هل يخطيء السونار في الشهر السابع في تحديد الجنس ؟

[&زهرة الوادي&]

أنا بالشهر السابع وأعدت السونار مرة ثانية بعد اسبوع في نفس الشهر
في المرة الأولى ها الشهر قال لي الأخصائي ان الجنين مسكر رجوله وقعد فترة طويلة يفحص وياخد مقاسات البيبي لكنه ماعرف جنسه لانه كان مسكر رجوله
في المرة الثانية من يومين ( بعدها بأسبوع ) ماطول بالفحص بالسونار وكان مستغرب ليش اعيده رغم ان الاعادة كانت بناء على طلب طبيبي الاخصائي الذي اتابع عنده بنفس المستشفى وحسيت انه تعصب .. المهم اعاد الأخصائي لي السونار بسرعة وهو مستعجل ويادوب تطمن ان كل شيء طبيعي وراح مسكر الجهار فسالته عن نوع البيبي قال بسرعة وهو يسكر الجهاز ( بنت )..
فما ادري هل شاف فعلا وتأكد رغم انه ما طول بالفحص ( 3-4 دقائق )؟..ولا بس يبي يسكتني لاني اعدت السونار بعد اسبوع
واما سالته هل تأكدت ؟؟رد وقال ...أما أقول بنت يعني بنت ...!!!
ايه رأيكم في الى صار معي ..هل فعلا لحق الطبيب يعرف انها بنت ويتأكد خلال ها الوقت
خصوصا انه كان يتكلم بثقة شديدة ولهجة لاتقبل النقاش
هل ممكن يخطيء السونار في الشهر السابع ؟ رغم ان الجنين تكون اعضاؤه اوضح عن الشهور الأولى ؟
وجزاها الله الجنة وانعم عليها بما يقر عينها ويرضيها في الدنيا والآخرة من ترد على .

 

[ملكة بعيونه]

في هذا الشهر لو تاخذين السونار الرباعي هو الي
يوضح لك اكثر وبعد يعطونك شريط ذكرى للبيبي
​

 

[&زهرة الوادي&]

ملكة بعيونه
مشكورة حبيبتي على مرووورك وردك ...جزيتي الجنة

ابي اعرف أراء بقية الاخوات

 

[جنون بيبي]

غالبا افضل شهرين لمعرفه نوع الجنين..

السادس والسابع ..


ويمكن كان عارف انها بنت من المره الاولى بس ماقالك

 

[&زهرة الوادي&]

جنون بيبي... مشكورة حبيبتي على ردك
والله احتمال اختي يكون صحيح كلامك
لكن السونار كان بالخاص مو بالحكومي علشان مايقول لنا انها بنت ..لانه يومها كان مهتم وورانا حتى أرجل البيبي وقال شوفوا كيف مسكرة وما مبين شيء ...لكن المرة الثانية ما ورانا شيء وبس قال بنت بدون نقاش

 

[بنت فلاوية]

طيب خلاص بنت ولد مو فارقة اش بتسوين يعني احمدي ربك

واذا مو مقتنعة سوي بمستشفى ثاني

وريحي تفكيرك

 

[رمش هيمانة]

دايم البنت ...تبان متاخر .. ودامه قال بنت خلاااااص بنوتة

ربي يرزقك برها ,,, ويفرحك فيها

 

[Mgro7h]

ياقلبي لاتفكري ولاتحتاري
وش مصلحته حته يكذب عليك؟!
كلها شهر او اقل وراح تسوين السونار
مره ثانيه وبتتاكدين اذا بنوته حلوه مثلك ولا ولد
اهم شي انهوم طمنوك طبيعي ومافييها الا العافيه
ان شالله الله
انا سالت الدكتوره مره واحده لما سويتها بالخامس واعتمدت
يهون عليناا جميعا

 

[Mgro7h]

وكان بالخاامس مررررا وااااضح
والله يتمم لنا ع خييييير

 

[جنى الشمراني]

الله يرزقك ماتتمنين

 

[&زهرة الوادي&]

بنت فلاوية
رمش هيمانة
Mgro7h
جنى الشمراني

مشكووووورات يالغاليات على ردودكن
انا اقول دائما الحمد لله والشكر لله على ما رزقنا من النعم لكن حبيت اعرف اراؤكم وماقصرتكم ياالغاليات ربي يجزاكم الخير ويهون عليكن جميعا الطلق والولادة ويرزقكن الجنة

 

[الابتسامةالعذبة]

أختي زهرة الوادي
أنا مثلك بالسابع ويقولون لي مسكر رجوله
ولين الحين ما أعرف شو جنسه
كان موعدي قبل أسبوع بالضبط وما عرفت
وعندي موعد نهاية الشهر بس متحمسه أروح بعد اسبوع أسوي سونار وأتأكد من جنسه
الحمدلله راضيه بنت أو ولد وخاصه أني بكريه بس الفضول يعمل عمايله فينا ههههههههههه

والله يرزقك بطفل سليم ومعافى

على فكرة سمعت بنت أختي تقول أن لما يكون الجنين في الأشهر الأخيرة يكون صعب تحديد جنسه
لأن يكون كبير وجسمه مرات مغطي على أعضائه والله أعلم
مب متأكده إذا هالمعلومه صح​

 

[&زهرة الوادي&]

اختي الابتسامة العذبة الله يرزقك بالي تتمنينه ويتمم حملك وييسر ولادتك وولادتي وكل الحوامل يارب
انتي شو احساسك بنوع الجنين لانه غالبا يصدق ..انا طوال الحمل كان احساسي بنت وسويت سونار في بداية السابع وما بين النوع لانه كان مسكرة رجولها وبعدين ظهرت انها بنت
يقولون الى مسكر رجوله 80 % منهم يكونوا بنات لكن فيه نسبة اولاد لكن الاغلبية يكونوا بنات
واذا عرفتي بشرينا والله يرزقك بالي تتمنيه ويتمم لك بالخير ان شاء الله

 

[مامت جود]

ماعليك منه روحي طبيب ثاني بس ترا الغالب الي مسكر رجوله بنت

 

[الابتسامةالعذبة]

آمين حبيبتي زهرة البوادي جميهاً يارب

أنا بالبداية كنت حاسه أن بنت خاصه أني أعرف هالمعلومه أكثر اللي مسكرين رجولهم ينات

بس قبل فترة بسيطه جاني احساس أنه ولد ما أعرف ليش
حتى ريلي يقول حاس أنه ولد

وحمالي الحمدلله ما تعبت منه لا وحام ولا شي بس جاني فالبدايه نزيف
والحين حملي خفيف يعني ما تنفخت وايد ويهي مثل ما هو
وما كرشت وايد

والله كريم حبيبتي
الولد والبنت حلوين

بس ريلي خاطره في ولد ولو أنه يحب البنات بس يقول أفضل أول واحد ولد وعقب كله بنات

والحمدلله على كل حال واللي ربي كاتبه احنا راضيين فيه
أهم شي نتسهل ويكون بخير وعافيه يارب

وربي يسهل عليج وعلى كل خواتي يارب

 

[همسة جوري]

انا مثلك محتاره في جنس البيبي ...


لاني كشفت في الخامس وقالت لي بنت ... زكشفت في السابع عند دكتوره ثانيه وقالت لي ولد ...

ولا ادري شنو الي في بطني الحين

قلت بروح لمستشفىى ثاني وانشاء الله يبان واضح ...

 

[&زهرة الوادي&]

همسة جوري

إن شاء الله ربنا يريح قلبك ياهمسة ..والافضل فعلا تاخذي رأي دكتورة ثالثة علشان تتأكدين وكلهم حلوين وكلهم نعمة من الله ..لكن الانسان دائما طماع يريد النوع الي غير متوفر عنده )
ويارب يرزقك بالي تتمنين ويسهل لك حملك وولادتك أنت وأنا وكل الكروشات