- تكلمي عن زوجك من ناحيه حبه او كرهه للعمل وماهي وظيفته ؟!
محصل مالي يعني يتردد على الجهات الحكومية وبالمعنى الاهم عمله ميداني
لكن طموحه العمل التجاري الحر ويكون مدير نفسه
ولا راح يتردد بالاستقالة اذا عمل مشروع ونجح
ودايم يردد لو يجيني فلوس اول شي اسويه استقيل واسوي مشروع
وماعنده مانع ياخد قرض ويغامر عشان مشروع لكن داااايما انا اللي اثبطه
وكل ماقالي مشروع اقول وش يضمن اك نجاحه ويقول لازم اغامر واجرب مع العلم اننا عايشين على المعاش الحمد لله
- من ناحيه حبه للبس حقك يحب الساتر والطفولي او العكس ؟!
لا مايحب الساتر في البيت يحب المشغلع خخخخخ
ومن ناحية الملابس الطفولية يقول عادي لو تلبسينها ماانتقدك اشوفها عادي <<<< قاعدة تسأله
- زوجك حركي ونشيط أو يميل إلى الرآحه والكسل والتأجيل ؟!
حركي ونشيط واذا صار عنده موعد يحب يكون على الموعد ويحسب لي بالدقيقة لو بغينا نطلع لشي ودايما يقول لي عشر دقايق واقف عند الباب او 14 دقيقة يعني دقيق
- يتكلم بجرأه بدون خجل ؟؟
ايه يتكلم بجرأة اذا الموضوع يحتاج انه يتكلم عموما يحب يسولف ويسألني وش سويت خلال يومي لكن هو مايقوللي الا اذا حسسته بتأنيب الضمير وانه انا اسولف واقولك كل شي بحياتي وانت مستكثر تقولي وش مشوارك
ومو دايما تنفع هالطريقة لازم اذا سألته وين بتروح يقول وش عليك لو هو ناوي يقول لي لازم يماطل ويجادل
- يحب الترتيب والتنظيم ولا إنسان فوضوي وعايش حياته ؟
يحب الترتيب والتنظيم لكن اكون انا اللي ارتب هو مايسوي شي الا اذا شافني مشغولة مرة شال الصحن اللي ناكل فيه او يسكت البنوتة ويلعب الولد اذا كان رايق وانا اللي معصبة اما اذا كنا كلنا مشغولين يحب يخلص اموره اول بعدييييين يشوف وش احتاج
زوجك من النوع آللي يحب الشغل ويميل يكون مسيطر ؟؟
يحب يكون مدير مايحكمه احد
مع العلم ان ابوه مقدم له مغريات عشان يشتغل عنده ورافض لان ابوه مسيطر
وهو باار ولا يحب يزعلهم
زوجك من النوع آللي ينفعل بسرعه ويعلى صوته عند الأنفعال ولا عااادي ؟!
ينفعل ويعاتب ويحاور بس مايعلى صوته ويجمع بعدين ينفجر لكن اغلب انفجاره باسلوب ويشذ احيانا ويغلط اذا عصب لكن انا اللي اعصصصصب ويرتفع حدة صوتي بس مو قصدي اصارخ او ارفع صوتي عليه
لكن هو ممكن يغلط علي بالكلام بس مايسب مثل ياحمارة او الله يلعنك او يابنت ال ..... لا ابدا هذي الاشياء خارج نطاق حياتنا والحمد لله
لكن بالمجمل احس انه هادي ومايتنازل عن حقه
- زوجك كسول في اعماله ويأجل وعنده التسويف ولا منجز لأعماله ؟!
منجز لاعماله لانه يحسبها صح زي دوامه الحين ميداني ويعطونه معاملات يخلصها خلال الاسبوع يضغط نفسه بيومين وثلاثة ويرتاح بالباقي لكن مايهمل عمله
- بآرد ولا سريع الحركه ؟!
عادي متوسط لاسريع ولابطيئ
- يحب العطور الشرقيه والجلآبيآت ولا يحب كل شيء غريب والملابس الغربيه ؟!
يحب العطور الغربية والبناطيل
- زوجك من النوع المتردد ؟! ومن ناحيه المواعيد والوقت منتظم ؟!
لااا مايتردد انا اللي ذابحني التردد مااقرر بسرعة ومن ناحية المواعيد منتظم
- زوجك يحب التجديد والأنفتـآح ؟!
يحب التجديد بحدود المعقول واللي مافيه اسراف
- زوجك جريء ويحب يكون بين جماعااات ؟!
جريئ لكن مايحب يكوّن علاقات كثيرة وصداقات اصدقاءه 3 او 4 بالاضافو لاخوانه وزملاء العمل عنده كثير بس علاقات سطحيه يمكن 2 او 3 اللي يمون عليهم
- زوجك من النوع آللي يفكر كثير بالمستقبل ؟!
ايييه يفكر بالمستقبل ويخطط لكل شي يسويه قبل ينفذه
- يهتم بسلوكه ويسمكها ولآاا فلوسه ضايعه ؟!
لا مو ماسك ولا يضيع فلوسه يعني بحدود المعقول ويستانس اذا حطيت ميزانية ومشينا عليها
- صفاات تريدين إضآفتها عن زوجك ؟!
اذا تعاندنا انا وياه واحنا زعلانين يحب يرفع ضغطي
احيانا احس يحب ينرفزني مع اني مو ناقصة
مشكورة ياقلبي والله يوفقك ويسخر لك اللي اقوى منك ويوسع رزقك ويزيل همك والمسلمين اجمعين
لو عرفتي نمط شخصيتي مااقول لا يسلموووو
تكفييين ردي علي مرة شاركت بموضوع زي هذا ويوم قرب دوري ماقامت تصنف
