واخيرا...سويتها

[خوخه أم تولاي]

انسي اللي صار وحافظي على بيتك

 

[تنحط على الجرح]

. .. .خلاآآص ياحــلوهـ ..

عيشي ..كلنا مرينا بمواقف مانسيناهاآآ ..بس نتناساهاآآ..

الله يساعـــدك ,,:icon26:​

الله يهديك كيف تردين بهاا لبساطه

 

[خوخه أم تولاي]

فعلا كلامها صحيح وسليم 100%
كلنا مرينا بمواقف اصعب من موقفك انتي موقفك ولاشي عند اللي مرو فيه البنات واحمدي ربك واشكريه على كل شي​

 

[جامعة الحنان]

غاليتي ...

نصيحه لوجه الله اقولها لك لا تقعدي تفتشي وراه راح تتعبي وتنهمي ويذوي شبابك وساعتها راح يفكر جديا بغيرك ...

احنا يمكن ماراح نقدر نعطيكي النصيحه اللي بتخرجك من المشكله ...

بس خلي ايمانك برب العالمين قوي ولا تخلي الشيطان يتحكم فيكي توكلي على الله وقومي صلي ركعتين فهي محرقة للشيطان ...

استغفري بنيه وادعي اخر الليل ....
احنا بزمن غير زمن امهاتنا مافي حياه زوجيه كامله ... عارفه ليش ؟؟؟

لان احنا بزمن حرب ومو اي حرب ... حرب الجنس وبنات الهوى ؟؟؟

اذا ماقوينا صلتنا برب العالمين وتوكلنا عليه ودافعنا عن ازواجنا فصدقيني راح ياخذوهم بالراحه ....

هم بعد ربي باليهم ببنات الشوارع وين مايلتفتوا يلاقوهم قداهم وطول مانتي تهزئي زوجك بها الطريقه
فأنتي تركتي مجال لابليس وبنت ابليس يفوزوا عليكي ....

نصيحه احتوي زوجك واهتمي به واشبعيه من كل النواحي ساعتها راح يبقى لك حتى لو شفتي منه زلات ...

ازواجنا كلهم مروا باللي مريتي فيه ويمكن اكثر بس ايماننا بالله وحسن الظن فيه هي اللي معطيتنا الطمانينه والراحه النفسيه انه الحق لنا بالنهايه ...

وهم اللي راح يجنوا على نفسهم وهم بقبر وحنا بقبر ....

غاليتي الحين مو بس الشباب اللي يعاكسوا والله العظيم حت الشيبان زمننا زمن عجيب والنصر يالنا يا لبنات الشوارع >>> وأنتي خلي النصر لك ....

زوجك انسان طيب وحنون ويحبك واذا بعدك عنه خلاه يرد عليها فانسي انك تباتي ليله برا بيتك انتي تزوجتي واهلك ياتروحي زياره لهم وهو معاك ياتقعدي معاه .... مادام انه رجع يكلمها بغيبتك وهذا الشيطان لعنة الله عليه والفراغ اللي حسه بغيابك ...

خليكي مع زوجك بكل وقت وحافظي عليه ولا تخلي بنت ابليس تدخل عليكي وقفيها عند حدودها لان الحق معاك ويكفي ان رب العالمين معاك وانه انتي اللي على حق وهي اللي على باطل والنصر لك غاليتي ....

تعوذي من الشيطان ورجعي زوجك لاحظانك واياني واياك تطلعي عيوبه لاحد او تفضحيه قدام احد عشان لا يلقى عليك حجه انك اهنتي كرامته ....

الموضوع بيدك لاصلاح زوجك استخدمي كيد الحريم واذا ماتعرفيه لفي النت وتعلمي مافي شيء صعب ...

الله يهدي بالك ويصلح لك زوجك ....


دمتي بود

 

[نعومه كول]

خلاآآص هو اعتدر ..
حراآآم سامحيـه ..
صدقيــنـي ماآآراآح تلاقيــن زيـــه اهنتيه ونشرتي الخبــر لاهلك
وضربتيه وقدام أهلك ومع دلك ساكت ويبيك ترجعين له ..
صدقينــي الطلاق موب حل ..
لاتحرمي عيالك يعيشوا مع ابوهم وامهم ..
الله يسخر لك زوجك ,ويبعد عنه بنات الحراآم..
اتمنى لك السعده ..

صحيح اختي معاها حق
فيه غيره يجاهر ولا همه واذا تكلمت زوجته قال لها امسكي الباب

 

[كاتمةالعبرات]

شوفي ياقلبي لكل رجال نزوات فانتي اذا فيه مجال يغير شغله كان بها اوذا لا شكله ندمان حتى انتي من كلامك حزنتي عليه بعد الي سوتيه فيه ...........المهم انك لاتطلقي الموضوع مو مستاهل صدقيني الطلاق مو سهل كيف وانتي عندك عيال كمان اسالي الي جربوا بس بعد كذا خليكي ردار لاتخلي جواله كل يوم فتشيه ولو لاسمح الله تزاعلتوا لاتطولي عشان لا يشوف مفر او اذا رحتي عند اهلك لاتطولي وهكذا وربي يعينك

 

[ام رنومه]

استغفر الله العظيم من كل ذنب عظيم

 

[زوجةاسير]

الله يكون بعونك ويربط على قلبك بس يااختي لاتتركين بيتك وزوجك لها تستفرد فيه عطي زوجك فرصه ثانيه وخليه يغير رقم تليفونه واكثري من الدعاء والاستغفار

 

[دلوعة مدلعها]

الله يفرج همك

 

[قلبي بين نارين]

الله يسامحك معليش اسمعي ها الكلام الوحدة في هدي المواقف تتعامل بعلقها موبقلبها وعاطفتها
ولو مو طيب معاك كان سوا الي تبغين طلقك بعد ماضربتها واهنتيه ولكن انا في راي المرة الناجة هي الي تحل مشاكلها ومشاكل زوجها لوحدهم ماتدخل اهللها واهله والله يجمع بينكم بالخير

 

[سمراء وافتخر]

السلام عليكم
يا الغاليه الله يفرج همك ويبرد علي قلبك حبيبتي انت الحين اخذت حقك وبقوه منه وراح يفكر الف مره لا يسوي شي علشان هو يحبك وما يبي يخسرك انا ما اقول ان النسيان سهل ادري ان الخيانه صعبه بس الله المعين وانا مع اختي
جامعة الحنان احتويه ولا تهنيه ابدا الريال ما ينسي اهانته ابدا ووالكرامه عنده بالدنيا ابدي صفحه جديده معاه خليه يراضيك بهديه كبيره روحي عمره اغسلي قلبك من هم واي شي سيء اشغلي نفسك بهوايه او عمل علشان لا تفكري بالموضوع كثير نصيحه لك روحي لاستشاريه او طبيه نفسيه لتخطي المشكله واهم شي فكري بعيالك وبيتك الي بنتيه طول السنين لا تخلي الناس تفرح بهد بيتك وتشتت عيالك والجيء لله ادعي دايما االلهم نزل سكنيتك ورحمتك علينا والف بين قلوبنا واجمع فيما بينا علي خير وطمنينا عليك

 

[rooh 123]

اختي صحيح زوجك غلط بس رده فعلك مرره قويه ليه تكلمين اختك وتفضحينه
كيف تفضحينه وانتي تحبينه
صراحه لو انا مكان زوجك ما سامحك ابد

 

[حبيبت رشيد1]

اهلين اختي
انا بقولك الحل وربي راح يفرج همك وكربتك ويرجع لك زوج اللهم امين
اختي عليك بقيام اليل 12 ركعه وانتي تصلين تقراين سورة البقره بتقوليم طويله
وربي راح تتعودين وماراح تحسين بالوقت وعليك بالاستغفار الف مره
والدعاء
اللهم كما سخرت الرياح لسليمان عليه السلام
ومسخر الحوت ليونس عليه السلام
ومسخر جبريل لمحمد صلي الله عليه وسلام
سخر لي زوجي يا ارحم الراحمين
اللهم كما اصرفت النساء عن يوسف عليه السلام
اصرفهم عن زوجي يااااااااااااارب

 

[{نوتيلا}]

لو واحد تاني كان قال انا رجال عاجبك اهلا و سهلا مو عاجبك امسكي الباب

احمدي ربك انه يحبك و ندمان و شايف خاطرك
و انتي ضاربته
والله فيه رجال الغلط من راسه لرجله ولا يبغاكي ترفعي صوتك مو تضربيه
استهدي بالله و اتعوذي من ابليس
و احمد الله انها راحت و جات على رساله
مو شفتيه معاها بغرفه

الله يهديكي و يهديه

 

[ميرة محمد حميد]

السلام عليج أختي والله أنا اشوف انج اتسامحينه لأن بما أن هو يقول لها أنه داخل البيت و لا تتصلين هذا يعني أن اللي في البيت له احترامه و لو هو ما يحبج جان ما قال لا تتصلين و خلاها و يوم بتتصل بيكلمها على أنها صديق له أو أي رجل غلطان بس عشان تفهم أنه ما يقدر يتكلم و نصيحه مني يا أختي لا تراقبينه أكثر أو تكثرين من اسألتج له حتى لو كنتي متأكدة من أنه يخونج لأنج شي طبيعي انج ما بتتحملين و بتضاربينه على عكس البنت اللي يكلمها بتكون هي اللي اتهديه و تاخذه بالأحضان فبيميل لها أكثر و انتي الخسرانة في النهاية لأن اللي كانت تبغيه البنت وصلت له و الله هذا الكلام عن تجربة .

 

[عنقود عنب]

اللهم صلي على محمد وآل محمد الطيبين الطاهرين واصاحبة المنتجبين

بحاول يا عزيزتي اني اكتب كلام ما يزعلك ..لاني اعرف اللي فيك مكفيك

واتمنى ان يتسع صدرك للكلام اللي بقوله لك...انت كتبتي مشكلتك تبغين الحل والنصيحة ..مو عشان نقول لك برافوا عليك



موضوعك معقد يا اختي

ما ابغي اخوفك ...ولكن حياتكم غريبة

اول شي ...وش يخلي زوجك يخون ؟؟؟سألتي نفسك هذا السؤال ؟؟

عزيزتي.. انا ما اعرف تفاصيل حياتكم الدقيقة ... عشان كذا انا راح اكتب لك من خلال ما كتبتية انت هنا

انت باين عليك عصبية ... بدليل انك تقولين

واعيشه اسبوعين ازفت اسبوعين مرو عليه في حياته

وش اقول في هذا التصرف ؟؟؟ في زوجه عاقلة تعامل زوجها بهذه الطريقة يا اختي ؟؟

لا تقولين لانه يستاهل ...

لكن اللي نفهمة من اسلوبك هذا ...انت هذه طبيعتك ...انك اقوى منه...وهذا شي ينفر الرجل ..وخاصة اذا كانت شخصيته ضعيفة وما يقدر يرد ..وش يسوي؟؟؟ يروح ادور له على حضن دافئ ..حنون

لان ببساطة في الف مليون طريقة تقدرين تعالجين فيها موضوع رسالة في جوال .. مو تعالجينها بهذه الطريقة


وبعدين تجين تقولين ...

وجاء يوم وقالت لي صديقتي هذي العب ويمكن انتي ضالمته البسي له الليله وتعدلي المهم سويت الي قالت واستقبلته

ما عندي تعليق يا عزيزتي ...يعني انت بكيفك ..يوم تزعلين ويوم ترضين ...وهو المسكين ما له كلمة

وكان طالع البارح مشوار واول ما جاء طلبت جواله لاتقولون ليه مدري وعلى طول على الرسايل المرسله الاو لاقي مرسل رساله كاتب لادقين ولا ترسلين الاهل موجودين
واخذالرقم واتصل وماترد ناديته ورويته الرساله قال صبر قبل تنفعلين هذي والله يبنات ماقدرت اخليه يكمل ضربته كفوالله مدري منين جتني القوه مع اني صغيره والي يشوفني يقول ماتزوجت لسا وهو طويل وعريض اقرب لسمنه بس مدري منين جتني القوه
المهم صارخت فيه ولانزلت مني دمعه ولا همني عيالي ولا اختي الي كانت موجوده فتحت باب الغرفه قعدت اصارخ اقوله براااااااا
وبهذلته وهويقول انا مالومك انا استاهل

بعد يا اختي ما عندي تعليق ... وتقولين ليش يدور على غيرك؟؟

و الباقي انت عارفته كيف فاضحته بين اهلك

احمدي الله انه ما طلقك

يا اختي ... هذه الطريقة في التعامل مع الزوج ربي لا يقبلها

اذا ما عندك القدرة على العيشة معه

بكل بساطة ..هذا من حقك

ولكن الاسلوب المستخدم غلط في غلط

ربي يهديكم

 

[خجولة بصمت]

مــــــــــــاشاء البنات كفوو ووفوو

شوفي اول شيء لا تنسين يوم ضربتيه وش قالك (( انا استاهل )) >>> يعني ندماان بس مو لان خانك قالك وقتها


ندمان لاني ما اعترفتلك من البدااايه اللي انا فهمته او حسيته ان زوجك البنت اللي تلحق ورااه انتي تعرفينهاا


يقول ما يبي يخرب بينكم ويمكن تكون مره قريبه منك لا تنسين غيره الحريم يوم يشوفون اثنين متهنيين


زوجك غلط وركض ورى الشيطان >>>> لكن بنفس الوقت يحبك لو قلتي تبين تتطلقين بتندمين بعدها


لان انتي الحين مقهوره ومن داخلك بركان لسى على نار غليانه اتحسين بإهانه ومو مصدقه الموقف


تتمنين موتك ولا تعرفين انه رجل للموضوع مره ثانيه زوجك يحبك وصدقيني اذا رجع بحاول يرضيط بكل الطرق


ترااها خيره من جد سبحان الله الموضوع صعب خيانه وين تتحملين لكن بنفس الوقت خيره لك تدرين ليش ؟؟؟


لان يم بيرجع زوجك اذا اول كان يحبك مرررره يوم ترجعين له وتحاولين انك تحسيسينه ان اللي صار صار


وببدء معك صفحه جديده واخيره وتبدين تتعاملين معاه ولا كأن شيء صار بتكبرين بعينه وكذا انتي بتقهرينه


تدرين شلون >>>> يوم البنت تكمل مع زوجها وتحاول اتحسسه ان خلاص مافي شيء صار بنسى او بحاول انسى


لجل بيتنا ولجل ما اخليك للثانيه بحس شقد هو حقير يوم سوه هذيك الحركه وبيقول معقوله انا سويت كذا بمثل هالانسانه

اللي الحين شايلتني ومعطتني كل حقوقي وصدقيني حتى هو بيتعلق فيك اكثر وبحاول يسويلك اي شيء لجل يرضيك


مااعتقد زوجك بعيد الموضوع ثالث مره مستحيل لان بكل بساطه يحبك >>> وصعب اتلاقين شخص يحب


عجبني كلام اختي ((( حبيبت رشيد 1)) بجد مره حلو دعائهاا واللي قالته حاولي اتطبقينه والطلاق شيليه من راسك


هذيك تبي زوجك تدرين ليه >>>> بكل بساطه رجال طيب حبوب لما يحب انسانه يقدرها يحترمها يلبيلها طلباتها


احس هذي شخصيه زوجك واكيد رومنسي وحنوون >>> احساس من كلامك اتوقع انه صح ماادري

لذلك شخص بكل هالمواصفات ما تتوقعين ان اي بنت تتمناه


واذا الرجاال حاول ان يوخر عن هالبنت والثانيه والثالثه تتوقعين لين متى بيستمر وانتي نسيتي ان كيد النساء عظيم


ترى احنا مو سهلات واللي تبي اتخرب عليك مو سهله وزوجك طعم مررررره مميز


انتي الحين يمكن معصبه ويوم تقرين كلامي اتقول خليها تشبع فيه بس ليه ما يكون بينك وبينها تحدي


يعني قولي دام هي بدت تبي تاخذه ونجت هي باول جوله والثانيه لك >>> لان تركها

ورجعت مره ثانيه وفازت بالجوله الثانيه >>> يعني صار لها هي نقطتين وكانها على كلامك وفكره طلاقك بتفوز

ولا بترجعين الكفه تعادل >>>> وتفوزين انتي بزوجك >>>> وبعدين لا تنسين يمكن يكون ابتلاء واختبار من رب


العالمين يختبر فيها قوة صبرك على مصيبتك صح ولا لا وبعدين انتي بنت بلقيس ولا نسيتي وبنات بلقيس


مو بنات الشوارع يهزمونا وياخذون ارجالنا وانتي زوجك مو اي زوج بسمي زوجك(( الرجل الذهبي )) معقوله تتخلين عنه


عشان وحده بنت شوارع ما تخاف ربهااا >>>> بعد كل لحظه حلووة تبين تقعدين طول حياتك تنكبين حظك


ماابي اطول عليك بالكلام ولا ابي اكثر هذر كلامي مره كثير انا ولا يخلص


اللحين

 

[رجاي الله]

انتي صح اكوي عليه شوي ولاتسامحينه بسهوله لانك قبل سامحتيه وكررها قولي له انا ماابيك خليه ينهببل واذا هدت شوي الامور قولي ماابيك معي بالبيت فتره مااقدر اشوفك خلييه ينكووي ويحس انه فقدك

وسامحيه عقب وقولي له الثالثه ثابته

بس جد عجبتيييييني رده فعلك اوووكي ​

 

[المحتاااااااارة]

لا للاستسلام

حبيبتي
فكري عدل انتي حاربتي وسويتي كل شي رائع الاانك تفكرين فالطلاق لانك بتخسرين كل شي انتي تعبتي وانتي وياه عقب ماتطلقين وتاخذه وحده غيرج بتندمين اشد الندم واذا فات الفوت ماينفع الصوت حاولي تصلحي العلاقة مابينكم يكون افضل لج ولزوجج ولعيالج وهذا رايي والله يعينج حبيبتي تر الوحدة مننا عايشة كل يوم حرب شكل ولازم تنتصرين لانج صاحبة حق والله وياج ودعواتنا لج حبيبتي بالشفاء والسعادة والله يسخر لج زوجج

 

[عطر الليالي]

لاحول ولاقوة الابالله الله يهديك بس ليش كذا يااختي انتي تبغي تخربي بيتك بيدك صحيح زوجك غلط بس غلطك اكبر في المرتين ردة فعلك عنيفة حاولتي تنتقمين لنفسك من زوجك بدال ماتصلحين الوضع وتعالجينه بحكمة بالله عليك في زوجة عاقله تمديدها على زوجها فين احترامك وتقديرك له في الف طريقة ممكن تعاقبينه فيها وانتي ذكرتي ان زوجك يحبك ومتمسك فيك يعني كان ممكن تأدبينه بدون فضايح نصيحتي لك تعوذي من ابليس وكلمي زوجك وخليه يرجع بشروطك قبل لاتخسرينه للابد تلعب فراسه بنت الحرام وابليس يفرق بينك وبينه الي صار غلطة تجاهليها كل ماجات فبالك استغفري وتعوذي من الشيطان وبعدين حطي فبالك مافي انسان كامل الحياة ماتصفو لاحد الراحة في الجنة الله يرزقنا اياها جميعا والله ياختي مراح تحسين بالراحة وانتي بعيدة عن زوجك الله يصلح احوالكم ويسخركم لبعض0