والدتي تحسسني بالنقص دائمآ

[B U B B L E S]

السلام عليكم ..

حابة اطرح عليكم مشكلتي اللي اعاني منها ... مشكلتي مع والدتي .. مشكلتي ان والدتي دايما تحاول تحسسني بالنقص والتقصير تجاه بنتي .. بنتي عمرها 3 اساابيع بس .. تحاول تحسسني اني ما اعرف اتعامل معاها بالرغم اني عكس كذا .. تعلمت من الاسبوع الاول كيف اسوي لها كل شي والحين تمكنت منها الحمدالله صرت اعرفلها .. وانا الحين بفترة النفاس طبعا .. غير كذا هي نفسها تحب تظهر انها تعاني كمان من النقص .. تشووف بنتي وتعاملها .. كأن ربي ما رزقها باطفال وهي عندها 4 وانا الخامسة .. وتتحسس من كل شي .. ابسط الشغلات .. لما اجي ابغير لها البامبرز تقولي جيبي انا اغير لها .. اقول لا خلاص انا اغير لها .. هي بنتي وهذا الشي واجبي .. تقوم تقولي ايش فيها يعني لما انا اغير لها .. ما تبغيني امسكها .. ما تبغيني اشيلها .. !!!!! وانا ورب البيت قصدي مو كذا .. كل اللي فبالي انها بنتي واحتياجاتها واجبة علي انا .. انا اللي مفروض اسويها مو امي .. ولما اكون مرضعة بنتي ومغيرة لها ونظيفة وكل شي .. احطها بسريرها ..فتكون خلاص غافية وتبغا تنام .. تجي تبغا تشيلها اقوولها يا امي تبغا تنام .. خليها نايمة .. وانا ما ابغا اعودها ع الشيل عشان لما اروح بيتي ما تتعبني خصوصا ان ما عندي شغالة ..تقوم تزعل وتتحسس وتسويها مشكلة وتجلس مقمووصة طول الوقت وزعلانة .. وغيرها من الموااااقف كثير لا تعد ولا تحصى ..


والتصرفات هذي الاحظها قدام زوجي لما يجي زيارات تسويها بزيادة .. كأنها تحاول تظهر قدام زوجي اني ما اعرف اسوي ولاااااا شي ..

لدرجة اني اكتر من مرة فكرت ارجع لبيتي وانا لسه ما كملت نفاااسي ..

ابغا حل الله يحفظكم .. تصرفاتها هذي تخليني ما انام الليل تخليني احس اني مقصرة مع بنتي .. والله اني انام ودمعتي على خدي من اسلوبها ..تصرفاتها خلتني عصبية بزيادة .. رجاءً عطووني حل ..

.... ودي لكم .. ~​

 

[B U B B L E S]

UP ..

 

[memoالدلوعة]

اولا حابة اقول الحمد الله على سلامتكـ والف مبروووكـ وتتربى فيع زك وعز ابوها

ثانيا ياقلبي الواضح ان امك تحب بنتك كثيييرومتعلقة فيهاو الدليل اهتمامها فيها وياقلبي

امك قلقانة على البنت لان انتي بكرية ومن تصرفتها شكلها لها فترة طويلة من آخر انجاب

فانتي حاولي انك تسألينها فيما يخص بنتك حتى لوعارفة عشان ترتاح

وبعدين اذا جات تبي تشيلها وتغيرلها خليها.. انتي كلها اسبوع اسبوعين وتروحين بيتك

وراح تتغيبين فترات بسبب انشغالك وراح تزورينهم وبتشوف بنتك وبتقتنع انك قدها

واذا عندك اي استفسار انا حاضره..

memoالدلوعة

 

[B U B B L E S]

اولا حابة اقول الحمد الله على سلامتكـ والف مبروووكـ وتتربى فيع زك وعز ابوها

ثانيا ياقلبي الواضح ان امك تحب بنتك كثيييرومتعلقة فيهاو الدليل اهتمامها فيها وياقلبي

امك قلقانة على البنت لان انتي بكرية ومن تصرفتها شكلها لها فترة طويلة من آخر انجاب

فانتي حاولي انك تسألينها فيما يخص بنتك حتى لوعارفة عشان ترتاح

وبعدين اذا جات تبي تشيلها وتغيرلها خليها.. انتي كلها اسبوع اسبوعين وتروحين بيتك

وراح تتغيبين فترات بسبب انشغالك وراح تزورينهم وبتشوف بنتك وبتقتنع انك قدها

واذا عندك اي استفسار انا حاضره..

memoالدلوعة

بالعكس هي مالها فترة طويلة عن الانجاب .. اصغر اخواني .. عمره 4 سنوات ..

بس خلاص انا قررت ارجع بيتي الحين ما حنتظر اسبوع او اسبوعين .. كفاية كذا .. نفسيتي كل مالها وبالنااازل .. :8:
​