هل ينسى حبه الاول

[شيخه الخليج]

السلام عليكم
حبيت اسأل هل الزوج ينسى اول حبه يعني الحب الاول ينساه ولا لا حتى لو ما كان تزوج حبيبته الاوليه بس الذكرى ينساها ولا لا ؟؟؟
حتى لو كان مرتاح مع زوجته الحاليه ويحبها موووت
انا هالشي شاغلني وااايد

 

[ملكة اسطورية]

حبيبتي لا تخلين هالشي يخرب عليج حياتج الهاديه ليش تبين تفتحين عليج باب ما ترومين تسكرينه شوفي الغاليه حبي نفسج وعقب حبي ريلج وخلج من هالمقوله لإنه مب صحيحه ابد


والله يوفقج

 

[شروق ألامل]

التفكير في هالامور من الفراغ

والرجال بطبيعته عملي ماتشغله العواطف

 

[ياسيدهم وينك]

ينسااااااه وبنسى ابوووووه بعد لا ويمكن يتحول الى كره بعد او ينقد على نفسه

 

[كلمات من القمر]

التفكير في هالامور من الفراغ

والرجال بطبيعته عملي ماتشغله العواطف

وحتى لو مانساه راح تكون مجرد ذكريات خصوصا اذا مرتاح مع زوجته ويحبها

 

[درة الرياضss]

خليك من هالافكار واعوذ بالله ابليس مايخلي احد
لاتغثين نفسك باشياء تافهه

 

[المتمكنه]

ينسااااااااااه اذا لقى حب جديد يحتويه

وموشرط كل حب نمر فيه هو الاقوى او ماننساه

حاولي تاسسين حبكم صح وتقوينه بحب الله وطاعته وثم حب زوجك وبيتك

والرجال لو شاف راحته ينسى حليب امه

هههههههههههههههههههههههههه

 

[شيخه الخليج]

كلامكم حلو ويريحني نوعا ما
بس اذا كان هالحب من شخص قريب ودايما يتعامل معهم ويزورهم ( بنت خاله )
يعني خطبها قبلي وكان يحبها موت بس هي لا وهي رفضته بس بعد فترة رجعت وافقت عليه بس هو عزت عليه نفسه يرجع لها وبعدين خطبني وتزوجني بس هو دايما في بيتهم لان امها هي الي مربتنه وهو يتيم الام والاب هي بالنسبه له امه وخصوصا البنت للحين ما تزوجت

 

[هادئه]

احذري عزيزتي

شوفي عزيزتي أنا أحب أكون معاكي صريحة..
طالما إنها دوم وياكم ويشوفها باستمرار..يعني مهمتك صارت شاقة ومضاعفة..
:busted_red: لا تحسسيه بالغيرة منها حتى لا تنبهيه لنقطة هو كان غافل عنها..ولكن خليكي مفتحة عشرة عشرة..حاولي تبحثي لها عن عريس..لا تقصرين معاه في ولا شي..وخاصة الفراش
خليكي أنتي شغله الشاغل..وخليه متحمل مسئوليتك كاملة سواء ماديا أو نفسيا أو أسريا..
نقطة مهمة لا تحاولي تجيبين سيرته أمامها كثير لا بالذم ولا بالمدح..بس ممكن أحيانا لو مرة زعلك تقولينها عشان ما تحس إنك تتعنين تغفليه..حافظي على أسرارك وحياتك معاه حتى لو كانت أمور عادية في نظرك مثل طلعات النزهات والأسواق...
لما تكوني معاه شيليها من بالك عشان ماينعكس على تصرفاتك..
وقبل كل شيء وكلي أمرك لله ورددي (وأفوض أمري إلى الله إن الله بصير بالعباد)
والله يعينك.. وطمنيني عليكي..واذا اتذكرت نصائح أخرى حأقولك..

 

[جروح الروح]

ينساه ينساه
وانا دليلي قصتي احبه ويحبني وصار عدم قبول من الاهل وتزوج اقرب الناس لي وانا تزوجت قريب لي
ومرت سنين لي شفته سلمت عليه وسالت عن عياله وهو لي شافني سلم وسال عن عيالي وزوجي ولاجنا كنا نبي بعض وانابيني وبين نفسي انتقد رووحي

لان الحب الحقيقي بعد الزواج قبل الزواج خرابيط

 

[سالي 33]

ما اعترف بشي اسمه الحب الاول ممكن الوحدة تنسي زوجها اي حب المهم انك تكوني آخر حب بحياته والله يوفقك يارب

 

[شيخه الخليج]

شوفي عزيزتي أنا أحب أكون معاكي صريحة..
طالما إنها دوم وياكم ويشوفها باستمرار..يعني مهمتك صارت شاقة ومضاعفة..
:busted_red: لا تحسسيه بالغيرة منها حتى لا تنبهيه لنقطة هو كان غافل عنها..ولكن خليكي مفتحة عشرة عشرة..حاولي تبحثي لها عن عريس..لا تقصرين معاه في ولا شي..وخاصة الفراش
خليكي أنتي شغله الشاغل..وخليه متحمل مسئوليتك كاملة سواء ماديا أو نفسيا أو أسريا..
نقطة مهمة لا تحاولي تجيبين سيرته أمامها كثير لا بالذم ولا بالمدح..بس ممكن أحيانا لو مرة زعلك تقولينها عشان ما تحس إنك تتعنين تغفليه..حافظي على أسرارك وحياتك معاه حتى لو كانت أمور عادية في نظرك مثل طلعات النزهات والأسواق...
لما تكوني معاه شيليها من بالك عشان ماينعكس على تصرفاتك..
وقبل كل شيء وكلي أمرك لله ورددي (وأفوض أمري إلى الله إن الله بصير بالعباد)
والله يعينك.. وطمنيني عليكي..واذا اتذكرت نصائح أخرى حأقولك..

حبيبتي شكرا على نصايحج انا اطبقها اصلا انا ما اجيب سيرته جدامها ابد ( هالي ناقص بعد )
ولا اجيب سيرتها جدامه .... واصلا وااايد عرسان يتقدمو لها بس بعدين ما يصير نصيبب ( يمكن لان سمعتهم شوي مش ولا بد ) واصلا حاليا مخطوبه بس حجز مش خطوبه رسمي
بس زوجي وااايد مهتم فيهم خصوصا ان امهم مربتنه وهو ما يبي يكون قليل اصل وينسى العشرة وانا اصلا ما اواطنها بعيشت الله بس ما ابين لهم ازورهم بس في المناسبات واكون عاديه جدا وهم ما عندهم سيرة الا زوجي لانهم متربيين مع بعض وهالشي ما عاجبني بس اتغاضى عنه شو اسوي

 

[ميار2008]

والله مدري ايش اقولك هو صعب الواحد ينسى بس يمكن على حسب طبيعة الرجال؟؟؟؟؟؟؟؟؟؟

 

[ليل الالم]

انا كمان زوجي كان يحب من قبل ما ياخذني ...وصار ليه معاها ثلاث سنوات ولما اتقدم ليهاا اقنعوها اهلها بالرفض رغم حبهاا ليه كان هذا الشي صعب عليه ومرض ليومج هذا.. وهي من الاهل بعد بنت خاله ودوووم يتقابلون بالمناسبات وسلمون على بعض ويسولفون بس انا ما اهتم قبل ايه غيره خصوصا لما اشوف التردد منهااا ومحاولة لفت انتباهه لكن الحين بعد الاولاد ما يهمني غير نفسي واولادي وبس...لاني في البداية عانيت من صدوده لي وتفريغ حمقه لما يشوفهاا فيني خاصة لما عرف انها حملت لين ما ولدت ما تغيرت طباعه لكن الحين ما يهمني غير نفسي واولادي وبس...ثم هو درجة ثانية.. وهذا هو الحل
وتحياتي لك

 

[دانة العالم]

الرجل من الصعب انك تعرفين مشاعره سوا من ناحيتك او من حبه الاول
انا اعتقد ان الرجل اغرب مخوق

 

[@باونتي@]

النسيان شئ اكيد..وهذي نعمه من رب العالمين موجوده..وماننكر وجودها..وانعمها ربي علينا حتى مانتالم على فراق احبائنا واهالينا بعد الموت...فالنسيان..بلسم لجروحنا
فماذا تتوقعين من الرجل بعد ان يترك حبيبته..؟؟؟؟؟؟؟
بينساها...مثل ماينسى الانسان اقرب انسان له ومات

 

[أخصائية إدارة]

الرجال ماله اول عيوني اهم شي تكوني ماليه عينه وتكوني الاخيره

 

[شيخه الخليج]

الله يسمع منكم
مشكورين على ردودكم ... بس ماادري ليش ما اقدر اشيل هالفكرة من راسي؟؟؟

 

[passion]

ليش ما ينسى وهو خداج وفضلج عليها بعدين انتي حلاله زوجته يكفيكي فخرا انك زوجته وربي يسعدج يالغالية وشلي هالوساوس من راسج تراها خراب البيوت لا تخلين الشيطان يقص عليج

 

[(مزاجية)]

ليش كلكم تقولون ينسى

بني ادم طبعه ما ينسى .. يمكن يتناساه وما ايي في باله شرات قبل .. بس مستحيييييل ينسى .. وهذا الصدق


وايدين كانت لهم علاقات و تزوجو و كملو حياتهم عادي .. لا تخلين الشيطان يوسوس