هم وتعب وغربه ...

[من القطب الشمال]

السلام عليكم ورحمة الله وبركاته ...مشكلتي خواتي هي بسالفة حملي انا الحين على نهاية الثامن وربي يتمم لي بخير ..وبغربه وعندي طفلين وزوجي طالب وبفترة امتحانات ..اخر مراجعه حددت لي الدكتوره موعد لتنويمي بالمستشفى وموعدي بكره وولادتي قيصريه لان صعبه عليه ولاده طبيعيه ..بحجة انه فيه خطوره علي ولازم ابقى تحت الملاحظه لان الرحم عندي عضلته ضعيفه وممكن مع كبر الجنين يصير تمزق او اذا تعرضت لانقباضات الطلق ..انا احس انه زيادة اهتمام فقط وتعرفون الاوربيين عندهم زيادة الحرص ومبالغه في اي شي واعطاء الامور اكبر من حجمها ..انا طبعا ما افكر بنفسي الحين , افكر بظروف زوجي وامتحاناته والطفلين الى عندي كيف حيكون وضعهم ,خصوصا انه زوجي ما يفكر بحكاية جليسة اطفال ولا يحب يوديهم لاحد من الجيران ابدا لانه ما يحب يوكل احد على الطفلين ابدا وما عنده ثقه باحد ابدا مهما كان ..فبيقلي انا حقوم فيهم وماتحملي همهم بالمره بس انا حاسه هو قاعد يضغط على نفسه عشان انا ارتاح وانا ادري انه هو رح يتعب كثير بالذات انه انسان قلق جدا ويحمل هم كل شي لدرجة انه ممكن يجلس بدون اكل ونوم بالايام يكون مشغول ذهنيا بقوه ,وفترة تنويمي بالمستشفى مو قصيره يعني ثلاث اسابيع .... اش اسوي ؟ماني عارفه والدكتوره ما عندها استعداد لفكرة النقاش بموضوع التأجيل شوي حتى لو يومين او ثلاثه ..(دعواتكم لي بتفريج همي واعانة زوجي على هذي المسؤليه في هذي الفتره وتيسيرامتحاناته فلامعين لنا سواه سبحانه )

 

[دانة الشام]

حبيبتي أنسيتي أن هناك رب يرانا ويرعانا,, من رزق جنينك في بطنك قادر أن يتكفل بأطفالك وإعانة زوجك ,, لاتقلقي ولاتنهمي بما أنك وكلتي أمرك لرب العباد ,, زوجك رجل والرجال يتحملون الضغوط والمصاعب لاتخافي ,,حان الوقت ليرد لك شيئا من تعبك ولن يضره مشاركتك في هذه الظروف بالعكس تماما المحن والظروف القاسية تقرب بين الازواج خاصة عندما يتشاركونها,, استودعيه واستودعي أطفالك عند رب العالمين الذي لاتضيع ودائعه ,,واسترخي واستغلي تواجدك في المشفى بالاستغفار وتلاوة القرآن صدقيني ينشرح صدرك وتتيسر أمورك بطريقة ستذهلك,, ربي يتمم حملك على خير ويسخرلك زوجك وتولدي بالسلامة ياااارب.

 

[زوجة الناظر]

الله يعينك حبيبتي طيب ليش ما ترسلين اولادك هالفترة


لاهلك لو اول كم اسبوع والله يهون عليك وييسر لك

 

[ورقه منسيه]

الله يفرج همك
طيب ليه ماتروحين لم اهلك مادمك لسى بالثامن

 

[ام ساني]

يارب يهون عليك ويسهل ولداتك وتكون بخير انت وجنينك والله يحرس اولادك وزوجك يارب
قلبي معك والله حاسه فيك اناكمان بغربة ومريت بظروف مشابهة
قوي ايمانك الله معك يارب يارب

 

[النوم سلطان]

حبيبتي انتي
طيب ليه ماتجيك امك
انا مريت بنفس مرحلتك هذي مع اختلاف بعض التفاصيل
بس امي الله يجزاها الجنه جتني ووسعتي علي وعلى زوجي الله يجزاها الفردوس الاعلى من الجنه

 

[روحي تحبو]

اللهم يارب العالمين يسر امر اختنا في الله واحفظها واولادها وزوجها من كل شر

 

[ناصرة المظلوم]

الله يهون عليك ويسهل عليك ولادتك ويحمي عيالك وكلي أمرك لربك وقلوبنا معك
تكفون يابلقيسيات هذي الأخت بحاجة لدعواتكم فلا تنسوها بالدعاء

 

[دانة الشام]

رفع لمزيد من الدعاء للأخت الكريمة..

 

[alool]

اللــــــــه ييسرها عليكـ ويفرج همــــــك ..

 

[من القطب الشمال]

جزى الله خواتي بكل خير ...انا من اول السابع كنت بسافر بس حالتي الصحيه ماتسمح لان رحلة الطيران اكثر من 17 ساعه متعبه جدا ما اتحمل رحله مثل هذي حسب كلام الدكتوره ...اضافه انه ماتقدر امي تجي تكاليف السفر كثيره على ابوي غير انه عندي اخوان صغار هم في حاجتها اكثر مني ...آآآآه بس مالي غير رب العباد سبحانه ماينسى احد..

 

[س ر]

يارب فرج همها وسهل وولادتها واعن زوجها

 

[rmsh]

بسم الله الرحمن الرحيم
حبيبتي وكلي امرك لله واهتمي بنفسك انتى داخله علي عمليه وولاده
مش زوجك بعرف انك شايله همه بس هومش صغير وبعرف يدبر اموره
انا مثلك بغربه وجبت اولادي كلهم بالغربه وعارفه لا اهل ولا
اصدقاء بس الحمد الله ايام بتعدي وبكره بتصير ذكري
وبالعكس جوزك بيشعر بقيمتك وتعبك اكثر
الله يفرجها عليك ويفك الغربه على كل المغتربين

 

[ميوسه]

عزيزتي

اتمنى انك ماتشيلي هم وتثقي بكلام زوجك

هو رجل بالغ قادر على التصرف حاولو توفرو الاكل السهل مثل الكورن فليكس للفطور والحليب

ودوري عندهم بالصيدليات السيريال بار الواح بسكويتات محشيه مغذيه تحتوي على فايتامين ومعادن وتعتبر وجبه مفيده لهم


والفاكهه الطازجه والمطاعم عندكم مليانه واذا الطفلين ماتسجلو بهوم كير او داي كير سجلوهم على الاقل من الساعه 9 لحد 5 بيتكفلو فيهم وينتبهو لهم ويلعبوهم وزوجك بيكون عنده وقت للدراسه


بس اتوكلي على ربي

من ثم ثقي بزوجك وربي راح يسهلها ان شاء الله

وتولدي بالسلامه يارب

 

[من القطب الشمال]

احلى شي دعواتكم حبيباتي ريحتني كثير ....هذي هيه الدنيا الله يعيننا عليها يوم لنا ويوم علينا ...اما بالنسبه لتسجيل اطفالي عندي طفل بالمدرسه يطلع حول اربعه والثاني بالبيت رافض رفض شديد الروحه لاي مكان يحب يبقى قريب مني ومن ابوه فما قدرنا نجبره على دخول الروضه ابدا مراعاه لنفسيته ...

 

[من القطب الشمال]

اطلب منكم الدعاء لي ....وربي يجعل ذالك في ميزان حسنات كل اخت تدعي لي لعل الله يهون علينا همنا ويجعل هالازمه تمر بيسر وسهوله

 

[سكن قلبه]

الله يسهل امورك يارب ويعينكم ويوفقكم