثير ..

والله يريح قلبك يا قمر

 

[المهاجره]

بعض الأحيااااااااان
الإضراب عن الخروج يجيب نتيجه
بحجة الغيره الزائده
لكن لا تبينين له إنك سعيده بجلوسك في البيت
وإذا طلب أو سأل ليه قاعده
قولي إرضاءاً لك ماأحب أزعلك
بيحس بتأنيب الضمير
وأنه سبب في تعاستك

وعلى مايبدو لي إن زوجك شرقي
وعلاجه كما قالت الاستاذه ناعمه قرآءة القرآن بشكل جهوري

وفي قرآئته ممكن تتعالج جميع العقد النفسيه والوساوس والتصورات الخاطئه
لان الشرقيين حينما يتطرفون يصبحون موسوسين وغيورين جداً


والله يبعد عنك التعب حبيبتي

 

[ليتني احتويك]

الله يكون بعونك والله الغييييييره مرض بس مابيدنااااا حيله الله يهديهم ويهدينااااااااا ..

 

[ملكة قلبي]

مرحبا خوااااتي
مشكورين على النصائح والله ريحتووووني فديتكم ...
وكلامكم كله صح الغيره زاااااااايده ...
الله يهديه يارب
تدرون هو شخصيته صعبه وايد وايد غير الغموض وقله الكلام والعصبيه
اقولكم سالفه عن غيرته والله بتستغربون وهذا مانساه طول عمري

مره كنا رايحن السعوديه بالسياره وتعرفون لازم ننزل للمطبقه وكنا بشهر 2 وكان الوقت 5 الصبح يعني مش برد الااااا موووووووووووووووت وانا بالسياره والدرايش مسكره وعلى شاااااال اسود وصوف ميته من البرد
المهم يوم بانزل للمطبقه الا يقول فصخي الشال شلون تنزلين جذيه الا اقول ها برد قال لا متنزلين جذيه
انا والله لاني ماحب ازعله توني بافصخه الا سياره قدامنا انزلت مرأه لابسه مثل الروب فوق العبايه وضيقه الا يوم شافها قال خلاص خلاص خليه
انا انقهرت شفتوا انسان يصيح من قلبه والله ان قلبي حسيته يصيح بس ما كنت ابي ابين له بسبب ان مسافرين ومابي اعكر حلاوه السفره
بس ماتتصورون شلون السالفه مأثره فيني على ان صار لها سنتين
شراااااااااااااااايكم بهذي الغيره
وياما قصص تبون اعلمكم عنها والله تضحك وتصيح في نفس الوقت

 

[ملكة قلبي]

:icon1366:

ادعووووووووو ليي الله يسخره لي ويهديه يارب

 

[سحاب المزن]

حبيبتي والله كسرتي خاطري بس باقترح اقتراح يمكن ينفع يعني قوليله أنا ألبس وأكشخ عشانك وعشان سمعتك لما يشوفوني الناس يقولون ماشاء الله عليه ريله نعم الرياييل مش مقصر على حرمته ....بعض الرياييل يخاف من كلام الناس ويتأثر منه وهذا اللي حسيته من كلامك عن ريلج لأنه رضى تنزلين لما شاف وحدة ثانية مثلك......