والله اني مصيفه ولا عندي سالفه بعد

[مين الحلوه]

السلام عليكم:مسااااااااااء الخيررر<<سؤال واحد فقط من دون مقدماااااات>>زواجي انشاالله بعد شهرين من الان يعني بشهر ثلاثه((فيمديني اسوي ليزر لكامل الجسم ام لا))اجلس على الحلاوه ابركلي

 

[*شيوووخه*]

شوفي اختي انتي تأخرتي بالنسبه لليزر لانه يبي له جلسات وبين كل جلسه والثانيه شهرين والا شهر ونص لكن انا بأقولك اللي اعرفه وانتي سوي اللي يناسبك :7:

-بالعموم تكون جلسة الليزر الاولى اقوى من الجلسات اللي بعدها يعني اول مره تسوين ليزر بتشوفين نتيجه احلى المرات اللي بعدها تكون النتيجه اقل
-كل ماكان شعر جسمك كثيف وكانت الشعره قويه كل ماكانت النتيجه احلى يعني لو شعر جسمك خفيف مثل الوبر ترا ماراح تحصلين النتيجه اللي ترضيك بالعكس مع الليزر راح يكثف ويصير اقوى
-لو تبين تسوين ليزر لاتسوينه قبل شهرين لان دورة نمو الشعره بعد الليزر تكون بحدود شهرين يعني ( كأنك يا ابو زيد ماغزيت :4 بيجي يوم عرسك والشعر توه طالع وماراح تستفيدين وكمان لاتسوينها قبل العرس بوقت قليل يمكن تتحسسين من الليزر وتطلع لك حبوب فـ لازم يكون عندك وقت تعالجينهاا يعني لو تسوينها قبل الزواج بأسبوعين بيكون تمام وراح ترتاحين فعلا من موضوع الشعر وقت شهر العسسل
- حطي في بالك انه جلسسه وحده مستحيل تكفي ولازم تنتظمين على الجلسات في الوقت المحدد والا بتكون كل مره تسوين فيها ليزر كأنها اول مره وتضيع فلوسك ع الفاضي لان الشعره اذا ماتعرضت لليزر في وقت النمو ( يعني لما تكون ضعيفه ) مايفيد خلاص تتعرض بعد كذا بيصير الليزر يحرقها لك بس بدون مايخفف من نموها ..
- طبعا استجابه كل منطقه في جسمك تختلف عن الثانيه .. الوجه يطول احتمال لان استجابته بطيئة ,الجسم يعني على حسب ,الابط يستجيب اسرع من الوجه , المنطقه الحساسه اسرع منطقه تستجيب
- اذا كان شعر جسمك يطلع بسرعه بعد الحلاوه فأفضل لك تسوين ليزر وتريحين دماغك على الاقل وقت شهر العسل:26:

اتمنى اكون افدتك يا عسسسسل وانتي لك حريه الاختيار :24:

 

[بنت قلبي]

ربي يتمم لك على خير

 

[سهى الأمس]

لا اجلسي على الحلاوة ابرك لك مايمديك بقوة

 

[ياسمينا*]

لا حبيبتي ماعليكي يمديكي تسوين بالراحه في بدايه شهر واحد اول جلسه والجلسه الثانيه قبل زواجك باسبوعين انا سويت جلستين قبل زواجي والباقي كملتها بعده احسن ليكي من الحلاوه والهم

 

[تفــآصيلـ]

اي اي يمديــــــــــــج
مثل راي اخت ياسمينا~

يهههبل الليزر وربــــــــــــي
راحه ما بعدها راحه
..
أصلا لو سويتي ججلسه وحده بس تحسسسين فرق
موفقه

 

[غلآ عــmــري]

شوفي ياقلبي
الليزر مررة مررة يريحك
سويه بعد الاستخاره طبعاا

وياقمر قولي للدكتورة اللي بتسوي لك انه زواجك بعد شهرين عشان تشوف وتنظم موعد الجلسات ومايكون لخبطه لك

 

[ساره العصيمي]

مايمديك واللى زبط معاهم يمكن مايزبط معك في شهرين

خليه بعد الزواج واذا شعرك يطلع بسرعه قللي دجاج وبهارات وشوفي مراح يطلع شعرك بسرعه وقولى ساره ماقالت

 

[انسه طفشانه]

مممم مايمدي احس
انا الحين سويت اول جلسه وزواجي بعد 9 شهور