والله تعبت يييييارب

  • بادئ الموضوع بادئ الموضوع جنى8
  • تاريخ البدء تاريخ البدء
ج

جنى8

New member
إنضم
2010/10/19
المشاركات
56
انا يمكن الي متابعني عارف قصتي بس الحين افكر اقعد والااروح عند اهلي قبل زواجه انا في الرياض واهلي في الطائف وهاذا الي اهو يبغاه عشان يستانس كم اسبوع مع المدام الجديده اهي مطلقه وعندها بنت المهم ابغاكم تساعدوني اذا جلست انا بقعد عناد عشان مايروح ولا يجي يجلس عند عياله لاانها راحت واستانست مع الاول يكفيها مو حلاوه بس ابغى اذا جلست ويش اسوي يوم زواجه عشان ما انقهر واتنكد وش رائكم يبغى ياخذ عيله يحضرون الزواج ودعواتكم لي (الهم اجعل زواجه بردا وسلاما علي كما جعلت النار بردا وسلما على ابراهيم)
 
الله يهديك ويصلح حالك خليه يروح يتزوج بالحلال ولا يروح بالحرام ويجيب لك امراض ما ادري كيف تفكر النسوان
اعقلي ولا تتركي البيت للعروس الجديدة تستولي عليه خليكي ذكية وخير يا طير تزوج شو يعني قامت الدنيا ولا وقفت الحياة
الحياة ما شية وامر الله نافذ خليكي ببيتك واهتمي بنفسك وطوري من ذاتك واولادك هم سندك لا تخليه العروس الجديدة تكون اشطر منك وبعدين دخيلك هو راح ينبسط معها شهر وبعدين يملها وما تدرين يمكن بعد يطلقها استعيني بالله وخليكي ببيتك ولا تخرجي منه الحياة مو فقط زوج الحياة عمار وعبادة وتربية اولاد واهتمام بنفسك وهواياتك ارجعي تعلمي اشياء مفيدة ولا تخلي موضوع زواجه ينكد عليك
وبعدين ليش تستبقي الاحداث الدعاء يرد القضاء كل ليلة قومي وصلي ركعتين وقولي يارب عطل زواجه اذا كان شر واصرفه عني امين والاستغفار خليه على لسانك على طول ويوميا سورة البقرة
انتبهي اهم شي نفسك حبيها ودلليلها وطوري من ذاتك واهتمي بهواياتك واولادك احسني تربيتهم وزوجك لا تتعلقي كثير فيه علقي قلبك بالله فقط هو احسن من الجميع

انصحك خليكي في بيتك لا تطلعين منه وخليكي واثقة من نفسك واستعيني بالله
صدقيني هذا زوجك الوحدة ما تزعل عليه ولا تنقهر
واحد مقصر في حقوقي
وتزوج وحدة مطلقة
شو تنتظرين منه
اغسلي يدك منه
وطنشيه واهتمي بروحك
وبنفسك وحبي ذاتك
انصحك في اليوم اللي عرسه فيه
روحي العمرة مع اخوك او ابوك
الله يصبرك يارب والله حاسة فيك
هالرجال انانيين ما يفكروا الا بشهواتهم
وانا متاكدة صلاة الفرض والفجر ما يصليها
وجاي الاخ يتزوج
الله يخلص حقك منه يا عظيم
اكثري من قول حسبنا الله ونعم الوكيل
واكثري من قول وافوض امري الى الله ان الله بصير بالعباد
واكثري من قول لا اله الا انت سبحانك اني كنت من الظالمين
بيتك لا تتركيه خليكي فيه وكوني قوية وطالبي بحقوقك كاملة
ولا تتنازلي نهائيا وبعدين مثل ما هو راح يمتع حاله وينبسط
انت بعد متعي حالك وانبسطي اعملي جدول لك
العبي يوميا رياضية واشتركي بنادي رياضي او اشتري
جهاز سير وامشي عليه والاكتئاب راح يخف والتوتر صدقينيي
ممكن تروحي الصالون تعملي برنامج العروس كاملة
واعملي حمام مغربي وتنظيف بشرة ودلعي حالك وانبسطي
بس شاطر يصرف فلوسه على العروس الجديدة
وبعدين خليه يخصص لك مصروف شهري خاص غير عن مصروف البيت
واهم شي طالبي انه يعدل بينكم وذكريه بالله وبحديث الرسول
من كان له زوجتين ومال لاحدهما جاء يوم القيامة وشقه مائل كما فهمت من الحديث
وانشغلي عنه اذا جاء عندك حياه الله ويا مرحبا قومي بكل واجباتك على اكمل وجه واعطيه حقوقه
لكن بدون نفس وبيني انك حزينة بسبب فعلته هذي
واذا راح مع السلامه ارتاحي شوي من طلباته ومسؤولياته
صدقيني مرات يكون زواج الزوج رحمة من الله للزوجه
وانشغلي عنه بتطوير ذاتك واقرئي كتب في تنمية مهاراتك
ولا تفكري فيه نهائيا فكري فقط كيف تربي اولادك تربية اسلامية
ويطلعو جيل صحيح وسليم
واقرئي يوميا سورة البقرة في البيت
وصدقيني يمكن هذي زوجته الثانية يفرح فيها شهر شهرين وبعدين يمكن ما يتفقوا
ويطلقها يعني لا تزعلين على رجل باعني
انسيه وطنشيه
 
انصحك بعد ما تروحي عمره ارجعي بيتك على طول ولمي اولادك واهتمي بدراستهم والحين فترة اجازة اطلبي منه بعد عرسه يسفركم لانه الاولاد طفشانين
واشغليه بطلباتك انت واولادك ولا تتنازلي نهائيا عن حقوقك واهم شي المصروف ويعدل بينكم
 
وين الحكيمات يساعدوا هذي الاخت بافكار
 
هي مطلقة يعني لها بس 3 ايام


لا تروحين عند اهلك وتتنازلين عن حقك لانو مالها الا 3 ايام


وانتي طالبي بحقوقك ولا تتنازلين عنها !



الله يصبر قلبك واعرفني ان الدنيا دار ابتلاء


وتذكري هالدنيا ماهي دايمة لاحد وتخيليه رايح شغل او اي شي ثاني


واسمتعي مع اطفالك غيرك ماعنده هالنعمة ماشاء الله

رتبي بيتك زوري اي احد

او اطلعي بمول ومشي اولادك

اهم شي حقك لا تتنازلين عنه لها بس 3 ايام


وطالبي بحقوقك من اول شي حتى ما يتهاون بعدين​
 
رازيا ماقصرت
و سجلي في دار تحفيظ القرآن واشغلي نفسك بطاعة الله
 
رفع لمساعدة الاخت
يا جماعة شو قصتكم
ساعدوا هذي الاخت
 
حبيبتي لو مكانك والله بعد يوم الفرح اروح احجز فستان عرس ابيض وميك اب ودخلة ومصورة وفندق واسويلي جو بعد ما يرجع معاها كاني عروس ليش يا حلوة انتي ما ناقصك شي ما شا الله عليج هو اللي مهووووس بالحريم وبعدين يا عيوني الحمد الله اتزوج عشان شوي تفضين لنفسك وتدلعين شكلك ذابحة روحك عليه حبيبتي اعتبرية بدوام يوم عندك ويوم بالدوام انسييييييييها نهائي ولا عبالك منها ولا تمرضين ولا تتضايقين ناقصك هم انتي حبيبتي اريدك من اليوم تبدين مع نفسك حملة تغييييير شاملة لك شي لبس ودلع ومكياج بس شرط مب عشانه لا عشااااااااااااااانك انتي وبس اما هو اذا جا اهلا وسهلا ما جا مع السلامة انبسطي مع صديقاتك سجلي بنادي رياضي يعني غيري جو لنفسك واضح انك اهملتي نفسك عشانه وهو ما يستاهل تسوين بروحك كذا وتتضايقين وتكتابين وهو لا سائل يفكر بنفسة وبس
 
سلمت يا اخت رازيا اثابك الله كل خير المشكله اني طالبه رضاوه ويقول كثيره ما اقدر 25000 انا مادري اش اسوي ماني متخيله كيف يجيني بعدها احس بقرف
وكيف استقبله اذا رجع بعد الزواج
علما انه اعطاها مهر نفس المبلغ وزياده ذهب
غير الاثاث غير تكاليف الزواج والطلعات بموت ليش انا ماعنده من اول مو من الحين يستكثر علي اي شي يقول اعطيتك يو م زعلتي قلت لاتحسبها هاذي غيرجلس يتولد فيها 6 شهور الين طلعت منه رضاوتي 10 وال15 ذهبي ماخذه من اول
ايش رئيكم اصر على الرضاوه او اتنازل يقول بعطيك قد ذهبها 3مرات
مادري كم ذهبا
 
شكرا يا اختي الحلوه والله من ىجد ذابحه روحي عشانه احس ان الحياه معاد لها داعي واني كرهت نفسي
وبيتي ماهتم فيه وعيالي وليش البس وليش اغير شكلي خلاص عنده الي تسويله كل هاذا اتمنى احب نفسي واسوي الى قلتي عشاني بس فيه شي بداخلي منكد علي مادري حب له اوحسره على عمري الي راح كله مشاكل معاه على الريال والحين يكب كب في الفلوس فعل ابغى انساه واشيله من تفكيري وقلبي الله يقويني
مشكوووووووووووووووووووووووووووورين كل الي ردو
 
لا يا عيوني الحمد الله العمر ما راح ولا شي حبيبتي الشباب شباب القلب وكل شي يتعوض ويمكن رب العالمين خلاه يتزوج عشان انتي تنتبهي لنفسك وعيالك كل شي من الله خير والله لو مكانك اكشخ على اخر موديل واروح وارتز بنص الصاله واتعشى واطلع واباركله بعد يا عيوني هو عطاكي يوم اجازة عشان تتعلمين تدلعين نفسك انتي ليش زعلانه عليه بالعكس الحمد الله افضي لنفسك وحبيها ترا اذا ما تحبين نفسك ما حد بيحبك دلعي روحك يا الغلا ولا تموتين هم وغم عليه وهو ولا سائل
 
الحلوة ما شاء الله ما قصرت ربي يبارك فيها ويجزيها كل خير
 
الحين المشكله كيف اخليه يعطيني الرضاوه واي اسلوب اتبعه الله يعافيكم غلبتكم معايه مع اني اتوقع نمطه شمالي شرقي
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل