والله مررره خايفه ساعدوني ........

[الدموع المبتسمه]

السلام عليكم ورحمة الله
يسعد صباحكم/مسائكم أخواتي في الله
أنا توني قمت بالسلامه الحمد لله
الله رزقني بنت للمره الثانيه
ومشكلتي هي إني كملت الأربعين والخياطه ماطاحت مثل ماهي
ومره مخوفتي ليش للحين ماطاحت
وعلى فكره هي خياطه داخليه فقط ..
في اول ولاده ما اخذت 10 ايام وفي هذى الولاده كملت الأربعين ومثل ماهي والله خاااااااااايفه
هل لها ضرر أو تأثير في المعاشره الزوجيه ..؟؟
والماء والملح ما أقدر أغسل فيها كثير عشان فيني البواسير وأخاف تلتهب عليّ ..
والله محتااااااااااااره تعرفون مرهم ولا شيء ..؟؟
ولا اروح للدكتوره تفكها ؟؟
اللي عندها خبره تفيدني الله يجزاها الجنه ويبلغها مرادها آميييييين ..

 

[kook]

انشاء الله البنااااااااااات يفيدووونك000

 

[يارب اتزوج]

اول شي مبروك وحمدلله على سلامتك

وثاني شي

افضل لك تراجعين طبيبتك اللي سوت لك الخياطه هي ابخص بهذي الامور ولاتسخدمين شي تندمين عليه بعدين

وتقبلي مروري​

 

[صبيه شقيه]

ايه روحي للطبيبه وراجعيها ولو التامت الخياطه وماطاحت الخيوط هي تقطع الخيوط

 

[يارب اتزوج]

اول شي حمدلله على سلامتك ومبروك عليك العروس الحلوه اللي جاتك


وافضلك تراجعين طبيبتك هي ابخص في حالتك لاتستخدمين شي وتندمين بعدين عليه

والله يوفقك دعواتك لي

و​

 

[لذة عدولة]

الحمدلله على سلامتك ,,,ومبروووووك على العروسة الصغيرة
انتبهى على نفسك ولاتخاطرين بشي افضل حاجة انك تروحين
عند دكتوراتك اللي سوت العملية لانها ادرى بلي سوتة
تقبلي مروري وتحياااااتي .............................

 

[ام شيهانه]

هلا فيك اختي انا زيك وتوني ولدت بس انا خلصت شهرين وخيوطي انفكت بعد ثلاثين يوم ونصيحتي لك لاتروحي لدكتور تفكها ولاشي انتبهي ترا بتتوسعين ولاكنك استفتدي شي وطبعا المعاشره رح تفك الخيوط واصلن الدكتور قالت لي اقل شي عشره ايام بعد النفاس مايجيك زوجك او شهر لان الارحام لسى تعبانه
والخيوط عندك ماانفكت هذا ماله الامعنى واحد ان الجرح لسى مالتم
انا بقولك وش تسوي وبتدعين لي حطي مويه دافيه وذوبي فيها شويه مره وتنقعي فيها بس لاتطولي يعني عشر دقايق انابصراحه كنت اضيف ملح ومااتوقع له اي ضرر بس لاتكثري شي بسيط يعقم الجرح ......... وحطي مره مع مويه في علبه وتغسلي فيها دايم .............وانصحك في عشبه خوا جوا خذي منها شوي مع فنجانين زيت زيتون وقطعتين مره واغليهم مع بعض واول ماتغلي طفي عليها وخليها ساعتين بعدين صفيها وحطيها بعلبه وادهني فيها المكان كل مادخلتي دوره المياه وحاولي تدخلي شوي باصبعك وتبخري بالمر وخوا جوا ولبان الذكر مرتين باليوم طبعا هذا الاشياء المفروض سويتيها من بدايه نفاسك ..........والله انا ما نفعني بعدالله الا البخور خلطه خواجوا وسوي بحث وتشوفي فوايده هوه والمره اهم شي انتبهي تخلي الدكتوره تفكها حاولي تصبري قدماتقدري واتمنى اكون افدتك

 

[أ.بنوتة]

بالعكس الماي الدافي والملح زين للبواسير والأرحام

صديقتي كانت تستخدم مرة من أول ما ولدت

تسببت في التئام الجلد سريعا ع الخيوط ولما راحت تراجع فكتها الدكتور

نصيحة : المرة لا تستخدم إلا بعد ما تطيح الخيووووووط انتبهوووووا لأنها تلئم الجرح بصورة سريعة

مودتي

 

[ام غلاوي2]

اذا كانت خياطة داخلية ماتطيح الغرز لأنها داخلية لا تخافي اما اذا انها خارجية بيتبين االخيط اذا نزل

 

[بنت الثرياء]

عادي انا ماطاحت الا بعد 45 يوم وموب لازم يجيك زوجك بعد الاربعين على طول احسن لك بس راجعي الطبية