هل كلامه شك أم غيرة؟؟؟؟

[أم حـــمد]

السلام عليكم ورحمة الله وبركاته

كيف الحال يا بنات بلقيس ان شاء الله تكونن في أحسن حال..
انا متزوجة من 7 سنوات تقريبا وعندي ثلاث عيال.. الحمدالله عايشه حياة مستقرة وتقريبا ما فيها مشاكل لاني تعودة اني أتأقلم وما أكبر المواضيع وأتغاضى عن أشياء وايد
حطيت قبل موضوع أشتكي ان زوجي يفتعل المشاكل وياي وكله يصارخ ويحملني ذنب كل شي
المهم انا كلمته وبينتله اني مب راضيه عن أسلوبه وأنه من الأفضل تغييره عشان ما يخسرني
والحمد الله ألاحظ تحسن ويحاول انه يسيطر على أعصابه قد ما يقدر..
بس يا بنات من كم يوم ألاحظ انه قاعد يستفزني بأسلوب ثاني
مره كنت رايحه الجامعه وودعته وانا كنت مبتسمه له وما كان بينا مشاكل.. قال لي (انتبهي تراني براقبج):shutup: انا ما حبيت اكبر الموضوع او ارد عليه لاني كنت رايحه الجامعه وما ابا اعصب قلت له راقب قد ما تبا ...

وكل ما يشوفني على الانترنيت يفتحلي تحقيق وين داخله وشو تسوين ويقعد يفتش من وراي..
ما احس براحه اذا بسوي اي شي.. مع العلم انه كله مشغول عني وما يقعد في البيت وايد وفوق هذا ما يباني اتسلى بأي شي..
واليوم اتصل علي وهو رايح الدوام وانا ما سمعته بس شفت المس كول يعني بعدها بدقايق بس واتصلت عليه قالي بعصبيه (ادري انج تتكلمين على الخط الثاني ويا منو تتكلمين) وما يصدق اني ما كنت اتكلم في التلفون الا اذا حلفت..:icon1366:
مع العلم اني من النوع الي ما اطلع من البيت ولا عندي صديقات علاقتي قويه وياهم واذا طلعت اطلع وانا منقبه وشكلي ابدا ما يلفت ولا من النوع الي احط مكياج:no:

قولولي يا بنات كيف اتصرف وياه لان كلامه يجرحني ويمس كرامتي .. انا ما ابا اقعد في كل مره احلف عشان يصدقني الحمد الله انا حافظه نفسي واهلي مربيني
زوجي شمالي شرقي كيف اتصرف وياه

 

[الراهبةالجريئة]

عزيزتي ما تكبري الموضوع شكله من النوع اللي بغار مرات الرجل لما يتغير جسد الزوجة بعد الحمل والولادة بصير مغري اكتر بنظره؛ويمكن اذا بسمع شي بره صار يخاف ويسأل كتير؛ يعني انت لو شفتيه قاعد امام النت كتير ما حتسألي؟؟اصبري عليه فترة وبتعدي انشاالله مرات بتمر على الازواج حالات غريبة بس مش معناه انو بشك والله يهدي بالك

 

[العمر ايام]

حبوبه احس زوجك في نوع من الغيره وبعض الشك ممكن ,, لانه لمت مارديتي على مكالمته قالك عارف انك كنتي تتكلمي من الخط التاني ( هذا شك) ولاتسمحين له يشك فيك ,, ونفس الوقت لا تسوين مشاكل يعني لا تكبري السالفه وخلك وثاقه من نفسك ,, ولاتخلي اي كلمه من كلامه تهزك

والله يكون بعونك

 

[دلوعة عبودي]

اذا كان يغار او يشك فاتركيه على راحته بيفتش ويدور وراك وما رايح يلاقي شيء مابيلاقي الى تانيب ضميره على سؤء ضنه حتى لو ما اعترفلك ورايح بعد كل حركه يسويها ويخيب ضنه ترتقين بعينه اكثر000اصحي تناقشينه ليش تفتش او تدور لانه راح يجي على باله على طول انك تحاولين تخبي شيى يعني ايمناقشه يعتبرها دليل ادانه بشيء كليك بارده ومو بس كذا بل مستوعبه الموقف00وحاولي من جهه ثانيه ترجعين ثقته بك مثلا خلي الكمبيوتر بعدك مفتوح اتركي جوالك قدامه دايما ووووطالما انه بداء يتحسن من ناحيت المشكله الاولى فحطي في بالك انك باذن الله راح تخلصينه من هالمشكله000

 

[العبير2007]

عااااااااادي عزيزتي زوجي يقول حرص ولا تخون
اذا ماناقشك بشكل جدي في الاشياء اللي يدور فيها وراك اتركيه يصلح اللي يريحه..

 

[أم الأصيل]

تقريبا نفس الوضع بس عادي لاتكبرين الموضوع إلا إذا مصخها قوليله ماتلاحظ إنك مصختها وبس ولاتعطينه أي مبررات ولاشي عشان يبدأ يفكر في اللي سواه ويعرف إنه ماله داعي.. زوجي ماكان كذا لين تعرف على واحد يموت في القيل والقال.. والظاهر من كثر القصص اللي تنقال عن البنات قاموا يشكون حتى فينا... لذلك اتركيه يفتش وخلي جوالك وكمبيوترك قدامه بدون ماتقولين إذا منت مصدق رح شف بنفسك خلك واثقة من نفسك لأن زوجك شمالي شرقي... وبصراحة انا مثلك مرات يستفزني لين أحلف بس أحلف بقهر يعني مو بخوف وبعجله وارتباك... الله يكفيهم شر رفقاء السوء... ويهديهم

 

[أم حـــمد]

عزيزتي ما تكبري الموضوع شكله من النوع اللي بغار مرات الرجل لما يتغير جسد الزوجة بعد الحمل والولادة بصير مغري اكتر بنظره؛ويمكن اذا بسمع شي بره صار يخاف ويسأل كتير؛ يعني انت لو شفتيه قاعد امام النت كتير ما حتسألي؟؟اصبري عليه فترة وبتعدي انشاالله مرات بتمر على الازواج حالات غريبة بس مش معناه انو بشك والله يهدي بالك

مشكورة حبيبتي على ردك وهو صح يغار وايد وانا احاول قد ما اقدر اني ما اتصرف تصرفات تخليه يشك فيني

 

[أم حـــمد]

حبوبه احس زوجك في نوع من الغيره وبعض الشك ممكن ,, لانه لمت مارديتي على مكالمته قالك عارف انك كنتي تتكلمي من الخط التاني ( هذا شك) ولاتسمحين له يشك فيك ,, ونفس الوقت لا تسوين مشاكل يعني لا تكبري السالفه وخلك وثاقه من نفسك ,, ولاتخلي اي كلمه من كلامه تهزك

والله يكون بعونك

هلا الغالية مشكوره على ردج حبيبتي ..انا والله ما احاول اسوي مشاكل بس الصراحه شي يقهر واحس انه يظلمني باتهاماته

 

[أم حـــمد]

اذا كان يغار او يشك فاتركيه على راحته بيفتش ويدور وراك وما رايح يلاقي شيء مابيلاقي الى تانيب ضميره على سؤء ضنه حتى لو ما اعترفلك ورايح بعد كل حركه يسويها ويخيب ضنه ترتقين بعينه اكثر000اصحي تناقشينه ليش تفتش او تدور لانه راح يجي على باله على طول انك تحاولين تخبي شيى يعني ايمناقشه يعتبرها دليل ادانه بشيء كليك بارده ومو بس كذا بل مستوعبه الموقف00وحاولي من جهه ثانيه ترجعين ثقته بك مثلا خلي الكمبيوتر بعدك مفتوح اتركي جوالك قدامه دايما ووووطالما انه بداء يتحسن من ناحيت المشكله الاولى فحطي في بالك انك باذن الله راح تخلصينه من هالمشكله000

مشكوره الغاليه والله كل شي واضح جدامه والكمبيوتر اصلا اهو يستعمله وتلفوني في اي وقت جدامه
احيانا اكون اكلم ربيعتي يقولي حطي سماعه خارجيه .. مع انه متأكد مليون بالميه اني اكلم اربيعتي
انا ما ادري ليش يشك احس يبا يقهرني بس

 

[أم حـــمد]

عااااااااادي عزيزتي زوجي يقول حرص ولا تخون
اذا ماناقشك بشكل جدي في الاشياء اللي يدور فيها وراك اتركيه يصلح اللي يريحه..

صح الغاليه عادي بس احيانا الشي يزيد عن حده ما توصل للاتهام .. انا بنت عرب وما ارضاها لنفسي
وكل وحده الها خصوصيات اهو ماله دخل يفتش وراي سواء تلفوني او غيره وين الثقه
انا الحمدالله مب قاعده اسوي شي غلط بس اهو يتمنى لو يمسك علي شي

 

[أم حـــمد]

تقريبا نفس الوضع بس عادي لاتكبرين الموضوع إلا إذا مصخها قوليله ماتلاحظ إنك مصختها وبس ولاتعطينه أي مبررات ولاشي عشان يبدأ يفكر في اللي سواه ويعرف إنه ماله داعي.. زوجي ماكان كذا لين تعرف على واحد يموت في القيل والقال.. والظاهر من كثر القصص اللي تنقال عن البنات قاموا يشكون حتى فينا... لذلك اتركيه يفتش وخلي جوالك وكمبيوترك قدامه بدون ماتقولين إذا منت مصدق رح شف بنفسك خلك واثقة من نفسك لأن زوجك شمالي شرقي... وبصراحة انا مثلك مرات يستفزني لين أحلف بس أحلف بقهر يعني مو بخوف وبعجله وارتباك... الله يكفيهم شر رفقاء السوء... ويهديهم

مشكوره حبيبتي على ردج انا احاول ما اكبر الموضوع بس والله جرحني وانا واثقه في نفسي وقلت له اوكي فتش ليش تخبرني
يعني الواحد اذا براقب ينبه الثاني احسه بيا يقهرني بس.. والله انا حاز في خاطري انه يخليني احلف على كل شي ولا يصدقني

 

[حبيبت رشيد1]

هلا قلبي قوليله كلن يناظر الناس بعين طبعه انا الحمد لله واثقه من نفسي

 

[أم حـــمد]

هلا قلبي قوليله كلن يناظر الناس بعين طبعه انا الحمد لله واثقه من نفسي

هلا الغالية ... صدقتي حبيبتي هذا الي صاير

 

[الوسمى]

زوجك قلبه ابيض واكيد على نياته وتأكدي انه يحبك
بس اتوقع انه يجلس مع ناس بياعين كلام مايخافون الله كلامهم البنات
سواء في الجامعات او المولات او او او وبعض البنات الله يهديهم ما
خلو بدعة الا سوها يعني يخلون الشباب قصب يتكلمون وخاصة هذي الايام
حبيبتي مادامك واثقة من نفسك مايهمك شيء خليه يتكلم حتى يمل سمعي وكأنك
ما تسمعين خليه يعرف خطأه من نفسه وان اصابع يده مهب سوا
الله يعطيك على قدر نيتك ويريح قلبك اللهم آميين​

 

[أم حـــمد]

زوجك قلبه ابيض واكيد على نياته وتأكدي انه يحبك

بس اتوقع انه يجلس مع ناس بياعين كلام مايخافون الله كلامهم البنات
سواء في الجامعات او المولات او او او وبعض البنات الله يهديهم ما
خلو بدعة الا سوها يعني يخلون الشباب قصب يتكلمون وخاصة هذي الايام
حبيبتي مادامك واثقة من نفسك مايهمك شيء خليه يتكلم حتى يمل سمعي وكأنك
ما تسمعين خليه يعرف خطأه من نفسه وان اصابع يده مهب سوا

الله يعطيك على قدر نيتك ويريح قلبك اللهم آميين​

مشكوره يا الغالية وان شاء الله راح احاول ما اعصب وأطنش كلامه لين يعرف غلطه
بس لو زودها ما راح اسكت اهو شو فاكرني يايه من الشارع:icon28:

 

[أم حـــمد]

يا اما انه :

1- يسمع كلام كثير عن البنات وخرابيطهم عشان كذا يشك

2- يمكن >> كلن يرى الناس بعين طبعه << انتي بس قولي له كذا

لمحي انه مافيك شي بس كلن يرى الناس بعين طبعه يمكن يعقل!

مشكووووره حبيبتي وفعلا كلن يرى الناس بعين طبعه
يعني اهو ما يحب المس تلفونه بس اذا سمع ياني اتصال أو مسج على طول يسأل منو وعيونه كلها شك:sly:

 

[امووووواج]

حبيبتي خليكي طبيعيه جداااا وواثقه من نفسك وخلي الامر عاااااااادي وقدري ان هذا غيره عليك من الحب مو من الشك الله يعينك

 

[أم حـــمد]

حبيبتي خليكي طبيعيه جداااا وواثقه من نفسك وخلي الامر عاااااااادي وقدري ان هذا غيره عليك من الحب مو من الشك الله يعينك

مشكوره ان اختي اموووووواج .. بس انا خايفه ان هذا بداية الشك ووايد حريم تبهدلن بسبب شك ازواجهن انا ابا اوقفه عند حده عشان ما يطور هالشي

 

[باقة امل]

شوفي وقفيه عند حده من البدايه انا زوجي كان شكاك حتى اذا لبست يقول لمين لابسه وما خلالي صديقه ولا قريبه ما يبيني الا له اهو خر النت سنتين بس علشان ما استعمله اذا خذت شاور يشك في كل شي لين ما مرضني وجعلني وحيده ..حبيبتي زوجك اناني ....وقولي له انا ما خاف من البشر انا اخاف من رب البشر هواللي مطلع على كل شي وعالم بما في الصدور ما اسمح لك ان تشك فيني تغي نعم لكن شك هذا اللي ما اقبله ....

 

[المرهفة]

صدق الشك مرضاذا قام يحقق ويسأل اسئلة الشك لا تجاوبينه اجابات المتهم اللي يدافع عن نفسهكذا بتمادىخلي عينك بعينه وقولي :انا متربية عدل..وبنت ناس رابوني على الشرف الطهارةبعدها قومي وخليه.جربييييييييييييي