والله احترت...وش يكون؟!!!

[حلم بلاتحقيق]

السلام عليكم ورحمة الله وبركاته
عزيزاتي ذوات الخبرة والمعرفة
هل لكن مساعدتي في معرفة شخصية زوجي
أقصد أهو شمالي أو جنوبي أو غربي أو شرقي
حاولت أعرف من خلال مقالات الأستاذة ناعمة لكني فشلت كل مرة يطلع شكل
وأنا في أمس الحاجه لذلك لأني تعبت...
ودي لو وحدة عارفه كيف تحدد شخصيته تسألني وأجاوبها وتقولي وش يطلع وأنا وش أطلع وأرسي على بر ...
وبالتالي تعلموني كيف أتعامل معاه
ونقدر نتعايش مع بعض بهدوء وسلام....​

 

[الآمل بآلله]

اكتبي صفاته

 

[ديالا2]

أنا اصلا حكاية الانماط كلها ما اقتنعت فيها
ما في قاعده ثابته

 

[وماتت الأحلام..]

صفاته:
أهم صفة يحب النظام والترتيب
يحب الإتيكيت والبرستيج كثير
كريم بس يحب لما يشري شي يدفع بس يكون ماركة
أحيانا" بهالموضوع أحسني قرويّةعنده
عنده اعتداد بنفسه أحيانا" يرفع الضغط
يهتم بمظهره ويتضايق لو برز كرشه شوي
يحب يتميز بعطره وبأي شي يخصه
مثلا":يخبي اسم عطره لوأي أحد سأله عنه
يهتم بالتفاصيل الصغيره
يحبني أكون بالشعر الأسودما أغيره
وده لو جسمي استمر زي أول زواجنا
رومانسي تجذبه الشموع والفواحات ويفضلها على البخور
امممم وش بعد؟!!!
مايشجع السياحة الداخلية أبدا"لا لنا ولا لأي أحد يستشيره
بس طبعا" ماتتوفرلنا فلوس كل مابغينا
وش بعد؟ وش بعد؟!!
يحب القطط وكان عنده وحده قبل زواجنا بس ماتت خخخخخ
وماعاد شرا غيرها بس لا شافها بأي محل وقفنا عندها وسأل عن سعرها وناوي يشري (الله يستر)
إيييييييييييييييييه
يموت بالمساج ودايم يروح يسوي مساج ويرجع مبسوط يقول يحسن نفسيته ويريحه من الضغوط
مايدخن لأن صدره بسرعه يتعب لمّا كان صغير كان عنده ربو
يحب فصفص باجه هههه والله ما أدري وش كتب بعد ويصير مهم يعني
فيه شي بس ما أدري إذا مهم
مايحب أبدا" إذا مرينا من عند أحد رجال خواتي أسلم أو أرد السلام
مايحب صوتي يطلع عندهم حتى لو بالسلام
مع إني بالسوق عادي أسأل صاحب المحل عن أي شي بس ما أمصخها
كان قبل الزواج يألف خواطر بس بطّل
يألف أحيانا" رسائل جوال حليوه
بأي نقاش يطلعني أنا الغلطانه
يقطع كثير كلامي بأي سالفة ومايسولف كثير
كان أول يسولف واجد بس قل كلامه لدرجة ممكن نروح السوق أومشوار مايقول ولا كلمة إلا إذا سألته يجاوب باختصار
وبس سلامتكم
ياليت ألقى عندكم تحديد للشخصيّة وكيفيّة التعامل معها
لأن حياتي صارت باااااااردة وكثيرة المشادات والتوترات والضغوط
والله يسعدكم مقدما"

 

[وماتت الأحلام..]

اعذرنني يا أخواتي إن كنت أرسلت بلسان عن حلم بلا تحقيق
فهي لاتستطيع التواصل حاليا" وأوكلتني بهذه المهمة
فما يربطني بحلم بلا تحقيق هو الشيء ذاته الذي يربطني برواياتي..
أتمنى أن أكون حمامة سلام تزف لها الأخبار السارة والحلول المثلجة للصدر
ودمتن بود​

 

[احلىحلاوه]

اتوقع انه جنوبي

 

[حلم بلاتحقيق]

طيب الله يعطيك العافيه ويجزاك خير
ليش جنوبي؟
أقصد كيف عرفت؟
وكيف أتعامل معاه؟
وش يحب وش يسوي؟​

 

[حلم بلاتحقيق]

أقصد وش يحب أسويله وش الصفات إللي يحب تكون فيني؟!!!!!
وش أزين بالبيت ؟!!!​