ماني عارفة ايش أقولك قاهرني الكلب والله يعز الكلب منه معليش أختي بس قلبي اتفطر عليكي يعني إلي نشوفه في الأفلام حقيقي أمامك عدة حلول :-
1- تبلغي عنه بس موتقولي إنك زوجته عشان ما أحد يركبك الغلط أو خلي أحد من أقاربك تتفين فيه زين يبلغ وأصحابه موجودين عنده يعني بالجرم المشهود .
2- أو تبلغي أبوه أو أحد من أخوانه يمكن يمسكوه يضربوه يمكن يفوق وإذا بلغتيهم خليهم يشوفوه وهو يتعاطى .
3- دوري على شغل عيوني حتى لو تسوي طبخات وتبعيها يعني أكيد انت شاطرة في شئ , إلى ان يتجمع لك مبلغ من المال وارميه برجولك .
4- فيه مشاريع عبد اللطيف جميل لخدمة المجتمع إذا كنتي من السعودية والله إنهم حليلات ويساعدونك بأي مشروع بس أهم شئ لا تعلمينه بعدين يأخذ فلوسك ويوهقك معاهم سوي كل شئ بالكتمان حتى أهلك لا تعلمينهم .
5- إذا ما كملتي دراستك كملي ترى هي إلي بتنفعك بعد الله سبحانه وتعالى هين قرشك ولا تهين نفسك . وفي نفس الوقت الدراسة تخليكي تغيري جو مما ينعكس على نفسيتك ونفسية أولادك .
6- خوفيه من الأمراض إلي من الممكن تجيه جيبي شريحة ثانيه بدون ما يدري وأرسليله عن الموت والأمراض وان أحد الجيران مراقبه ويبغي يبلغ عنه مع إن نفسي يمسكوه ويفرشوه بعد أكثر موقف حارقني موقف ولادتك .إنشاء الله يتغير أو يختاره ربنا الأصلح (ماني قادره ادعي عليه بالموت بس انت أفهميها )
7- كلمي هيئة الأمر بالمعروف وقوليلهم قصتك والله إنهم أجاويد أشاوس .
