هل تساعده وإلا لأ؟

[lilie2002]

سؤال وايد مهم سألتني إياه صديقتي هل تساعد زوجها في بناء بيتهم الجديد وخاصة إنه ما رضى يعطيها ضمانات لإنها طلبت منه أنه يكتب لها نص البيت لكنه رفض ويبغيها تعطيه الفلوس بدون قيد او شرط ولما رفضت زعل هي نقول يكلمها لكن من ورا خاطره وفي نفس الوقت هي تخاف ينقع فيها خيانة عقب وويسوي نفس غيره يستغلها أو يزوج عليها وبفلوسها هي طبعا قالت لي أنا هذا الكلام يعني بيني وبينها بس الزوج فاهم أنها يعني خايفة على فلوسها بس الصراحة أنها ما تثق في ثقة عميا وانا أشجعها عشان ما تستوي ضحية مثل غيرها الحين نبغي نعرف هل تصرفها صحيح ؟ ؟ وكيف تتعامل وياه في المرحلة الياية خاصة إنه بيتهم بيكلف وايد وهو ما عنده ولما سألتها عن سبب رفضه إنه يكتب لها نص البيت قالت أنه ما عنده سبب بس أنا اعنقد أنه عنده وما يبغي يقول ويمكن أكون غلطانه المهم ابغي أعرف رايكم في الموضوع

 

[روعة روح]

اكيد موقفها صح

بس لازم تلقى طريقه تخليه يكتبلها البيت بدون ماتحسسه انها ماتثق فيه

وبعدين هذا حقها وصراحه الرجال مالهم امان

تحاول تمدحه وتقول انا ارتاح وانت شهم وراعي حق

الحين فيني نوم وارجع اذا قمت بافكر حلوه

 

[Magdoleen]

اهلا حبيبتي
وجه نظري انها يا تاخذ ضمانات او بلاش منها مثل مايقول
الواحد صار مايثق غير بنفسه هذي الايام كيف بزوج متقلب:busted_red:

 

[قلم اخضر]

لا تعطيه بدون ضمانات واذا كان ولا بد تشهد حد من اهلها واهله على المبلغ الي بيكون منها له يعني لضمان الظروف محد يعلم بحال الدنيا بس هي مالها بد من انها تساعد زوجها اذا كانت تقدر

 

[أخت_الشيوخ]

...انا أقووول ما اتساعده دامه ما بيعطيها ضمان ..هالزمن الاخ مش ضامن اخوه فما بالج الريــل اللي دوم ذيله عوي......هذه مسؤوليته مش مسؤوليتها...اذا بيعطيها ضمان كان بهاااا ولا خله يتحمل الديون كلها على راسه.............

 

[ترانيم الألم]

وانا بعد اضم صوتي للأخوات واقول شي مقابل شي................تساعده بالفلوس وفي المقابل يعطيها ضمانات...............ماوافق لاتساعده واذا ساعدت بشي بسيط جدا ماتندم عليه لو صار شي في المستقبل لا سمح الله............وبصراحه ماله حق يزعل الزوجه اذا قدمت مساعده من نفسها وبطيب خاطر كان بها ...........ماقدمت هي حره في مالها..........

 

[نعوٍِوٍِمه]

وانا بعد معاهم

بس ليش ماتسوي له حركه مثلا تجلس معاه جلسه رومنسيه ويكون زوجها وهي من غير ارتباطات عمل او غيره يعني يكون الذهن صافي

تجي بيوم رومنسي تتعدل وتعدل المكان اللي بيجلسون فيه وتلعب معاه لعبه انها تجيب ورقتين وقلمين وتعطيه ورقه وقلم وتاخذ لها ورقه وقلم وكل واحد منهم يكتب اسأله للثاني بحيث اذا خلصو كتابه يجاوب الطرف الثاني عليها بعدين ومن ظمن اسألتها خلي تسأله عن سبب رفضه لطلبها من ناحيه الضمانات ومن ناحيه كتب نص البيت باسمها بس بأسلوب حلوو مو ثقيل طيب وتتبعه بكلمات غزل مثلا حبيبي ليش ... وتكمل السؤال ؟؟؟
......

انشا الله يصرح لها بسبب رفضه ..

 

[زهرة البوادي2006]

اختي انا اختي لما ساعدة زوجها في البيت كان شرطها انه يكون نصف باسمها وفعلن بنوا البيت والحين نصف لها ونصف له وبالعكس زوجها شجع هذه الخطوه وصديقتك الي سوته صح وراح يرجع لها وبضمانات لانه هو محتاج وما راح يلقي احد يساعده غير زوجته لكن خليها على رايها حتي لو ضغط عليها ما توافق غير بشرطها

 

[*نونه*]

لا بالعكس موقفها ذكي و فطن

خليها تصر على ذلك.... لكن هناك مفاتيح لكل شخصية.... و كل شخصية هناك كلمات تؤثر فيه مباشرة ....
شجعيها ان لا تتوانى.... لان أ. ناعمة تقول ان الرجل اذا شعر ان المرأة جدية فيما تطلب... فانه سينفذ رغبتها في ذلك الامر

لكن طريق الاقناع هي فن بحد ذاته
راجعي موضوع الاخت القلب الكبير لانماط الشخصيات (الشمالية و الجنوبية...) هناك اختبار تحليلي لكشف نوع الشخصية.. وبعد تحديد نوع الشخصية.... يتبع موضوعها.. الكلمات و المواقف التي تعتبر مفتاح شخصية كل واحد

 

[الكناري]

مساعده الزوج

حبوبه اسمحيلي ارد عليك بهالموضوع
اولا اذا بتساعده لازم تاخذ ضمانات
طبعا الضمان الاكبر مو كلام لا:busted_red::busted_red::busted_red:
لازم يسجل لها البيت :icon30::icon30::icon30:
وبعدين ليش يزعل هي معطيته فلوسها وتعب عمرها :showoff::showoff::showoff:
يعني لازم يسجل البيت باسمها مالها حل ثاني
ملاحظه :
يزعل والا يطق راسه بالطوفه هذا حق والحق حبيب الله
لاتضعف وخلها قويه:showoff::showoff: وخليها تكلمه مباشره : ليش مايبي يسجل البيت باسمها هو لما طلب الفلوس ما انحرج من زوجته الحين على حفظ حقها يزعل ؟؟؟؟؟؟ وعجبي !!!!!!

 

[lilie2002]

شكرا حبيباتي على هذه الردود المشجعة الحين حررتوني من عقدة الذنب لإني أنا اللي شرت عليها بهذا الشئ .
على فكرة هو قالها إنه ما توقع أنها ترفض لإنه يحبها وعايش معاها على الحلوة والمرة والظاهر إنه يحس إن هذا من حقه لإنهم بيعيشون مع بعض يعني بيتهم الاثنين وما في داعي إنه يكتب لها نص البيت وبعدين هو قالها شي لفت إنتباهي إنه ما توقع منها هذا الرد وإنه حز في خاطره موقفها وما يبغيها تزعل في حال تغير عليها رغم إنه يحبها شو يقصد بكلامه هل يبغي يضغط عليها بطريقة غير مباشرة عشان تتراجع ؟؟

 

[النوري]

طبعا حبيبتي يحاول يضغط عليها .. وانه رافض يكتب نص البيت بإسمها هذا بروحه يخليها تشك .. يعني هو مب واثق فيها ؟؟ ولا ليش يرفض ..وتقوله انا ابيك تكتب لي نص البيت من باب حفظ حقي فالبيت وحفض حقك بعد يكون لا سمح الله مات الزوج اهله ما يشاركونها بورث البيت كامل لأن من الاساس الزوج ما يمتلكه بالكامل((لأنها دافعه نص قيمته))ياخذون حقهم من نص البيت اللي هو دفع قيمته.. وبنفس الوقت تقوله انا ماطلبت البيت يكون بإسمي بالكامل عشان لو هي بعد بعيد الشر صار عليها شي اهلها مايطالبون بشي مو من حقهم.. وتقوله الحين في ازواج يكتبون البيت باسم الزوجه وهي مادفعت فيه ولا فلس .. وانت تبيني ادفع ولا تكتب حتى نصه باسمي .. وخل تقلب كلامه عليه .. وتقول انا اللي ما توقعت انك ترفض تكتب نص البيت باسمي .. توقعت تقولي الا اكتب البيت كله بعد باسمج ..

 

[اميرة متوجة]

هلا حبيبتي ماأشرتي به عليها هو عين العقل :icon30:

وحفظ الحقوق والمرأهـ مستقلة بذاتها ولاتصير مثلي

ساعدت زوجي في بناء البيت :sadwalk:

والـبيت بأسمه وإلى الان مالي حق فيه بعد 10 سنوات !! :blow:

وزيادهـ على هذا تزوج ويحايلني على انه يسكن

زوجـتة الثانية في البيت (الدور الثاني ) ! :schmoll::sad_1:
وانا رفضت:santa_1: وسبب لي متاعب وتمنيت:tears:
اني خليته يكتب نص البيت باسمي فلا تقع صديقتك فيما وقعت فيه
:e076:

وخليها تصر بكل قوه وشجاعه والحق لها مادام الامور بيدهـا
:a049:
قبل ماتندمـ لان الرجـال مالهم:busted_red: امـان خاصةَ في كلام زوجهـا شئ يخوف

يوم يقول ((انه مايبغاها تزعـل منه اذا تغير عليها )) :santa_1:

هذا مقدمه لشئ كان ناوي عليه !! :busted_red:
وماقصرتي على إشارتك عليها :cupidarrow::c011:
وخليها تثبت على موقفها :blush-anim-cl:

ومساعدتها المشروطه والله يوفقها واكيد بيرضخ في النهايه

ويحقق مرادهـا لانه محتاج
وهذا استفدته من كلام الدكتورهـ ناعمه الله يزاها خير :a200:
بس بعد فوات الاوـان :tears:

:c016:مع تمنايتي لك بالتوفيق :c016:
:icon31:اختك / اميرة متوجه :icon31:
​

 

[صمت البراكين]

تبين الصج انا اقول انها غلطانه انها قالت له انها عندها فلوس دامها خايفة من غدر الايام معاه
المهم الحين لا تخسر علاقتها معاه عشان الفلوس خل تكون اذكي منه يعني اتحاول انها اتحط افلوسها بمشرووع من غير ماتقوله واذا قالها اتقوله اسفة يابو عيالي والله اعرضو علي هالمشروع شفت انه مربح ماترددت!!!!
واذا قال لها انا قلت لج عن البيت خل تقول انت سكت عن الموضوع وقلت اكيييييييد انت دبرت نفسك....خخخخخخخخخخ
بس خل اطيب خاااااااااطره وتقووووله والله مايغلون عليك بس انا حطيتهم فالمشرووووووع .........ومن هالكلاااااام

لان تبين الصج مب حلوة تخسره عشان الفلوس ونفس الوقت هاي تعبها ومن حقها اتخاف وبعدين سوااااااااااااالف الرجاااااااااااجيل هالايام مع المرة اللي تساعدهم غير عن ايام اول والله انهم ماااااااايطمنون

 

[munaaa]

تصرفها صح حبيبتي

ولا تخليها توافق انها تعطيه بدون ظمانات نهائيا
لانها ما تضمن يمكن بكرة يجهز البيت ويجيب زوجه ثانيه

انا ريلي طلب مني انا نتساعد في بناء بيت فوافقت بس بشرط انه يكتب البيت باسمي بروحي
فالبدايه رفض وقال يمكن تطرديني ف يوم قلتله مستحيل لاني احب ومن هالكلام
قال طيب بكتب النص باسمي والنص باسمج
ما وافقت قلت له باسمي وبس
واقنعته كالتالي

قلتلله ..... انا بصراحه احبك مووت وابي نعيش مرتاحين فبيتنا بروحنا بس انا ما اظمن المستقبل ما ذكرتله ناحية الخيانات وهالجانب ..قلتله الواحد ما ضامن عمره متي يموت يمكن يومي قبل يومك ويمكن يومك قبل يومي واذا انت بكره لا قدر الله وصارلك شي ومت بيجوا اهلك وبيطلعوني انا واولادي من البيت

وعطول اقتنع ووافق .....وجلس يكرر بروحه كلامي يقول صج كلامج عشان اضمن مستقبلج ومستقبل اولادج بكتبه باسمج

سوي مثلي انشالله يوافق