هل مده حملي صحيحه ولا لا ؟؟؟

[كـلـي دلـع]

مــرحــبــا صبايا كيفكم يابلقيسات 000000 انا اول موعد لي مع الدكتوره اليوم سوتلي فحوصات وتحاليل والحمد الله تقول كل شي طبيعي بس لما سوت لي الاشعة الصوتيه ماطلعت صورة الجنين واضحه ونادت على خبيرة عندهم وتقولي عاد في بدايه الاسابيع مايطلع واضح كثير لانها تقول اني في الاسبوع الخامس علما ان اخر دوره لي في 15/11يعني اكون في 7اسابيع وعليها بس ماادري ليش ماطلعت صوره الجنين بس صوره الكيس الحمل اللي طلع قالت تسوي لي اشعه مهبليه لانه يتضح فيه الجنين كثير بس تعرفون مواعيد العسكري وخايفة اروح الخاص لانهم يقولون ماهو بزين بليز اللي صار معها ذا الشي وتمم حملها تطمني الان حــــــــــــــــــــــــــــــــدي متوتره



وشكرا ياحلوين

 

[عطر مطير]

ماعليك ان شالله كل ش زين روحي على حسابك اريح لك بالمواعيد
خصوصا حملك مو واضح لازم كل اسبوع موعد يتابعون النبض
توكلي على ربك وروحي!!

 

[الشوق وبس]

الجنين حبيبتي ما يبين إلا في الأسبوع الثامن..أنتي لا تحاتين وريحي بالج..يا ما ناس قالوا لهم ما في جنين..وعقبها بيّن..لأن الجنين ساعات يكون صغير وما يبين..

الله يثبت لج حملج..ويفرحج فيه..

 

[*ملكة الحب*]

انتظري اكثر شي يبان في الاسبوع الثامن

 

[كـلـي دلـع]

يعطيكم العافية على الردود المطمنه وشكرا يااحلى بلقيسات