والحل تكفووووون مليييت

[محبة خطيبها]

السلام عليكم

بنات راح أنزل لكم رد نسخته من احد المنتديات وبعدها راح اطرح سؤالي:
من قال لك انه زين الواحدة تحسس الاخ انه اول اهتماماتها؟
اصلا مايصير الرجل يسحب عليها ومايعطيها وجه الا لما يشوفها معطيته وجه بزيادة
ثانيا شلون تكلمينه من وراء ظهر اهلك!! هذا زوجك كلامك معه مو غلط
لكن الغلط انه يعرف انك تسوين شيء من وراء ظهر اهلك!! قولي لاهلك انه يكلمك بين الحين والثاني وخليه يعرف ان اهلك عارفين!!
اذا زعلوا عليك,, قولي له عفوا,,, اهلي مو راضين,, وانا مازلت في بيت اهلي وهم المسؤولين عني لين انتقل الى بيتك بشكل رسمي
وخلاص فضي هالسيرة
بعدين كثرة البربرة بالتلفون مو زينه لا لك ولا له بفترة الملكة,,, وانت قايلتها بنفسك,,, الاخ بدأ يمل منك..... وكل مرة تعطينه وجه اكثر, راح يمل اكثر....

حتى لو اشتكى انك غامضة,, بالعكس هالشيء زين لك,,, مو حلو تصير المرأة كتاب مفتوح عند الاخ... بتصيرين كذا ممله اكثر

بس دامه صريح معك انت بعد لازم تكونين صريحة معه,,,, عددي عيوبه عيب وراء عيب ولا تخلين شيء...., يعني مثلا هو قايل لك كلام يزعلك,,, ردي عليه بنفس الشغلات (مو دفاع,, لا حبيبتي هجوم... اذا قال ماصرت اشتاق لك,, قولي له "بصراحة حتى انا صرت احس بملل من مكالماتك" ... يعني مو بس دفاع,, هاجميه حتى يحس ويثمن كلامه).... سكوتك ماراح ينفعك.... ياكثر الي تشتكي انها كانت تتحمل وتتحمل, وبالاخير تنفجر عليه.... هالاشكال ماينفع معهم الا تكونين قوية من اول يوم وتمشينه على كيفك,,, مو تزيدين ضعف على بالك بتراضينه كذا!!!

بعدين اقرئي كتاب انماط الشخصية (دوري عليه بتلقينه عالنت موجود للتحميل).... واعرفي شخصية هالادمي وتصرفي مثل مايحب.... وخلي عنك الضعف


اما كيف تقللين من مكالماته**
عادي جدا!!!! اذا دق لا تردين عليه,,,, وبالليل اذا جيتي تنامي قولي له ماعليش ماشفت جوالي (والا كنت برا ما انتبهت),,, والحين مرة تعبانه وفيني نوم,,,, بكرة والا بعده (او بعد كم يومك) اكلمك (لاحظي مو بس بكرة,,, لان بكرة ماراح تكلميه ومو حلوه تطلعي كذابة,,, خليها لين بعد بكرة او حتى بعد كم يوم... المهم مو كل مرة يدق تكلمينه!! اسحبي عليه وخلك ثقيلة.....

الحين يابنات خطيبي ادمن مكالمات وتواصلنا يوميا اهئ

والله مليت وصار فية مشكله بسيطه من زود حساسيتي ومن زود كثرة التواصل!
كذا مرة أستاذن منه يكون تواصلنا يومين بالاسبوع ويقول انا اعرف الأسباب ملل ما ملل واحس انه مل بس مادري ليش رافض فكرة الابتعاد يقول انه عذاب وانا اعرف نمطه هو جنوبي يحب الالتصاق طيب استغرب حتى انا جنوبيه واحب هالشي لكن مو لها الدرجه ابغى أتنفس أحس مو قادرة اشوف شغلي لأن تواصله 24 س


جيييبوا لي حل ابغى ارتب وضعي أحدد له يوم مكالمات وكم يوم تواصل!

 

[شهلة العيون]

لو كنتي مجربة الشرقي كان حسيتي بما عندك من نععم
لان إن كانت كثرة التواصل تجيب الملل ...البرود يجيب الجلطة والسكر والصلع بعد ويكرهك الزواج والحب والرجال بليلة وحدة

 

[العنوود1]

الله يعين

 

[العنوود1]

طيب اذا مرا يضغط عليك حددي ساعه معينة باليوم تكلمينه فيها . .يمكن يخف اشوي

 

[مريم العراقيه]

عاشت ايدج عزيزتي محبة خطيبها بس المشكله هوه انه اكو شباب ميحبون هالشي ويعتبروه تجاهل وعدم احترام وهالشي ياثر ع العلاقه الزوجيه بالمستقبل

 

[أم-خولة]

والله معها حق الاخت شهلة
تعي تشوفي الشمالي و الله كأنو يتكلم بالفلوس

 

[محبة خطيبها]

الملل يسوي مشاكل وهو ب يطفش مني ومايقدر ويلعب علي يقول الشوق لازال موجود والاحظ من بعدة وأسلوبه حتى اهتمامه قل!

رأيكم احط صورة عن العزله مع النفس! أو اكتب انه مغلق بس برضه ب يزعل يوم أستاذن منه زعل قال حسيت اني ثقيل بس بعد هو لازم يثقل كل شوي سواليف يكفي مرة باليوم سواليف !!اووووووف

 

[العنوود1]

لاتزعلين من كلامي رد الأخت(
بس دامه صريح معك انت بعد لازم تكونين صريحة معه,,,, عددي عيوبه عيب وراء عيب ولا تخلين شيء...., يعني مثلا هو قايل لك كلام يزعلك,,, ردي عليه بنفس الشغلات (مو دفاع,, لا حبيبتي هجوم... اذا قال ماصرت اشتاق لك,, قولي له "بصراحة حتى انا صرت احس بملل من مكالماتك" ... يعني مو بس)إنتي تشوفين أن هدا اسلوب؟!طيب لو قالك وحتى انا أحس بملل من مكالماتك ايش شعورك؟؟؟

النصيحة مسؤولين عنها اعرفو اشلون تنصحون.او بالدعاء بس رد بهدي الطريقه ماعجبني الله يخليكم لبعض والموضوع بسيط ولا تزوجتي أن شاء الله تدكري أحلى أيام بالملكه وقولي لأهلك طيب طالما انك قلقانه ..

 

[محبة خطيبها]

^العنود

رد الأخت كان رد لأحد الأخوات مو لي شخصيا مشكوورة ياغاليه

 

[العنوود1]

اها. الله يعينك العفو تمام على بالي لك الله يسعدك

 

[حنونة زوجها]

اختي خلي الامور تسير بشكل عادي ولا باس مرة على مرة ما تردين عليه وتعتذرين بانك مشغولة او نايمة..... ومثل ما قالو الاخوات هاذي نعمة والكثيرات يحسدوك عليها
الله يهنيك حبوبة
وبالنسبة للكلام مع الزوج في التليفون من ورا الاهل بسبب الخجل من الاهل، هذا التصرف عادي ام لاااا؟؟؟؟؟؟؟؟

 

[ضحى اماني]

الاخت حنونه زوجها :
الكلام مع الزوج جائز شرعا سواء امام او دون علم الاهل لكن من العرف العام المحافظه على الاخلاق الحميدة من الخجل والحياء والخصوصيه وهذا يحفظ ماء الوجه ويجنب الكثير من الانتقادات كما ان كثرة التواصل والحديث بالعلاقه سيفتح باب لكثير من الخلافات بين الزوجين قبل الدخول لذا يفضل الغموض حتى تكوني جوهرته الثمينه التي يبحث عنها كل حين ويكتشف كل مرة شيء جديد يسحره ويجذبه اليك .
والمثل يقول زر غبا تزدد حبا والله يسعدك اخيتي .

 

[حنونة زوجها]

الاخت حنونه زوجها :
الكلام مع الزوج جائز شرعا سواء امام او دون علم الاهل لكن من العرف العام المحافظه على الاخلاق الحميدة من الخجل والحياء والخصوصيه وهذا يحفظ ماء الوجه ويجنب الكثير من الانتقادات كما ان كثرة التواصل والحديث بالعلاقه سيفتح باب لكثير من الخلافات بين الزوجين قبل الدخول لذا يفضل الغموض حتى تكوني جوهرته الثمينه التي يبحث عنها كل حين ويكتشف كل مرة شيء جديد يسحره ويجذبه اليك .
والمثل يقول زر غبا تزدد حبا والله يسعدك اخيتي .

جزاك الله خيرا اختي الكريمة