هل زواج الزوج راحة فيدوني بتجاربكم

[القمر الخجول]

يااااابنات نفسي أزوج زوجي عشان أفتك من مشاكله معاي
كيف الحياة بعد مايتزوج زوجك عليك
وهل في بنات زوجوا أزواجهم وأرتاحو والله زادت مشاكلهم
تتوقعوا الزواج الثاني يصرف الزوج عن المشاكل
الا تتعرف وحدة متزوج عليه زوجها وارتاحت منه
او وحدة زوجت زوجها ورتاحت بعد
لاتبخلوا علي يابنات بردودكم الله يجزاكم خير

 

[الجروح]

ليه أختي تزوجي زوجك

مو كل وحده تزوج زوجها عليها مرتاحة

إلا بالعكس الأغلبية زادت مشاكلها

ويمكن تطور لهجر الزوجة الأولى ..

نصيحة أخت .. روحي أفرشي سجادتك وادعي ربك

واللجأي إليه وابكي بين يديه .. خاصة بالثلث الأخير من الليل

واكثري من الاستغفاااااااااااااااااااااااااار

وتصدقي فالصدقة تطرح البركة

وربي يسخر لك زوجك ويسعدك يا رب​

 

[لغيرك لاتخليني]

تخيلي لو زوجك مع حرمه ثانيه وينام معها وويديها
ويجيبهااا ويسولف ويضحك معاها
ومعطيكي انتي طنش ولا حتى يفكر فيك
لان عنده مرأه ثانيه واكيد يدلعهاااا
تتحملي هاذا وهاذا طبعااا شي بسيط من الزواج من وحده ثانيه
اذا عاااااادي عندك ومابينحرق اعصابك زوجيه

​

 

[مرمر ولونا]

انت غريبه اول مره اشوف وحده جايبه الحل وجايه تستشير فيه قولي المشكله الي عندك اما هذا الحل الله يبعده عنك ولا يوريكي ولا من كتبت ولا من قراء

 

[خواطر عاشقه]

يا اختي انا اشوف انك بدل ما ترتاحين بتجيبين لنفسك المشاكل اكثر
لانه بينشغل معها وينساكم ويتهاون بحقوقكم
وقليل من الازواج من يعدل ويخاف الله في زوجاته
والله المستعان

 

[القمر الخجول]

مشكلتي ما أحب زوجي ومنغفة منه بسب معاملته
وبسب غبائه وخياناته أحس إنه زير نساء
ولا ينعرف له ماعنده شخصية محددة
يعني ألحين صارت لي معاه مشكله
بسب خياناته وقام يتوسل لي إني أسامحه ووعدني بالتغيير
إلا اشوفه راسل حق وحدة إنه يحبها ومشتاق لها ومحتفظ بصورها عنده طبعا هذي كان متزوجنها مسيار وهي ألحين ماتبيه
والله مدري ليش زواجه بريحني شوي لكن هم خايفة

 

[مرمر ولونا]

والله مدري وش اقولك طنشيه ولا تلاحقين وراه خليه يكلم بعرف يسوي الي يبيه وادعي الله انه يهديه واعتبريه مو موجود
وعليكي بقياام الليل

 

[الليـــدي]

اجلسي معاه وجلسه لحالكم بغرفة النوم وهو منسدح على رجولك و صارحيه


قولي محد يجبرك على شي ( فإمساك بمعروف او تسريح بإحسان )



انا ودي باللي يريحك ... لاني احبك



إما انك تكون عادل معاي وتعطيني حقوقي ولا تسمح لاي انسانه مهما كانت علاقتك فيها سابقا تأخذك مني



او توكل على الله وكل واحد يشوف طريقه ....



ع الأقل تمارس علاقاتك بعيد عني وبدون اهانه وجرح وانا اعيش حياتي زي ما ابي



انا احترمك وحافظتك من عيال الحرام لان اللي بيننا اكبر من الدنيا كلها ... فـ احترمني يابو فلان ....



يعني مالك إلا جلسة المصارحه وخليك يقولك اللي عنده يمكن فيه شي مضايقه



وبالتوووووفيق يالغاليه

 

[القمر الخجول]

لا إله إلا الله

 

[امنتك قلبي]

انا من نحيتي لاتكلميه واذا كلامتيه ما بصيبك لا حرق العصاب خليها على الواحد الاحد
والي مكتبلك باتشوفيه وفي بعض الحيان بعض يعني مش كل الزاوجات تكون فيه راحه وبعضهاتكون مافيهاراحه لكن عن تجربتي الخاصه انازوجي متزوج عليه وبصرحه ارتحت اكثر من الاول من المشاكل صرت القي وقت اهتم في نفسي وهو مش موجوديعني يكون عندها ولما يجي يشوفني بشكل جديد

 

[القمر الخجول]

انا من نحيتي لاتكلميه واذا كلامتيه ما بصيبك لا حرق العصاب خليها على الواحد الاحد
والي مكتبلك باتشوفيه وفي بعض الحيان بعض يعني مش كل الزاوجات تكون فيه راحه وبعضهاتكون مافيهاراحه لكن عن تجربتي الخاصه انازوجي متزوج عليه وبصرحه ارتحت اكثر من الاول من المشاكل صرت القي وقت اهتم في نفسي وهو مش موجوديعني يكون عندها ولما يجي يشوفني بشكل جديد

أيوه إنتي إلا كنت أدور عليكي

 

[ام جبل]

انا زوجي عصبي ومع ذلك تزوج وحدة ثانية
ولا افتكينا

 

[Salsabila]

الله يهديك ويصلحك يعني عارفه انه راعي حريم وتبغي تزوجيه

بتجلسي انتى وزوجته الثانيه على نفس الحال ادعي له بالهدايه

وحاولى تتنجنبي المشاكل معه ادعي واحتسبي وااصبري ولو شفتي نفسك مو قادره حاولى تردعيه روحي عند اهلك زعلانه او

سوي مجلس رجال امكن يحس على دمه كل وحده وعلى حسب صبرها​

 

[زوايا]

هل زواج الزوج راحه

:32::32::32::32::32::32::32:اقول قولي هالدعاء يوميا بعد الفجر و بعد العصر وشيلي فكره الزواج من راسك يااااااااااااااا غبيه
اللهم اني استودعتك قلب زوجي فلا تجعل فيه سواي واستودعتك سمعه و بصره و فرجه و ماله يا من لا تضيع عندك الودائع
اللهم اجعلني دره بين عينيه لذه بين شفتيه جمره بين فخذيه
اللهم امين
ولا تفتحين على نفسك باااااااااااااااااااب هم جديد مرتبط بك العمر كله يا اختي
ولا تزعلين مني تراني مجربه

 

[الزوجه الاولى]

حبيبتي قولي الحمد لالله على كل حال وعليك بدعاء ان الله يعينج ويصلح حالج مع زوجج والله يبعده عن الحرام ومافي احد مرتاح في هذي الدنيا الله المستعان