والله بمووت لو مالحقتوني

الله يهديلك زوجك ويهدي سرك يارب .. الله يسعدك قومي اقري قرآن واذكري الله ولا تسيبي بيتك عشان اللي ما يسووا .. وبعدين حده حريم في الايميل يشوفهم من بعيد وانتي ست البيت وملكة القلب ان شاء الله .. صحيح اني اقولها بهدوء بس والله حاسة بك وقلبي بيعورني وحالي من حالك وبرضه اصحك تغيري الباسوورد بالعكس لا تبيني له انك عرفتي شي .. المهم الان انك تهدي نفسك واتجاهليه اذا لزم الامر المهم انك تهدي .. وبعدين غالبا الصور اللي في الايميلات تكون من مواقع تعارف اجنبية يعني حتى ما يقدر يوصلهم ولا يفهم لغتهم بس هم حاطين عبارات معربة على الصور فلا تهدمي بيتك وتخسري زوجك عشان حاجة بتوصله على ايميله يمكن بدون طلبه .. ولي عودة باذن الله ..
 
حبيبتي هدي نفسك انا والله تو جربت الي جربتيه قبل البارح زوجي اكتشفته يخونني كنت راح اموت بس كلهم مثل بعض للاسف والمشكله ماحنا مقصرين بس الرجل كذا طبعه يدور على الجديد مايملى عينه الا التراب هدي نفسك ولاتصيحين اقري قران عشان تهدين الله يفرج همك
 
ايه والله صادقين الله يربط على قلبي
يلرب اغفر لي ذنووبي فانت الغفور الرحيم

لاتتركوني اللي لهم عوووده انتظركم


النوم هجر عيني 23 ساعه صااااااحيه


بدوووخ والله

الله يساعد كل من ساندتني
 
اختي عديها، ترى ما في ريال ما يشوف هذي الأشياء. هي فترة وبينتهي من نفسه، بس النصيحه واجبه عشان تبرين ذمتك.
 
لا حول ولا قوة الا بالله ،،
الله يفرج همك ياااارب ،، ويهدي زوجك ياحي ياقيوم ،،
واللي عندهم خبره بهالامور انشاء الله ما يقصرون معك
 
تموتي ؟؟؟
ليش شو صار
مافي شي جديد كل الرجال يخونون مافي رجال مايخون
بدك تموتي عشانو وهو مش حاسس فيكي
انتي لازم تنسي هاي الفكرة وتقلبي الموضوع وبلا تروحي بيت اهلك بلا بطيخ
بالعكس اقعدي في بيتك وازعلي في بيتك وعصبي في بيتك
لنو يمكن اذا طلعتي مراح ترجعي وتسوء الامور اكثر وحتى لو رجعتي راح تكسري شي كبيرررر بينكم
 
اذا رحتي فضيتي الجو للحرام اجلسي معه بدون تصريح وحكيه عن ذاك الرجل اللي مات وهو مشترك بمواقع اباحيه وبعد يرسل لخلق الله وبعد مامات استمر الموقع يرسل لأنه مشترك وش بيكون وضعه طلعي القصه من اليو تيوب يمكن العريفي او الأحمد قصها بطريقه يتوب منها العاصي وزوجك متدين وهذي نزوة شيطان والله يرده للحق بس انتي جيبيها انها سالفه وانه اذا خلا الأنسان بريبة في ظلمة والنفس داعية الى العصيان فاستحيي من نظر الآله وقل لها ان الذي خلق الظلام يراني
 
الله يكون بعونك
ويهديه ويبعد عنه بنات الحرام يا رب
واسال الله ان تملأي عيونه وان يسخره لك
 
الله يصبر قلبك حبيبتي ,,
والله لامطوع ولاغيره كلهم انهبلواوصارت الخيانه الحين
موضه اذاالواحد ماعنده صديقه على قولتهم بينشل استغفرالله
الله يرده لك ويبعد عنه بنات الحرام وكان الله فعونك خير ماتسوين
روحي ريحي عند اهلك افضل لك لانك لوجلستي عنده وانتي
داريه ماراح تقدرين تمسكين نفسك ,,,
 
ربنا معاكى ...لكن اوعى تتركى البيت مهما حدث وحاولى تشغليه بأى حاجة تانية
 
حبيبتي هذا الانترنت

مستحيل رجال يقعد على الانترنت ومايشوف هالاشياء

وغبيه اللي تقول واثقه بزوجي حتى لو مطوع

الحين اغلب المدينين ستار الا من رحم ربي

الشيطان غالبهم دائما


.
.


لازم تبعديه عن النت واذا جلس انتي وياه سوا

لاتواجهيه ترى بتندمي لانه بيسوي من وراك

حاولي ترسلين له من ايميل غريب عن اضرار الافلام الاباحيه والعاده السريه

حاولي تشتغلين رسايل على ايميله بدون مايحس انه انتي

يعني رسايل قروب عادي

ارسلي له قرآنات واحاديث ومن هالاشياء
 
الله يصبرك الظاهر انك اول مره بحياتك تشوفي الشي ذا .. اصبري ولاتتركي البيت وانا انصحك واااااجهيه
وافتحي ايميله قدامه عشان مايكون في مجال ينكر .. وبعدها ريحي عند اهلك كم يوم وارجعي بيتك
وخليكي طبيعيه وع الصامت خليه يتجنن من سكوتك .. ترا شفنا عجاايب اجل وش بتسوي لو اكتشفتي
انو صار له سنين يخونك وانتي غافله وطيبه .. الله يفرج همك هما الرجال كذا بس انتي لازم تغيريه بشطارتك ..
 
سمعي حببتي لا تنصدددمين ولا شيء ترى الدنيا جذيه صااارت تخووو ف

والرجال كلهم حمير عفوا لهذه الكلمة \بس صج مالهم امان مهما كان يحبك يظل عيووونة على غيرك

سمعي حببتي عليج انج تنصحيه وتذكريه بعقاب ربج وان الي يسوووي هالامور ضعيف قلب وايمااان والشيطان لاعب عليه ولو الله قبض روووحه في هذه اللحظةةةةةة ( بس طبعا جيبي قصةةةةة قرأتيها او سمعتيها \\\\\\\)

وااذا قعد على النت لبس لبس مغري وقعدي معاه وادلعي بعد
 
المشكله انه مطوع كذا مشكلتين مو وحده

اختي بقولك شي احنا مشكلتنا لم احد يشوف كذا خلاص يخون صح شافها بس تدرين وش داخل قلبه؟؟

يابنت الحلال احنا بزمن فتننننننننننننن احيانا نسويها واحنا مو مقتنعين ومو قصدنا ولا نبيها بس وش نسوي فتن كقطع الليل مااحد يقدر يتركها الا اللي ماسك على جمره حاره من الالم والوجع تركها صعب لما يفتح الواحد الاب صور محادثات تجي غصب ومع الوقت واستدراج الشيطان تلاقين جوات الواحد مايبي بس بيطلع بيشوف ويبرر لنفسه
زوجك يعيش صراع وعنده ضمير وخوف ودين بس فتن يابنت الحلال انتي ساعديه ونبهييه وعلى فكره اللي سواه مو شرط انه دليل ان فيك عيب بس الرجال خلق لاكثر من مره لو انك ملكة جمال العالم بيشوف غيرك ، صدقيني لا تروحين بيت اهلك مادام هو خلوق معك ومحترم وتعامله النفسي والمادي معك اوك لا تروحين لبيت اهلك لا تفضحينه ومن بتلاقين بعده رجال زفت تعاملهم ويخون بمكالمه ويخون بزنا انتي شاف صوره ترى الصوره مو من الكبائر لا تكبرينه قولي له بسوالف مادام يخاف من الله احمدي ربك سهل نصحه عنده ضمير مو مثل غيره

عززززي مررره فيه الرجوله والخلق مدحيه لبكرى لان هو مو راضي باللي يسوي بس فتنه هذا نبي الله ادم انفتن ويوسف عليهم السلام هما بها

هذا مثله مثل كل رجال بس احمدي ربك انه يخاف الله لان اللي يخاف الله حتى لو انفتن سهل تذكرينه لانه هو بعد مو مرتاح ركزي على النقاط اللي بقولك :

١- اتبعي معه اسلوب اسمعي ياجاره ولا تصارحينه لان هو من داخله مو راضي بس يبي احد يضربه ويسمعه الصوت اللي داخله ،،ومثل ماقلت لك عززي رجولته وثقته الرجال يحبون المدح مره وخليه يلاحظ اعجابك باخلاقه هو اللحين مطوع واذا انتي كبرتيه وفضحتيه بتصير عنده ردة فعل ولا يصير يستحي بس انتي لا تعالجينه بالغلط خلي حياءه يبقى ،، مثال :
قولي له اناتدري اني اخترتك من بين كم رجال لاني قلت لاهلي انا ماابي اتزوج ذكر ابي اتزوج رجال انا وش ابي فيهم هذولا اللي مو رجال تلاقيهم خيانات وحياتهم معناة انا ابي رجال يخاف الله عشان يكون صادق مع ربه ثم معي ،
ودايم اتبعي اسلوب انت افضل انت احسن حتى يصير يستحي انك تشوفين شي يغير نظرتك او يخاف تطيحين من عينه قولي له انت احسن رجال تسلم الليد اللي ربتك انت اخلاقك مره روعه رجولتك مو طبيعيه ... الخ

واتبعي اسلوب التلميح يعني مثلا انا لو ادري ان زوجي يخوني رحت وتركته اصلا انا جميله وبيضاء وكل رجال يتمناني تصدق لا رحت لزواج اللحين يخطبوني من امي ومن هالحكي بس قولي اللحمد لله انا اخذت واحد يخاف الله ،، وقولي سمعت القصه الفلانيه بالتلفزيون واحد مات وهو يشوف خرابيط ولا الفتوى الفلانيه تكرر النظر لصور يعتبر كبيرة
وذكريه بالشي اللي ذكر فيه الرسول صلى الله عليه وسلم الاعرابي

قولي سبحان الله ماافي احد يتعرض لاعراض المسلمات الا الله بلاه ببنته ولا اخته انا استغرب اذا الواحد ماخاف من الله يخاف من اهله انو يصير لهم كذا


وتذكري الحن بالانزان اشد من السحر ع البيبان

والدين النصيحه لا تصارحينه بس حني وحني وخلي السالفه كبيره قولي وحده خانها زوجه انا ماادري شلون يسكوتون لو انا منهم اروح واتركه واطنشه خوفيه عشان يخاف منك وصدقيني مع الوقت بيفكر من كل ناحيه وضميره بيقوم ويصحى لو انتي زعلتي وفضحتيه وصارحتيه اما انه بيتمادى وتصير عنده ردة فعل لانه مطوع وموقفه حساس او انه بيداريك ويخبي عنك هالشي ويسوي نفسه تركه ياشيخه خليه يتركه من قناعه وادعيله

وارجع اذكرك زمن فتن يبيله صصبر

وبعدين اذا انتي صارحتيه وخلاص قولي اني واثقه فيك واتوقع احد بيفرق بينا ولا بيشوه سمعتك وارسلك غصب عنك وانا غير ايميلك واخذفي ايميله وغيري رقمه السري اذا تقدرين ...

والله يسخر لك القلوب القاسيه والعبيد العاصيه ويانا يارب والمسلمين
 
هذا ابتلاء من ربي اصبري واحتسبي وادعي ربك لعل الله يهديه برمضان

وحاولي تحلين المشكله بهداوه

ولا تضيقين صدرك المسلم مبتلاء
 
لاحول ولاقوة الا بالله
الله يعينك على ماابتلاك
اصبري واحتسبي عند الله وهو حسابه عندربه
كيف اتجرا وفي رمضان بعد ؟؟؟؟؟؟؟؟وش هالناس ؟؟؟!!!!
الله يهديه ويحفظه ويثبته ويرده لدينه ولربه ومن ثم ليك ردا جميلا يارب
ويربط على قلبك يااااااارب
 
سموره22 قال:
تعوذي من الشيطان واقري عن مشاكل البنات كلها خيانه في خيانه
الرجال ماعاد يعجبهم غير الحرام الحلال ملوا منه
حسبنا الله ونعم الوكيل نصيحه لا تواجهينه بس دقي بالكلام حكيه عن صاحبتك انها اكتشفت ان زوجها يخون وتركته وقولي الله لا يلوم اللي يلومها وخوفيه بس بطريقه غير مباشره واهم من هذا كله حافظي على
الدعاء والاستغفار والله يسخر لك زوجك ويكفينا في بنات الحرام
أنقر للتوسيع...



انا مع الاخت او انك تصارحينه وتواجهيه وتقولين له فشو قصرت معك والانسان مش معصوم من الغلط الله يهديه ويهدينا جميعا
 
يارب استر علينا

بس يا اختى وش السبب اعوذبالله
استغفر الله من كل ذنب عظيم الله يهديه ااكيد طايح بشله مخربه اخلاقه الله يهديه
 
السلام عليكم ورحمة الله وبركاته

أعانك الله وفرج همك وربط على قلبك ....

البنات جزاهم الله خير ماقصروا ورأيي من رأيهم ..





@ مروضة الشمااالي @

​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل