هل يخطئ تحليل الدم

[شموخـ أنثى]

بنات انا دوتي المفروض تجي 14 بالشهر والحين مر 13 يوم ومانزلت قبل اربعه ايام حللت دم وكانت النتيجه سلبيه
انا اتمنى اكون حامل وفرحت كثير لمن مانزلت الدوره لان انا دورتي تجي كل 28 يوم ومنتظمه بس هالمره ليش صار لي كذا مادري
انا كل عوارض الحمل احس فيها الم بالظهر شديد والم بالصدر وقلة شهيه للأكل
شرايكم يابنات ممكن يكون تحليل الدم غلط
وهل في طريقه اقدر اتأكد فيهاااا

 

[نارينا]

اعتقد لايخطأ الا يمكن انه التبيوض عندك متأخر فتلقحت البويضه متأخر ممكن يخطأ والله اعلم
كانت اعراضي للحمل بعد ماتأخرت 4 ايام هي انه الدوره راح تجي واحس بأعراضها تماااااااااااام بالضبط مثل الدوره يألمني اسفل بطني بشكل مو طبيعي لدرجة افكر انه الدوره نزلت وكل مادخلت الحمام مالاقي شي وحللت منزلي طلع سلبي وفي تحيل الدم بين عندي اجابي بس حمل ضعيف الله يثبته لي يارب
عقبالك

 

[ام رمايل]

ممكن غلط صار معي وحللت بالمستشفى دم
وقالولي مافي حمل وكنت حامل بخمس اسابيع بس الحمدلله على كل حال
مالي نصيب الله كريم
المهم انتي انتبهي ع حالك ويااااارب ياااااارب ياااااارب تكوني حامل

 

[خرس النواعس]

تحليل الدم لأيخطئ ألا اذا كان التبويض متأخر
والى الان مارتفع هرمون الحمل عندك
لأن لو انك حامل ارتفع الهرمون وبين في التحليل

أسئل الله لكي الحمل عاجلا غير آآجل ويفرحك فيه
وعقبال ماتبشرينا ​

 

[هدباء الرمش]

تحليل الدم لايخطئ الا اذا صار لخبطه من الممرضه باسماء وربي يوفقك ويفرحك يارب

 

[ملكة مجروحة]

شوفي ياحلوة انا بالنسبة لي تحليل الدم مايبان على طول لانه يكون الحمل متأخر واذا لاقدر الله ماصرتي حامل لاتزعلي بس يقولو الستات الكبار اذا تاخرت عليكي الدورة فجأة وبعدها نزلت اشكري الله لان جسمك بيدور حمل يعني ان شاء الله عن قريب تحملي شهرين تلاتة اذا ماكان عندك لخبطة هرمونات تأكدي عشان تتطمني يارب يرزقك ويرزق كل محرومة يارب

 

[فسفي]

وحده اعرفها مايبان الحمل الا بالأشعه لكن ممكن تكون عندك لخبطه اختي ماجتها الا بعد14يوم الله يرزقك

 

[أم الهام]

اهلين اختي
انا لما اتاخرت الدورة عملت تحليل دم للحمل وطلع مافية يوم قلت لزوجي مافية حمل
سوينا عزل تام يعني الانزال خارجي
وزادت اعراض الحمل وعدت التحليل بعد اسبوعين وطلع حمل
اسال الله الكريم رب العرش العظيم أن يرزقني بالولد البار اللهم أمين
ويرزقك بالحمل عاجلا غير أجل اللهم أمين

 

[شموخـ أنثى]

مشكورين عزيزاتي لهالدعوات الطيبه الله يسمع منكم جميعاً ان شاء الله

انا اليوم صار لي 15 يوم من تأخير الدوره بصبر يومين بعد وبرجع احلل دم او اخلي الدكتوره تشوف لي سونار شرااايكم؟؟

كنت ابي اسأل بعد عن سبب هالالام اللي احس فيها لو ماكنت حامل ايش سببها ظهري يوجعني بقوه وصدري بعد والافراز ابيض صافي ماعندي مشاكل فيه ياليت تفيدوني​

 

[هبآآآيب نجد]

الله يرزقك بالذريه الصالحه ويفرح قلبك تحليل الحمل هو الادق وهو المعروف والفتره اللي انتي فيها طويله يعني بتخليك تشكين ان في حمل بس دام ماطلع في تحليل الدم انتظري كم يوم زياده وسوي مره ثانيه ... واذا مافيك تنتظرين اكثر خوذي الجهاز اللي في الصيديله اللي بعشره هو كمان مضمون ... وان شاء الله تكون النتيجه ايجابيه ياااارب ويفرح قلبك

 

[رقاااوي]

يارب ترزقك وترزقني الذريه الصالحه في هذا الشهر عاجلا غير اجل يارب ياكريم

 

[زوجة الناظر]

يارب يرزقك عاجلا غير اجل