هل دائما عندك فتور بالعبادة..هل انت مقصر؟

[راجيه الرضا]

دايما عندك فتور فالعبادة ! ..
كل ما تقرَّب بنتكس تاني !، رغم إني بحب ربنا
ونفسي أقرب منه .. أعمل ايه ؟

الإيمان في قلوبنا يزيد وينقص ثم يزيد وينقص
حسب ما يتعرض له المرء من أسباب ضعف الإيمان
وقوته أو نقصه وزيادته، وهو ما دل عليه
حديث النبي صلى الله عليه وسلم فقال:
"ما من القلوب قلب إلا وله سحابة كسحابة القمر،
بينما القمر مضئ إذ علته سحابة فأظلم
إذ تجلت عنه فأضاء".

عارف يعنى إيه ؟ ..
يعنى وانت ماشى .. عبادتَّك مليانة مطبّات ؛
من عدم وجود روح في العِبادة ،
أو في تَقْطيع أو زهَق من العِبَادة ،
أو تُقل على النَّفس ..
فخليك ماسِك في أستار الاسْتِمرار حتى تنال الرَّحمه .. !

اقع .. وكَمل .. وانت عارف إنَّك أضعَفْ من إنَّك تكمِّل .. !

ربنا جَل وعلا بيقول : ((والذين جاهَدُوا فِينا لنَهدِينهُم سُبلَنا))

فَـ "كمِّل طَرِيقَك إلى الله حتّى لَو بتِزحَف" ..
مقصِّر فالصلاة ؟ .. أفضل صَلَّيْ
حتى لو مقصر بس مَتقطعْهاش ،
حجابك مش كامل ؟ .. خليكِ عليه
وحاولي تحسني من نفسِك بس متقلعيهوش ،
بتقرأ قرآن بشكل متقطع ؟ ..
أفضل اقرأ لكن ما تهجروا خالص ..
وهٰكذا في كل العِبادات.
ابعد عن الأحلام وبكره هاعمل ونسوف لبكره
اللي مش بيجي ابدا
قال رجل لابن سيرين: "إني رأيت في منامي
أني أسبح في غير ماء وأطير بغير جناح!
فما تفسير هذه الرؤيا؟"
فقال له: "أنت رجل كثير الأماني والأحلام".

فإّياك تِسيب سُترَة الِعبادَة مَهما كانَت السُّترَة مرقَّعة .. !

واعرَف إن ربنا جل وعلا مش هيسيبك أبداً ،
طول ماأنت ماسك حتي لو بأطراف العمل
وهَيعينك إذا رأى منك -جل وعلا- صدق الإِقبال عليه
والإصرار على الطاعة ..
وتذَّكر دائِماً قول الله -جل وعلا في الحديث القُدسي :
"(( .... ومن تقَرَّب إليَّ شِبراً تقَرَّبتُ منْه ذِراعاً،
ومَنْ تقَرَّب مني ذِراعاً تقَرَّبت مِنْه باعاً،
ومن أَتاني يَمْشِي أتَيتُهُ هرْوَلَة)).

- استمسك بالعبادة ولو كنت مقصر .. ? !
- استعن بالله ولاتعجز !