هل هناك بصيص امل !!

[بنوته نعومه]

ياهلا فيكم​

​

مشكلتي انتهت ولكن كيف انساها​

​

موضوعي اني لقيت مع ابوي جوال وفيه رسايل من ضمنها رساله محتواها
( اللحين تبين تتركيني بعد ماعرفت عنك وعرفتي عني كل شيء
حتى اسماء عيالنا وانتي علمتيني طريقه الحمل بالولد
واللحين تبين تتركيني ؟؟)

المشكله ان الرساله هاذي ارسلها لرقم دقيت
وطلع رقم ام وحده كانت صديقتي
ولقيت رقم خدامه كانت تشتغل عندنا
وارقام ثانيه

الجوال كان بشنطه الساره تحت المفرش
كنا طالعين وكان محرص ان محد يفتح الشنطه
ويعصب انا شكيت دورت ولقيت الجوال
واخذته بدون مايدري

الموضوع هذا قبل شهرين و شوي بس مانسيته
وقبل يوم كنت صغيره رحنا البحرين

والله والله والله مو قادره انسى الموقف
كنت انا وياه دخلنا مرقص وحريم يرقصون
والله العظيم حطني معهم ومسك ايد حرمه منهم
كان عمري 5 او 6 سنوات

ابوي طيب ومايقصر معنا ومايحب يزعلنا بس مشكلته
الحريم والله امي قد صادته بس ماصارت تتكلم لانها تعبت

بس انا كرهت الزواج والله صرت اشك بكل الرجال
​

​

​

​

​

والمشكله
ان امي لاتتقبل الفكره
فهي تتكلم عنه امامنا وتقول انه :
كان يسكر
وايضا لاانسى ان ابي ضرب امي ليله كامله يوم لاانساه
وامي لاتحب ابيواخوانه وتزرع هذا بنفوسنا

تعبت من التشتت بالتربيه والتفكير والشكـ​

​

والله صرت ماستبعد لو اعررف ان ابوي يكام وحده من صديقاتي​

​

​

​

املي اني انسى هالموضوع​

​

لاني ماستحمل الجلسه مع ابوي​

​

​

​

وشكرا لكن جميعا​

​

 

[يابعدها سماي]

ليت كاتبه لنا كم عمرك ..!!
بس عموماً
مو أمر هين ابداً صدمتك في والدك ..صعب جداً على اي بنت انها تنصدم بوالدها ..!!!​

لكن بعد مو أمر هين انك تدفعين ثمن غلطة غيرك !!!
ولا من الامر الهين انك تعيشين حياتك بعذاب وكرة وأكتئاب لانك مصدومه بشخص (وان كان غالي) !!​

مارح اقولك كوني مثالية ويظل والدك المثل الاعلى وانسى اللي صار !!
لا ابداً!!
ما نقدر نطلب منك هذا الامر ولا انت تقدرين تنفذينه !!​

ولا معنى هذا انك تضيعين عمرك حزن لانك مصدومه بوالدك !!​

طيب هذا والدك وهذي صفاته
وهذي امك وهذي صفاتها​

تضيعين عمرك بحزن لان قدرك تكونين بنتهم ؟!!​

ما قدر الله تكونين بين ام وأب مثل ما أنت تتمنين يعني وقفت الحياة ؟!!
المومن مبتلاء يا عزيزتي ​

ابني حياتك بنفسك عيشي لنفسك ماانت ملزومه تدفعين ثمن اخطائهم​

والدك ووالدتك عارفين بعض من سنين وهذي هي حياتهم ماشيه وانجبوا ابناء حتى لو اخطائهم كبيرة بنظرك هم عيشين مع بعض ومستمرين
حزنك ما بيغير شي !​

لا تحملين نفسك فوق طاقتك ​

اهتمي بنفسك بعلاقتك بربك
اهتمي بتعليمك وابني مستقبلك
اي مشكلة عائليه تقدرين تحلينها او تساعدين في حلها لا تقصرين​

اما الامور والمشاكل اللي فوق طاقتك ما انوجدت لك لذالك لا تحزنين وتعيشين في كأبه​

البهجه والفرح شي ينولد بداخلنا واحنا اللي نجلبه لانفسنا رغم كل الظروف المحيطه فينا​

لا تظنين انك الاسواء دائما هنالك الاسواء حال منا​

اغلب الاشخاص الناجحين بحياتهم خرجوا من بيئات عائليه متوتره !!​

امك لما تتحدث عن والدك بطريقه ما تعجبك لك حق الدفاع عنه بطريقه مؤدبه معها بيني لها ان هذا الكلام يضايقكم وان والدكم رغم كل عيوبه تحبونه وان الكمال لله وحده​

من ناحية والدك
في البداية افضل انك ما تبحثين وراءه وتحاولين تكشفين كل اللي يخبيه!!
ما تستفيدين شي غير انك تنصدمين !وانت جربتي ها الامر بنفسك !​

استري عليه لا تذكرين الامور اللي عرفته عند اي شخص ولو امك !!
اللي عليك النصيحه بالتي هي احسن وبطريقه غير مباشرة !
الاب ما يتقبل النصيحه المباشرة من الابن ابداً -الا النادر-
اذكري له قصص عن اشخاص اخرون ونهاية علاقاتهم وان ممكن الثمن تدفعه زوجته او بنته وكانك تحكي موضوع عام
وان اكيد اي رجل ما يرضى ان احد يمس عرضه

اسلوب الغير مباشر يترك اثر اكثر من المواجهه
احضريه له اشرطه وشغليه معه في السيارة
او حملي له مواضيع مشابهه من السي دي على الاب توب​

وجهيه لخطر العلاقات المحرمه بطريقه غير مباشره​

خلي اهتمامك بنفسك وبحياتك وبمستقبلك هو اولى اهتماماتك ولا ترضين ابدا بدور الضحيه ​

اكثري من الدعاء لوالدك بالهداية والستر​

 

[ام قلبها]

الله يفرج همك ادعيلعه بالهدايه الله يوفقك ياقلبي مهما كان يبقى ابوك اهو طبعه كذا ماينفع الى ادعا