واحد +واحد = واحد بهالزمن

[الكناري]

حبيباتي وخواتي الاميرات وصلت لحافه الانهيار وحسبتي كلها طلعت غلط بغلط:thumbdown::thumbdown::thumbdown:

تدرون لما كتبتلكم من قبل ان زوجي مسافر بدون ما يقولي واحنا بقطيعه الحين دخلنا الشهر الرابع من القطيعه التامه لاسباب بخله ورفضه تحمل مسؤوليات البيت
المهم خواتي انا توقعت انه ماراح يطول بسفرته اكثر من اسبوع لكن القعده هناك عجبته واتصل في بناتي وهو مبسوط على الاخر ويقولون له متى بترجع يرد عليهم ان صديقي موراضي يخليني ارجع المهم الحين صارله 18 يوم مسافر وانا بروحي مع بناتي بالبيت

وتعرفون
اعصابي زفت وقلبي مقبوض والنفسيه ازفت من الزفت وحاله من الضيق والاكتئاب مو طبيعيه
بالفعل حسسني اني ولاااااااااااااااااااااااااااااا شي عنده وما اساوي فلس عنده
الحين جد قاعده افكر اطلب الطلاق منه لان وجوده زي عدمه بالبيت شالفايده اقعد مع واحد مو حاس فيني ويبيني البقره الحلوب له ولعياله
وبالفعل الحين اكتشفت ان واحد + واحد =واحد مو اثنين هذا حال زوجي انا وياه صرنا اثنين مو واحد

ااااااااااااااااااااااااااااااااااه افكاري مشوشه مااااااااااااااادري شسوي
ساعدوني الله يرضى عليكم بموت من القهر احس متجمده في مكاني ومغمضه عيوني مابي اشوف ومابي اسمع
كل شي عندي جمود وساكن

 

[Cappuccino]

رأيي حبيبتي اذا انت الموضوع موصل معك لهاد الحد استشيري أ.ناعمة افضل يعني ممكن الوحدة تجرب استشارة الاخوات المتزوجات في المواضيع البسيطة بس اذا انت حاسة انه الموضوع كبير وممكن لا سمح الله يوصل للطلاق إذا ما في مجال للتجارب في هذا الوقت .. طبعا الاخوات كلهم يعطيهم العافية حابين يساعدوكي بس الحلول تختلف من موقف لاخر حتى لو كان زوجك متسلط على حسب كلامك اكيد متسلط عن متسلط يختلف..
رأيي الشخصي استشيري الاستاذة قبل ما يرجع من السفر ولا تضيعي وقت .. بس اهم شي مبدئيا شيلي فكرة الطلاق من بالك نهائيا

 

[ميوسه]

اهلين اختي كناري

انا افضل انك تنسينه فتره وعيشي حياتك مافي شي يخليك مبسوطه وناسيه العالم سويه


وخليه تلاقينه متضايق ميه بالميه من انو مادقيتي عليه ولاسالتي فيه عشان كذا جالس ياخر رجعته

والدليل يبي البنات يوصلون لك انو صديقه يقوله لاترجع كل هذا موجه لك معناها يفكر فيك طول الوقت


انتي استمري بالتطنيش بس اذا رجع كلميه جدا عادي وانهي القطعيه خليه يحتار منك

وخليك مرحه وعيشي حياتك ياقلبواا والله مرده لك بيركض وراك بس الموضوع يبيله صبر

ارجعي للقصص هنا واستفيدي


والافضل استشير الاستاذه ناعمه اذا قدرتي توصلين لها

موفقه يارب

 

[ميوسه]

واذا انتي مخنوقه ومتضايقه

فجري غضبك بشي طلعي طاقتك امشي اتسوقي اطلعي مطاعم

سوي لك اجواء مع بناتك

وتخيلي انك ماتزوجيتي وهذي عيشتك


بس اذا رجع لاز لازم تنهين القطيعه وتضحكين مع بناتك وتبتسمين له

وتبينين انو مافي شي يعكر مزاجي طبعا غصب عليك تسوين هالشي بس بتتعودين


وبعدها بيتغير صدقيني قوي مركزك عنده وبيتغير


وبعدين هالزمن ضل رجل ولا ضل حيطه


موفقه

 

[يارب ارجو رحمتك]

لا حول ولا قوة الا بالله
عليكى بالدعاء والاستغفار
ثم فكرى بشكل جدى وجهزى نفسك للحديث معه بشكل جدى اذا حضر
لتقيمين النقاط على الحروف
المهم الان حاولى تتناسى الموضوع حتى لا تتحطم اعصابك وتمرضين وهو يعيش كما يحلو له
الله يعينك على الصواب ان شاء الله

 

[الكناري]

شكرا حبيباتي وخواتي في هالمنتدى العزيز علينا
ماعندي غير الدعاء لكم ولي بتفريج الكرب لكل مهموم