هل هذه التصرفات بين زوجي واخته عادي؟؟
هل هذا الوضع بين زوجي واخته عادي..وماهوالسبب؟؟؟
اقدر اختلاف تربية الناس واختلاف وجهات نظرهم
انا مابي نصائح بعدم الغيرة أو اخزي الشيطان .،وهالكلام لاني عارفة كل هذا وتصرفت الحمد لله في اغلب المواقف بتصرفات الصحيحة..
انا طارحةالموضوع عشان وحدة فيكم يمكن تكون اكبر واعلم مني بتجارب الحياة وتقولي السبب
انا ياجماعة عندي أخوان وادري بمكانة اﻻخ عند اخته بس يمكن لاني احترم اخواني جدا..واستحي كثير منهم استغربت تصرف اخت زوجي..وجرائتها
راح اكتب بعض المواقف اللي استفزتني
في فترة خطوبتي كانت اخت زوجي وابوه جاين زيارةعنده .((مع العلم زوجي تغرب بعيد عن اهله من يوم كان ب17 سنه)) يعني اهي مو عايشة جنبه ولاتعرف طبعه وبحايته كلها شافها 4 مرات والرابعة كنت انا قدني زوجته وفي ذمته
.قبل زواجي وفي ايأم الخطوبة كان يستشيرها بكل شي..واذا غلط علي مثلا مايعترف اﻻ اذا قالت له هي انك خطيت ..
حسيت انه عادي وماهتميت ..بس انجرحت مرررة يوم قتله انت غلطت علي قال لا
وعقبها انا قفلت الجوال 3 ايام ..رجع اتصل وقال فلانه قالت لي صح انت خطيت عليها
من هنا صرت احس انه مزودها اشوي من ناحية اخته
الموقف اللي2..سالفة الدورة وسواليف الحريم ..تسولف مع اخوها بكل شي بدون ضوابط
مرة قالي وش ذي الحبوب اللي طلعت في وجهك ..قتله لا عادي ايام وتروح
قال زي فلانه اذا جاتها الدورة تطلع لها حبوب >>انا مرة استحيت ووجهي حمر لانه ايام ملكتي توني بكر واخجل منه كثير
وبدون شعور قتله واشلون اختك تقولك كذا ..قال يووووه قالت لي اشتريلي الفوط بعد..
سكت ..وانا مصدومه من هالجراءة ..ومرة سافرت وتركت الشارشف موسخة بدمها
انا صرخت عليه ..وفهمته هاذي قله حياء..لانو الحياء من اﻻيمان ..والحمد لله زوجي مطوع وتفهم الموضوع
وبعد زواجي وانا باقي عروس ..لقيته مرة يتكلم معها في الجوال .،ويتغزل فيها ..وفي ضحكتها
ويقولها اموووت انا في الضحكه ..يلعبون ابو هالصوت <<والله يابنات حسبته يكلم وحدة
يوم أخذت الجوال لقيتها هي..
وطبعا سكتت عادي قلت اخ يكلم اخته
في يوم من اﻻيام لبست جلابيه وﻻول مرة في حياتي البس جلابية في البيت ..لان لبسي دايم جنزات وبلايز وشورتات ..يومها صار يركض وراي مثل المجنون عاجبته الجلابة ..والعادة ابدا مايسوي زي كذا مهما لبست بناطيل ..بعدين عرفت انو اخته تحب تلبس جلابيات في البيت لانو هي ملاينه وقصيرة وماينفع تلبس بناطيل أو بلايز ..
ففهمته انو انا طويلة ماشالله تبارك الله وابغى اتمتع في اللبس وماقدر دايم البس جلابيات في البيت ..
كان دايما يقارن بيننا برغم انو ماهي عايشة في نفس المنطقة اللي حنا فيها ومثل ماقلت لكم ماشفها في حياته اﻻ اربع أو خمس مرات تركها صغيرة..
طبعا انا أصغر منها ب8 سنوات هي اكبر مني
كل هذا يابنات مو مهم ..بس اقولكم ليش نزلت الموضوع
بعد سنة من زواجنأ صارت مشاكل كثير بسبب غيرة زوجي الزايدة وكان يتمادا على اﻻالفاظ واﻻذية وانا لاني مدلعة عند اهلي كان اذا شدني من يدي بقوة أو دفعني..اقلب الدنيا صراااخ ..واروح بيت اهلي واطلب الطلاق<<ولهذا السبب مارحنا عند اهله ابدا لاني كنت مو ناوية على استمرار هذا الزواج ..
بعد مادخلت اهلي وانحلت المشاكل ولله الحمد رحنا زيارة ...وشفت فرق المعاملة بين معاملته معي ومع اخته ذي بذات ..كل خوات يعاملهم عادي اﻻ ذي..حتى في طريقة السلام كانت غير
خوات سلم عليهم عادي زي سلام اي اخ مع اخته...بس مع هاذي طول وباﻻحضان ..عرفت انه يحبها كثير...قلت عادي اخته يابنت أستعيذي
بالله..يحترمها جدا تركها تسوي اللي تبيه....مع العلم انو اهل زوجي منحلين اشوي..وزوجي مطوع متشدد ..يعني عكس اهله تماما
طبعا هي تفاجات من شكلي ولبسي ..مادري كانو يحسبوني ..البس جلابيات أو عبايات مثلا في البيت ؟؟
المهم ثاني يوم وراحت تلبس زي..
سبحان الله ...وينهم اللي قولو الرجال يحلل على زوجته ويحرم على اخته...بصراحة انا شفت العكس..اخذتها معي للسوق ..وكشفت عيوني بدون قصد اﻻ ويجيك هذاك.المطوع زوجي..جاي يركض ويصيح غطي غطي ..تفشلت قدام الخلق ..طبعا هي جنبي فاكه عادي..وهي بنفسها استغربت
طبعا رحت يومها ..وانفجرت قلت له انت تفرق بيني وبينها واااضح ..سكت ولا رد بكلمه
اني يوم فتحت صدرها توريه تقوله انحرقت بزيت وانا اقلي
وبعد ساعات قالت لها شفتي نحفت اشوي ايش رايك..قالها اي بس باقي من تحت..حطت يدها على مؤخرتها تقول اي بس باقي من تحت
اسفة طولت عليكم..بس حبيت اقولكم كل التفاصيل عشان تعدلوا في الر
اسم الموضوع : هل هذه التصرفات بين زوجي واخته عادي؟؟
|
المصدر : الأستشارات الزوجية العامة