هل كلامه شك أم غيرة؟؟؟؟

باقة امل قال:
شوفي وقفيه عند حده من البدايه انا زوجي كان شكاك حتى اذا لبست يقول لمين لابسه وما خلالي صديقه ولا قريبه ما يبيني الا له اهو خر النت سنتين بس علشان ما استعمله اذا خذت شاور يشك في كل شي لين ما مرضني وجعلني وحيده ..حبيبتي زوجك اناني ....وقولي له انا ما خاف من البشر انا اخاف من رب البشر هواللي مطلع على كل شي وعالم بما في الصدور ما اسمح لك ان تشك فيني تغي نعم لكن شك هذا اللي ما اقبله ....
أنقر للتوسيع...

مشكوره اختي باقة امل والله انا حاسه انه قام يزودها تصوري انه يفتعل المشاكل وآخرها اليوم وانا ما اكلمه الحين .. والله يعطيني كلام يجرح يعني اذا قلت له كلام حلو ومدحت فيه يقولي يا المنافقه
بالله كيف الوحده تقدر تعيش ويا انسان ما يحترمها ولا يحترم مشاعرها
 
المرهفة قال:
صدق الشك مرضاذا قام يحقق ويسأل اسئلة الشك لا تجاوبينه اجابات المتهم اللي يدافع عن نفسهكذا بتمادىخلي عينك بعينه وقولي :انا متربية عدل..وبنت ناس رابوني على الشرف الطهارةبعدها قومي وخليه.جربييييييييييييي
أنقر للتوسيع...

مشكوره حبيبتي بس ريلي يحب يقهرني لين ما انا ادافع عن نفسي واحلف له مية مره عشان يصدق الصراحه مب حياة في كل شي تحقيق تعبت والله
:tears:
 
والله ما عندي حد اشكيلة غيركم احس صدق براحة يوم طلعت الي في قلبي
على فكره اليوم صارت مشكلة واهو كبرها وقعد يقول لو مب العيال كان تركتك .. وعلى فكره اهو دايما يردد هالكلام .. ما قدرت اتحمل وقلت له اوكي انا ما اباك طلقني وصدق انا تعبت منه ومن مشاكلة .. وايد تحملته وللانسان طاقة .. تدرون شو سوى صرخ في ويهي وهدد انه يضربني بس ان وقفت له وحطيت عيني في عينه وقلت له ما تقدر تلمسني وتحرم علي من هاي اللحظه وطلعت عنه والين الحين ما اكلمه ولا يكلمني
فعلا يا بنات انا جد افكر في الطلاق احس اني مب مرتاحه في حياتي :tears:​
 
هلا يا بنات قولولي كيف اتصرف .. نحن ما نكلم بعض الحين وانا ابا افتح وياه موضوع الطلاق بس مب عارفة كيف ساعدوني والله خلاص تعبت ابا اعيش بدون نكد ومشاكل على كل كبيرة وصغيرة تعبت من كثر ما اطوف له واقول بينصلح حالة وبيقدرني ..ابا انفصل عنه بدون مشاكل وهدوء.. ما اعرف اروح بيت اهلي وأقولهم ولا اتفاهم وياه على هالقرار..
 
هلا يا بنات قولولي كيف اتصرف .. نحن ما نكلم بعض الحين وانا ابا افتح وياه موضوع الطلاق بس مب عارفة كيف ساعدوني والله خلاص تعبت ابا اعيش بدون نكد ومشاكل على كل كبيرة وصغيرة تعبت من كثر ما اطوف له واقول بينصلح حالة وبيقدرني ..ابا انفصل عنه بدون مشاكل وهدوء.. ما اعرف اروح بيت اهلي وأقولهم ولا اتفاهم وياه على هالقرار..
 
اجلسي في بيتك معززة مكرمة وسوي واجباتك كاملة لا تنقصي ولا شي ودفعي كفارة عن اليمين اللي حلفتيه واهتمي بأولادك ولا تتكلمي معاه حتى لو طولت السالفة ولا تطلعيها برع البيت وآخرتها هو بيرجع لك وبكلمك بس يمكن ما يعتذر على طول وخلاص قولي له نفتح صفحة جديدة ولا تنسي الدعاء له امامه وفي ظهر الغيب
والله يديم حبل المودة بينكم
 
بلقيسية نيو قال:
اجلسي في بيتك معززة مكرمة وسوي واجباتك كاملة لا تنقصي ولا شي ودفعي كفارة عن اليمين اللي حلفتيه واهتمي بأولادك ولا تتكلمي معاه حتى لو طولت السالفة ولا تطلعيها برع البيت وآخرتها هو بيرجع لك وبكلمك بس يمكن ما يعتذر على طول وخلاص قولي له نفتح صفحة جديدة ولا تنسي الدعاء له امامه وفي ظهر الغيب
والله يديم حبل المودة بينكم
أنقر للتوسيع...
مشكوره حبيبتي على ردج .. بس انا ابا الطلاق ما اقدر اكمل وياه نفسيتي تعبت من المشاكل
 
لا تحلفين ولا تقسمين ... خله يدور و يسأل لين مايتعب لان ثقتج بنفسج اكبر من كل شي ..ما بيلقى شي%
 
شكرا لكل الخوات الي ردن علي والله انكم صبرتوني وحسيت ان لي خوات واقفات وياي وحبيت ابشركن ان تراضيت ويا زوجي وحاليا مستانين مع بعض:clap::clap:​

اليوم كنا ما نكلم بعض وانا كنت تعبانه وايد وما اخبي عليكم كنت افكر جديا بالطلاق
رحت واتصلت عليه وقلت له انا مب متحمله هالوضع والمشاكل وابا احط نهاية لها المشاكل
قالي شو تبين قلت له ما اباك ابا انفصل عنك .. (لانه جرحني يوم قال انا متحملنج عشان العيال بس)
تم يتحجج بالعيال وانه ما يصبر عنهم ووين بيكونون عندي ولا عنده وانه ما عنده مانع يطلق بس يبا عياله
وقالي تعالي الغرفة بنتفاهم .. بعد ما دخلت الغرفة حظني بس انا دزيته وقلت له ما اباك قوم عني وانا ما احس انك تحبني ومب مرتاحه وياك
قام وياب المصحف وحلف انه يحبني ويباني مب بس عشان العيال وبعدها تم يتأسف ويعتذر ويقول شو تبين انا حاضر وقلت له كل شي في خاطري مضايقني منه والحمد الله تراضينا:clap:​
 
مبروووووووووووووووووووووووووووك والله استانست

تدرين يوم قريت ردج يوم قلتي ما ابك طلقني وبعدين حطيتي عينج بعينه وقلتي ماتقدر تلمسني لوووول

قلت وقتها اكيييييييييييييييييييييد بيتراجع عن كلامه

لان شافج واثقه من كلامج وماتبينه

ولو يبي يطلق فعلاً كان على طول طلق ماقعد يهدد وبعدين يتعذر

ومستعجله ابي اخلص الردود واقول لج هالكلام بس قريت ردج الاخير وقلت الحمدلله

ربي يسعدكم دنيا وآخرة ويريح باااالكم

(( اللهم اجعل زوجها سكناً وقرة عين لها وبارك لهما في بعضهما وألف بين قلوبهما إنك ولي ذلك والقادر عليه ))
 
دلـــوعـــة قال:
مبروووووووووووووووووووووووووووك والله استانست

تدرين يوم قريت ردج يوم قلتي ما ابك طلقني وبعدين حطيتي عينج بعينه وقلتي ماتقدر تلمسني لوووول

قلت وقتها اكيييييييييييييييييييييد بيتراجع عن كلامه

لان شافج واثقه من كلامج وماتبينه

ولو يبي يطلق فعلاً كان على طول طلق ماقعد يهدد وبعدين يتعذر

ومستعجله ابي اخلص الردود واقول لج هالكلام بس قريت ردج الاخير وقلت الحمدلله

ربي يسعدكم دنيا وآخرة ويريح باااالكم

(( اللهم اجعل زوجها سكناً وقرة عين لها وبارك لهما في بعضهما وألف بين قلوبهما إنك ولي ذلك والقادر عليه ))
أنقر للتوسيع...

مشكوره يا الغالية والله يبارك في حياتج فديتج والله استانست يوم شفت ردج .. والحمدالله نحن احسن عن قبل وكله مدلعني ويسمعني احلا كلام
 
والله استانست عسى الله يتمم عليك ويسخره لك يارب ويوفق بينكم
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل