والله كبر بيعيني ...؟شاركيني

[قلائد الدر]

أحلى موقف والي كبر بعيني اكثر من قبل الاسبوع الماضي لما نسيت الزيت على النار وأنا تكرمون في دورة المياة مع ولدي أعلمة على الحمام الا النار راقية للسقف أخذت منشفة وبللتها باالماي وحطيتها وخففففت النار بس من الخوف بعد عمري كان نايم وجلستة بسرعة واخذ منشفة ثانية وطفت وللة الحمد طبعا كنت متوقعة انة يلومني بس أهو حضني وسمى علي ودخلني أنا وعيالي الغرفة لان الشقة أمتلت من الدخان:icon26:

 

[سنابل خير]

موضوع رائع .. ويبعث الأمل في النفوس..:clap:
خلي البنات تفتح نفسهاعلى الزواج ..:msn-wink:
ترى ..موكلو مشاكل ..فيه الحلو والمر ..:dunno:
بس الحريم شكايات بطبعهم ..:shiny:
...

 

[رواضي]

ياكثر المواقف لكن ذاكرتي تخونني الان في ذكر موقف معين

:bye1::in_love::bye1:

 

[عطر المحبة]

انا كل مواقفة معي رائعة الله يخلية لي
مواقفة مع اهلي وكنهم اهلة ما يقصر معاهم بشي يقدر علية من مال اومساعدة
ومره توفا قريب لي في دولة ثانيه اخذ اجازة براتبة 4ايام وقام بالعزا ورجع
ويوم صارة مشكلة مع اخوة ووقف معاي ونصرني علية
ولا يظهراخطائي قدام اهلة ابدا
ولما امرض او اولد يجلس عندي ولا يقصر معاي
ومرة اخطاء بحقي واعترفلي بخطئة وندم علية ويذكر ذالك دائما ويقول الله عطاني جوهرة ما استاهلها
ومواقفة معاي كثيرة لاتعدولا تحصى
ماشاء الله علينا الله يبعد الحساد عنا ويديم النعم

 

[لذة غرام***]

يا زين ذااا الموضوع احنا الحريم قاسيات مثل الصخر و هشاات مثل القطن ذكرتوني بمواقف كثيره زوجي كبر فيهاا بعيني اللي اذكرهاا اني كنت رايحه زواج وكنت اخرر شياكه وكل اللي بزواج يناظرلي ولما رجعت البيت غيرت ملابسي ورحت المطبخ وفتحت الفرن وقب الفرن فيني بوجهي وجسمي واحترقت وتشوهت وصااارخت وزوجي خاااف علي وكان يقولي ماصار شي حبيبتي مايبيني انفجع زياده كنت جالسه اصارخ وابكي ووكنت اناظر لجسمي واصيح وابي اشوف وش صااار لوجهي وهو يسحبني ورحناااااا المستشفى ووقت العلاج كان يقولي انتي حبيبتي واحلا شي عندي ويحطلي الدواء وينومني بحضنه وكاان دايم يحسسني ان كل شي بيرجع احلا من اول ويقرا علي ووقف معاي وما تركني وهتم فيني اكثر من امي نفسهااااا والحمد لله ثلاثه شهور ورجع جسمي ووجهي احلا من اول زي القمر وتوبت ماروح زواجات اللا وانا قاريه على نفسي وهو يتضايق اذا رحت زواجات هاذا موقف من مواقفه الشهمه وانا تاخرت في حملي لمده اربع سنوات وكل الناس اللي ماكانوا يحبوني كانو يقولوا لزوجي تزوج عليها ماتجيب عيال عواذل الله يبعدهم عنا يارب وانا نفستي تتحطم والحمد لله كان زوجي يقولهم لو يخيروني بين اني اموت او اتزوج عليها بختار اموت احسن وطبعا و كل موقف يخليه يكبر فعيني زياده والحمد لله وقفاته مع اهلي كثيره ما انسها الله يخليه لي ولا يحرمني منه ويوفقه دنيا واخره ويبنات قولو ما شاء الله وادعولي اني اترك الغيره

 

[المهاجره]

احلى موقف لما جاني التعيين في منطقه بعيدة وقدر الله الرفيقه الي معاي تتركني ابحالي وفي يوم رمادي صليت العصر وكنت جوعانه فغليت بطاطس وبسرعه ابي اكمل الادعيه نسيت اطفي على الزيت وطبعا ولع الزيت لما شفت النار خفت تدرين ايش ردة فعلي صبيت عليه الماي والله وكيلك زاد الدخان واختنقت لولا ستر الله كان مت وبعدين جبت منشفه وحطيتها عليه طفيت النار لكن البيت امتلى دخان وشلت نفسي وطلعت اشم الهوى وتخيلي كنت لوحدي ما معاي الا الله وطلبت من جارتي استخدم تيلفونها لانه ايامه كان لسى الجوال مانتشر واتصلت عليه وانصرع المسكين وكنت في منطقه تبعد عنا حوالي 5 ساعات وفي الليل الا الباب يضرب وكنت خايفه افتح الباب لما فتحته لقيته اهو خذني وحضني وصار يبكي وقالي انا كلمت لك المديره واخذت لك اجازه وخذني معاه وكان حاضني كاني بضيع منه اه والله ذكرتيني بذيك الايام :icon26:

:icon1366: أحلى موقف قريته بالمنتدى من يوم مافتح للحين
لانه كله أقرأ شكاوي وسب لين ابيض شعري
الله يسخركم لبعض
وكل ازواج المسلمين

 

[نور قلبي]

تاج الاحزااااان بصراحه موقفك مررررررررره حلو الله يوفقك ياالبي
لو انا مكانك كان كل يوم احرق البيت عشان يضمممممممممممني
الله يخليك له آآآآآآآآآآآآآآآآمين يارب:bigsmile:

 

[هواها شرقي]

شكرا للجميع على المشاركه الى الاخت زوجي عشيقي حرااام وعلي بكيتي الرجال حتى واحنا نهلوس نحط حرتنا فيهم.
الاخت قلائد الدر بتحرقين البيت علشان تعلمينه الحمام عنه ما تعلم زين زوجك كان حكيم في تصرفه معاكي ما سوى الهوايل.
الاخت لذة غرام سلامااااات وانتبهي دائما حصني نفسك الزمن هذا حتى الاعور يحسدونه على عينه.
الاخت المهاجره ليش بيض شعرك لا لا لا ياما راح تقرأي اكثر وأكثر عن بطولات الازواج بس الحين روحي اصبغي شعرك.
الاخت تاج الاحزان سلامااات احلى شي لمن يبين الزوج حبه لزوجته قدام اهله لان اكثر الرجاجيل قدام اهلهم يوورونهم انهم سي سيد .الله لا يغيره عليكي باين انه يحبك وان شاء الله يرجع زي ماكان ايش رايك تعيدي نفس الموقف الحين حطي اصابعك ايش تتوقعي رد فعله ؟
تف تف تف من عين الحساد الله اكبر علينا لا أحد يناضلنا في ازواجنا . يالله اللي ما شاركت تدخل هوا نحنا نبغى نستانس على مواقف الازواج البطوليه

 

[شوق الروح]

مشكوره حبيبتي على الموضوع الراااااااائع :icon30:..ذكر المواقف الإيجابية السابقه ايجدد في نفوسنا المشاعر الجميله إلي حسينا فيها ذاك الوقت وايزيد رصيد المحبه في قلوبنا تجاه أزواجنا :blushing:..تسلمين حبيبتي :icon26:

كبر في عيني زوجي إنه زوج نفسه بنفسه وعمره ما بين لحد إنه محتاج لأي شي إلا لي، ومن عقب زواجنا وهو إذا عطى شي لأهله أو أهلي قال من فلانه (اسمي) ومني..وعمره ماقال أو اشتكى لحد عن مشاكلنا ومايحب يحرجني جدام حد وينصرني عند الكل لو كانوا أهله "ماشاء الله لا حول ولا قوة إلا بالله"....اممم وآخر موقف صار لنا من يومين كنا طالعين للخياط عشان أفصل فستان والخياط طلب وايد أشياء زياده حج الفستان الله وكيلكم 4 ساعات لف (مسكين مشا معايه ولا اشتكى) بس عشان تدخيلات قماش وفصوص وخرز وووو..المهم صار إنه احنا دخلنا محل مرتين عشان بس نتأكد من درجة لون القماش فصار وقت صلاة المغرب فهو راح ايصلي فقال اختاري وارجعي السياره أنا بجي بدفع فعلا دخلت واخترت وهو جا ودفع بس نسينا الكيسه فرجعت أنا آخذها لأنه هو راح ايدور موقف للسياره فلما رجعت صاحب المحل كبير في السن ومن الجنسيه الهنديه فرح لما شافني وبادرني بالكلام وقال لي: "زوج مالج وااجد زين نمبر ون والله مافي مثله اثنين":nosweat:..فانحرجت منه قلتله مشكور واستغربت من كلامه وظل يمدح وايقول بما معناه "أنا أشوف ناس وايد كل يوم وأشوف كيف ايعاملون زوجاتهم فزوجج يحبج وايعاملج واااااايد زين" :clap:..فشكرته على السريع وطلعت ومانسيت طبعا أشكر زوجج على تعبه ومجهوده البدني والمادي خخخخخخخخ :in_love: عسى الله يحفظه لي ولعالنا قولوا آاااامين :icon26:

 

[هواها شرقي]

الى الاخت شوق الروح شكرا لمرورك وفعلا اغراض السوق ما تخلص وزوجك ما شاء الله عليه صابر عالمشاوير حتى الهندي يمدحه. وييييييه عسى ما يعينك يالله هوا خذي منه اثر ؟

 

[المهاجره]

جاء دوري بقووول لكم موقف

انا دائما اجيب شغالات مؤقتات اللي باليوم وبالشهر مره بالاسبوع او كل ما احتجت لهم
المهم
جبت وحده اندو واللي يجيبها سواقهم ويرجع ياخذها بعد 8 ساعات

اللي حصل ان السواق لما جاء ياخذها هي تأخرت ماطلعت مو ذنبي
كلها تأخير 10 دقايق

مادريت الا كفيلتها متصله علي ومعطيتني كم كلمه جارحه وظلمتني بكلامها
وانتم تعرفون تأثير الظلم ع النفس
انا بحكم حساسيتي انمرضت 3 ايام
مادريت الا زوجي من شدة غضبه ع هالكفيله راح جايب لي شغاله دائمه تنازل بـ 12 الف :tears: علشان ما احتاج لفلان وفلنتان بجرح كرامه واهانات
الله يجزاه خير ويسخرني له ويسخره لي وييسر لنا كل عسير

 

[عجايب]

الله يخليلكم ازواجكم ياااااااااااااااارب ... مواقفكم مره حلووه ... وعقبالي يمر هاليووم وأكتب فيه:1eye:

المهاجره الله لايحوجك لأحد ياررب :shiny:وشوفي ربي شلوون عوضك هذا من طيبة قلبك :icon31:

ان شاءلله تولدين بالسلاامه يالمهاجره :bigsmile:

 

[المهاجره]

الله يخليلكم ازواجكم ياااااااااااااااارب ... مواقفكم مره حلووه ... وعقبالي يمر هاليووم وأكتب فيه:1eye:

المهاجره الله لايحوجك لأحد ياررب :shiny:وشوفي ربي شلوون عوضك هذا من طيبة قلبك :icon31:

ان شاءلله تولدين بالسلاامه يالمهاجره :bigsmile:

الله يجزاك خير ياعمري:tears:
احلى دعوه
ولك نصيب منها والله يسخرلك زوجك وييسرلك كل عسير ويحقق لك كل ماتتمنين :icon26:والمسلمين اجمعين

 

[عجايب]

اللهم آآمين يالمهاجره ...

حسيتي فيني :tears: شقد انا محتاجه لهالدعوه ... الله يسخرلك كل شي تتمنينه ...

 

[أم الزبير]

الله يسخر لكم ازواجكم اميييييييين
انا صراحة ما عندي موقف حلو من زوجي

 

[هواها شرقي]

الى عزيزتي المهاجره ...ليش سكتي عنها اللي ما تستحي كلها عشر دقايق بس حشى ايش هالجشع لكن زوجك ما شاء الله عليه طلع شهم والله..
حبيباتي عجايب.. وام الزبير ...ان شاء الله يجي اليوم اللي تشاركونا هالموضوع تفائلوا بالخير تجدوه

 

[love4life]

الصراحه مواقفكم ما شاء الله لا اله الا الله .. الله يحفظ لكم أزواجكم ..

على قولة المهاجرة .. شاب شعر راسنا (هذا وأنا على وجه زواج)

أسعدتوني الله يسعدكم ويكبركم بعيون أزواجكم ويكبرهم في عيونكم ان شاء الله .. وأتمنى أرد وأشارك عندكم بعد زواجي ان شاء الله

 

[العفيفه]

غاليتي ام الزبير ليش هالحزن ....فكري زين الا ماتلاقين موقف يحبه قلبك مثلا ايام الزواج الاولى او السنه الاولى لان مهما قسى الرجل لابد ان يكون له مواقف اوموقف قد عبر به عن امتنانه لك اوعبر عن حبه اتمنى من الله العلي القدير ان يجعل زوجك لك كما تحبين وان يجعلك له كما يحب وان تكونا كما يحب الله ويرضى.......قولي اااامين

 

[هواها شرقي]

اللى الاخت.. love..الله يتمم عليكي بالخير ويسر امورك.. بس ها وعد اول موقف يصير اكون انا اول الناس اللي تقولينهم شكرا لمرورك .
الاخت الغاليه .العفيفه.. كلامك صحيح بس احنا لمن نكون متضايقيين من شخص ننسى مواقفه الحلوه معانا ونذكر بس سيئاته لابد كما قلتي هناك موقف صدر من الزوج عبر فيه عن حبه ..شكرا للمتابعه
يالله يا حريم اعصروا مخكم وذكروا متى زوجك كبر بعينك لازم تكون هناك مواقف كثيره ..

 

[هواها شرقي]

:clap:للرفع:clap: