الله يوفق الي طرحت ها الموضوع اتمنى اني اجد حلا لزوجي العنيد علما اني ارسلت عدة رسائل لعدة متخصصات قد ذكرن قدرتهن لحل المشاكل الزوجيه لكن لم ياتيني ردود وهذا قبل اشهر
ما اقدر اطول عليك بس اكثر شي متعبني انه يتكاثر المصروف علينا لدرجة اني اخذ من جيبه حق الاغراض اليوميه مثل حليب البيبي والبامبرز والفطور اما اذا قلت له عطني قال ماله داعي علما باني ماتجراء اطلب منه الا الاشياء الضروريه بس وش اسوي اما السوق من اصعب الاشياء عندي وهو بجنبي خمس دقايق ما يخليني اروح علشان ما يعطيني فلوس هذي مشكلتي الاولى اتمنى القا عندك حل يريحني انتي قولي بس والله لاطبق كل الي تقولينه وان قدرتي ترسلي لي على الخاص الله يوفقك ويصخرلك .
المشكله انه عنيد بكل شي يصعب التفاهم معه يعني مثلا اليوم قالي ليش مكيف غرفة الولد بارد والولد عمره 18 سنه وبعد مشغله معه بالشركه زي العامل وهو نايم والولد يكرف من سبعه ونص صباحا الى عشره بالليل يجي هلكان قلت له هو يحب المكيف كذا وهو مو صغير قال انتي ماتهتمين انتي ضيعتي اعيالك انتي مو ام حقيقيه تخاف على اعيالها بعدين قلت انت وش مزعلك لا قد مرض ولا عنده صدر ولا شي خله على راحته لاتنفره من البيت الا قام من العناد الي فيه جاب صمغ وصمغ مفتاح المكيف علشان ما يزود التبريد هذا مثال ولا انا ماقد تكلمنا بشي الا يخلي العناد هو الوسيط بننا واذا قلت له طيب ليش كذا يقول بس حتى لو مو متهاوشين ولا فيه اي شي وايضا من اتفه الاشياء يعصب بشده واذا فكرت القا السبب تافه وهو قيم الدنيا وقعدها اتمنى من الله ثم منك تساعديني وتكوني معي دايم اشكيلك لاني فعلا محتاجه لوحده مثلك اشتكيلها بعد الله والله اني اكتب وعبراتي بحلقي الله يعظم الاجر بس
