والله إني أبكي زوجي حارمني من أهلي

[البرنسيسة سارة]

بسم الله الرحمن الرحيم

السلام عليكم ورحمة الله وبركاته ..

مشكلتي بدت من الأربعاء الماضي كنت متواعدة مع زوجي اروح لأخته بعد المغرب

وهو دايم مشغول عنده دوام صباحي إلى 2 الظهر يجي ينام ويصحى العصر ويتغداء ويروح الدوام

ويجي الساعة 10 المهم في ذاك اليوم قال طيب بجيك وكل ماادق عليه يقول بجي لييين

خلصت صلاة العشاء المهم صادف في ذاك اليوم إني متضايقة وبس اصيح لأن أول شيء عندي

طفل 8 شهور ثاني شيء حامل والمشيمة نازلة ثالث شيء اختنقت من الشقة وحا 9 وقال

يللا قلت خلاص الوقت متأخر والناس بتروح بيوتهم وأصر وقال إذا أنتي منحرجة عشان العشاء

أنا اشتريه بس أنا خلقة متضايقة وهم بسرعة يرجعون بيوتهم وصادف جاتني العبرة في

السيارة

وجالسة اتنهد عشان ماابكي ويخرب المكياج وثار ليش تتأففين وسوى مشكلة وقال بوديك

لأهلك أنا ماأحب أهلي يشوفوني زعلانة خاصة أمي أبيها تشوفني كل سعيدة لأنها كل تحاتي

وتقول لخالتي والله خايفة بنتي تعاني وزي كذا المهم في ذاك اليوم حلف لايطلعني ولايوديني

ولاينزلني لأهلي لين ولادتي يعني بعد خمس شهور وأنا مارحت لهم من شهر ومدينتهم

تبعد عن مدينته ساعتين وهو مواعدني يوديني ذا الأسبوع قبل المشكلة المهم صادف اليوم

اجتماع صديقاتي اللي مااشوفهم الا من كم سنة وبكرة عرس صديقتي وانا حيييل مقهورة

وحاولت معه من الاثنيين بس ماكو فايدة واليوم قلت له يقول انا حالف طيب انت حالف حتى

التمشية وهذا \انت طلعتني قال مااذكر وانا والله اذكر انه حالف مااتعدى عتبة الباب

المهم اليوم قلت له ماابيك خلاص طلقني قال مافيه مزح

وانا جادة ولاسويت له غداء وهو من اليوم ويقولي أحبك يحسبني

بنسى وطلبني وانا حيييل مقهورة يحسب بتصرفاته ينسيني اهلي تمنيت ان ذاك اليوم

رحت لاهلي خلاااص طفشت منه

مايوديني الا من شهر لشهر وانا حييل متعلقة بأهلي وهو يدري حرررام عليه ابي ادعي عليه

المشكلة اني ادري ان بيروح يقول لاهله ويتأفف عندهم لأن كل مرة اروح بيت اهلي لازم

يتمشكل ملييت والله ويقول لأهله إني ابي اروح لاهلي شدخلهم مادري

ويجون ويقولون شفيك على اهلك كل مرة راييحة من كثر روحاتي وجياتي

انا طفشششششت

ابي حل يشفي قلبي الله يخليكم ريحوووني​

 

[د..لحن]

...والله ماعرف اش اقلك
بس ليش تطلبي الطلاق عشان ماوداك لاهلك
كل اللي فيك عشان تعب اللي فيك
وحاسه بالضيق اللي تحسه كل وحده ساكنه بشقه وقرفانه حياتها
بس استغلي اي شي طلعه خرجه وجاملي تحملي حتى لو تروحين شويا وترجعين
والله لو تطلعين بسياره فره وانت مالك خلق وزوجك نفسه اطلعي اغصبي نفسك
انت غلطانه وهوا كمان
بس كون تطلبي الطلاق لا
اذا ع روحتك لاهلك امممم حلو كل شهر
احمدي ربك غيرك مايشوفون اهلهم الا مره لمده شهر بالسنه كلهاا واذا كثر شهرين
تيب خلي اهلك يزورونك
دام ساعتين مشوار دقي ع اهلك وخليهم يجوون واطلعوا سوا
ساعتها زوجك مابيقدر يقول لا
اذا اهلك قالوا كلميه قولوا لا تجي منكم احسن عشان هوا الرجال ولزم يعرف
والله مايقول لا وبيوافق
جربي وشوفي

موفقه يالغلا
اهم شي وسعي صدرك عشان حملك
وربي يسعدك ياشيخه

 

[البرنسيسة سارة]

الله يرفع قدرك يا د. لحن

كلامك ريحني شوي والله بس هو ماوديني لأهلي

إلا بطلعة الروح وبالحن والزن لا وطول الطريق متضايق

كيف بالله يحبني اللي يحب يبي يسعد حبيبه مو يخنقه

 

[البياض]

انتي كل اللي فيك هرومونات حمل وعشانك حامل وتعبانه ومسؤليه البيبي اللي عمره 8 شهور وخايفه من سالفه المشيمة انا ابيك تستوعبين هالشي انك اصلا مضغوطه نفسيا .. حاولي تحطين هالشي قدام عيونك اي شي ينرفزك ويضيق خلقك وتحسين انك مو طايقته اعرفي انه بسبب الهرمونات تلعب فيك وبعصابك وبنفسيتك ...
هذا من ناحيه
الناحيه الثانية ... زوجك يعاند او ييسوي هالحركات مو لوحده اغلللب الرجال كذا يصير عبيط ويعامل الحرمه زي مايعاملها اي فتره يمكن يكبرها براسه ويحط دوبه ودوبها بس كذا مايحس وش تعاني هي ولا يقدر .. وهذا شي طبيعي لانه رجال مايدري عن الحمل والهم ...انصحك ::كلمي امه او اخته شخص يثق في رايه من اهله واحكي لها انك مو منزعجه منه قولي لها انا نفسيتي تعبانه مرررره والشي هذا ينعكس على حياتي مع فلان وقولي لها انك كله متضايقه ومتوتره واطلبي منها بطريقه حلوه انها تكلم اخوها او ولدها وتطلبه مايضايقك هالفتره ويخفف عليك هالتعب باللي يقدر عليه وقولي لها توضح له انك محتاجه اهتمام وحنيه مو اكثر ...ولايحبكها .. وشوفي هي شكثر تتفهم منك ووشكثر هي بتوصل له اللي انتي تقولين وقولي لها انك لجاتي لها بعد الله عشان توضح له ....
اتمنى ان مشكلتك تنحل وترتاحي بس ارجع اقولك لاتكبرين الاامور ولاتوصلينها للطلاق لانه مافي شي يسوى تتطلقين انتي تقولينها بلحظه غضب وتوتر وتعب وتضيق الدنيا بعينك بس هو ممكن يقولها بعقل وبكامل قواه وتخسرون حياتكم وتضيعون هالصغار ... اذا مره ضاقت فيك لاتكملي نقاشات ولا تحاورينه وفكري بصحتك وقومي توضي على الاقل وصلي ركعتين واستغفري الله بيريحك ...

 

[الزوجة الصابرة]

الله يفرج همك

 

[د..لحن]

...ع قولتك هذا حنا حريم نفهم هالشي
يقلك لو الرجاال لو يعرفوون ربع اللي يجي للمرأه وهيا حامل والا ولادتها شالوك من ع الارض شيل
سبحانه هذا لطف من ربي
انهم مايعرفوون والا زادوك قرف لاتسوي ولاتعملي لاتتنفسي و......الخ
صدقيني يحبك والا كان من قلتي كلمتك قال طيب..
وخليك قريبه منه دلعيه الصقي فيه
اذا حسيتيه قرف من سالفة الالتصاق
قولي ياخي ماعندي غيرك يسليني اش اسوي
وانا لاصقه فيك احس بالونااسه خخخخخخخخخخخ
وشوفي شويا شويا يقووول
اقول بخليها تروح خخخخخخخخخ

الله يوفقك

 

[شبح الفراق]

حبيبتي عادي قوليله اذا تحبني صدق صوم كفاره اليمين ووديني اهلي.....ترى بتحمل خطيتي وخطيه امي........يعني حزنيه على حالك بدلع

 

[*ملاذالروح]

يالغاليه ليس هذا سبب يجعلك تطلبين الطلاق
حاولي التفكير بهدواء وسوف تجدين الامر تافه
ولا يستدعي طلب الطلاق وتذكري يالغاليه
ان رسولنا الحبيب قال (أيما امرأة سألت زوجها الطلاق من غير بأس فحرام ٌ عليها رائحة الجنة )
والسبب الذي ذكرتيه ليس سبب لطلب الطلاق فكوني حذره غاليتي
اسال الله لكي التوفيق​

 

[قلبي أسرهم*a+s*]

الله يفرج علييييييييك

 

[كلي تضحيه]

هناك في الجنه فقط لانحزن لانتعب هذا حال الدنيا فاصبري عزيزتي والطلاق ماهوسهل نطلبه كل شوي تأني شوي

 

[البرنسيسة سارة]

جزاااااااكم الله خير

وسبحااان من مسح على قلبي يالبياض توضيت وصليت

ركعتين واستغفرت والله ارتحت رااااااحة عظيمة

ونويت من اتضااايق على طول بتوضأ واركع ركعتين واستغفر واتكل على

ربي هو اللي يدري وين الخيرة فيها سبحانه

وكل شيء يكتبه خيير لنا

ياشبح الفراق والله قلت له صوم كفاارة مش راضي

يعااااااااااااااند


البياض كل مرة اقول بكلم أخته بس انحرج وربي شيء يمنعني

لأن هو يسمع لها أكثر شيء بس مااقدر اقولهاا

 

[دلع الخليج]

الله يفرج همج ويسر امرج يارب​

 

[أعشـق حياتي]

أحسك متضايقه بزياده عشان الحمل ومعاك طفل صغير مو شي سهل والله

المفروض انه يحس فيك مو يقهر بزياده

صراحه مامعاه حق وانا اشوفه انه غلط يعني الوحده وقت الحمل تحتاج انها تطلع وتغير جو عشان نفسيتها لاتتعب بزياده


انتي حاولي تونسي عمرك اقري كتب مجلات فرفري بالنت كلمي صحباتك صدقيني نفسيتك راح تتحسن ان شاءالله

وهو لاتطلبين منه تطلعين طنششششششششششيه


بشرينا وش يصير معاك

 

[سهم العشق]

هذا مو سبب يخليك الطلاق فالحياه الزوجيه تضحيه من كلا الطرفين انت اتكلمي معاه لما يكون رايق وقولي له كل اللي في قلبك وان شاء الله يسمعلك 00 ​

 

[ام جوووري]

هلا بالدلع

 

[هلا الرياض]

لاتكبرينها وهي قصيره خلاص تطلقين وش تسويين بطفلين عالجي الامور مو بتكحلينها تعمينها لازم تهدين الوضع وهاذا كله من نفسيه الوحده وهي حامل يمكن متنسيه عليه اهدي وهاديه قولي ابروح افكر وارتاح عندهم فتره راح تشتاقين وترجعين له

 

[ملكةالأنوثة حنو]

الله يكووووووووووون بعونك
ويفرج همك
اللهم آمييييييييين

 

[اسيرة فكري]

المفروض لما قال بيوديك لاهلك رضيتي وحتى لو زعلانه بس تشوفين اهلك وبترضين انتى حامل ومشوار ساعتين كثير عليك كل اسبوع وكل شهر انسب لك وله الله يهديك وانتبهي من كلمة طلقني لاياخذ لسانك عليها

 

[مدى الإحساس]

حبيبتي انتي ليش تزوجتي دامك متعلقه بأهلك ؟؟؟؟
مايصير تلوميه على إحساس انتي حاسه فيه
وانتي تقولي بنفسك ان عنده دوامين
و كويس انو يوديكي كل شهر يعني مامنعك مره
بس من تصرفاتك معاه قال لك كذا
انتي سايسيه و اتدلعي عليه لو هو يجي بالدلع أو بالجنس المهم اعطيه اللي يبغى عشان تآخذي اللي تبغي منه
والله يهديك يارب

 

[مـــرام..]

ياختي مشكلتك وووايد بسيطه ومايحقلك تطلبي الطلاق بس انت هدي حالك