هل فات الاوان او اقدر اصلح اللي انكسر مع اطفالي؟؟

[أم غالي]

السلام عليكم ورحمة الله

أنا مشكلتي مو جديدة ومشكلة كثير من الامهات مثلي واكيد الكل يدور على حل...

مشكلتي اطفالي أضربهم بجنووووووووووووون والله اني قلبي يتقطع وانا اقول الكلمة هذه..

عندي ولدي عمره خمسة سنين ونص من عمره سنة وانا اضربه.... جبت اخته عليه وعمره سنة وعشر شهور,,وزادت شقاوته وزاد ضربي له...

بنتي عمرها الان 3سنين ونص شقية لكن مو مثل الولد,,لكن عنييييدة جدا لو تموووووووت مايطيح اللي براسمها... وطبعا اضربها موووووت....

وجبت عليها اختها الثانية وعمرها الان سنتين ونص وشقية حق سنها وشوية عنيدة وايضا اضربها....

مشكلتي اتعامل مع اطفالي بالضرب وبالصراخ,,,بسبب اني ادرس وضغوط الحياة ,,,
مو عذر لكن
الان انا ندماااااااااااااااااااااااااااااااااااااااااااااااااااااااااااااااااااااااااااااااااااااانة

وابغى اتغيير.....

ولدي شقي جدا بشكل محد يتخيله وعنيد ولايسمع الكلام واقتله من الضرب وبعد 5دقائق يعيد نفس التصرف....ادري من كثرة الضرب صار كذا....
طيب بأسألكم؟؟؟؟؟؟

فات الوقت اني اتغير واغير اطفالي؟؟؟
او اللي انكسر مايتصلح.....كيف اقدر امسك اعصابي عنهم؟؟؟
طيب لو اقدر اتغير......

من تساعدني؟؟؟؟؟؟؟
من تاخذ بيدي؟؟؟؟؟؟؟
من تمشي معاي خطوة خطوة حتى اغير تعالمي مع اطفالي واكيد حيكون صعب لانهم خلاص اتعودو على الشقاوة؟؟؟

من ترحم اطفالي من ضربي؟؟؟

اه يااطفالي والله والله اني احبكم ولا ابغى مكروه يمسكم لكن سامحوني.

 

[أم غالي]

صراحة مااعرف نظام الردود كيف في هذا القسم ,,,,لكن استغربت اني كاتبة استشارتي أكثر من اسبوع ولا أحد رد علي......

فعلا اتمنى اغير معاملتي لأطفالي لاني احبهم وأحزن عليهم كثيررررررررررررر,,,,,,
اللي تساعدني وتفرج كربتي يجزاها الله خير.

 

[رحيق]

أختي الغاليه
اقدر حرصك ورغبتك في التغيير
ولكن في البدايه أود أن أخبرك أن التغيير لن يكون سهلا
وبسهولك أقول لك غيري معاملتك وسيتغيرون هم
ستتعبين في الدايه
لأنهم اعتادو على الصراخ والضرب لذلك تجدينهم يصرخون ويشغابون
ابدأي في بداية اليوم احرصي على النهوض قبلهم
وافطري وروقي
ثم صحيهم أو انتظريهم إلى أن ينهضو
وصبحيهم بوجه بشوش واحضنيهم واكملي يومك بهدوء
ضعي قوانين وضعي ثواب لمن يمشي صح
وعقاب لمن يخطئ وطبقيها
مثلا من يغسل وجهه أول مايصحى يحصل على قبله
ومن لا يغسل وجهه لا يحصل على قبله
مو يفعل كذا سيحصل على نجمه
وهكذا
وأيضا العبي معهم
اطبخي معهم
مثلا قولي لهم اليوم ستعمل الجلو وهكذا

والسر يكمن في تعاملك معهم
.......................​

 

[أم غالي]

شكرا عزيزتي على الرد....

حاليا بحكم ان الاجازة بدأت ...اقضي طول يومي معاهم....

بدأت من اسبوع امسك اعصابي وأتعامل معاهم بالهدايا والمكافئات....وضعت لهم لوحة لكل واحد...واللي يعمل صح ألصق له ملصق توم وجيري ..لأنهم يحبوه جدا...واللي يغلط او مايسمع الكلام اروح أزيل الملصق...وصارو يهتمو انهم يسمعو كلامي خوفا على ملصقاتهم..(((يسموها هدية))) وتجيني بنتي عمرها سنتين ونص تقولي ماما انا شاطرة حطيلي هدية......

اوقات استعمل معاهم اسلوب الزعل والمخاصمة...مثلا لو مارضيت بنتي تلبس ملابسها احط يدي على عيوني واقولها مااحبك زعلانة منك ولا انظر لها....تجي تقول ماما شوفيني اقولها لاااا اذا لبستي اشوفك وادور وجهي عنها....فتروح تلبس الملابس وتجي تقول ماما شوفي لبست فأشيل يدي عن عيوني وابوسها اقولها ممتازة احب البنت اللي تلبس ملابسها وشاطرة تسمع كلام امها...


كمان استخدم طريقة اني مااكلم اللي يعمل شقاوة ,,حتى يجلس ويتراجع عن فعلته ووقتها ارجع اكلمه...

كمان حصل موقف مع ولدي ..دائما لو مانفذت له طلبه يجلس يبكي بصوت عالي ومزعج وحتى لو حذرته يسكت مايسكت والحل وقتها اضربه ضرب شديد.....لكن حصل موقف انه بكى قبل يومين وقلت له ان طلبه مااقدر اسويه وصار يبكي بصوت عالي كالعادة...فقلت له انا مو سامعتك تبكي وحطيت يدي على اذني...صار يصرخ.. فحملته واخرجته من غرفتي وقلت له لو تبغى تبكي ابكي هنا في الغرفة الثانية ...بكى شوي ورجع سكت وجاني يتكلم في موضوع ثاني.. فعلا كنت اضربه بقوة ولا كان يسكت من البكى بالعكس يزيد بكى من الضرب..

طبعا لسه احس اني في اول خطوة من الطريق..ولازلت اوقات اصرخ ..يجننوووووني ....لكن حاولت امسك نفسي عن الضرب جداااااااااااااااا....حاليا مااضرب غير نادرا....الله يهديني عليهم ,,ويهديهم لي.