هل ترضين به زوج؟؟؟انا رضيت بس ...

دمعتي عطر العشق الله يجزاكم الجنه امين

انا الحمدلله استخرت ربي
بس الملكه طولت وابليس يحن فوق راسي مخليني ما اشوف فدامي الا عيوبه
حتى هو صار يقولي نظرتك للامور سوداويه
 
الؤلؤه المكنونه قال:
طبعا اول شي بسويه لو كنت مكانك بستخير واكييد كل بنت بتقولك استخيري وثاني خطوه راح تكون انك تحاول تعرفي كيف وضعك لما تتزوجيه يعني اولاده وكيف الحياة راح تصير وانا افضل انك تتناقشي معاه قبل الملكه على هذه الامور افضل
طبعا الرجال مايعيبه شي على قولة الناس بس انتي شوفي نفسك هل تقدم لك احد قبل؟ هل كانو افضل او اقل منه؟
جوابيها بينك وبين نفسك
ولاتنسي الرسول قال اذا جائكم من ترضون دينه وخلقه فزوجوه
تحياتي
الؤلؤه المكنونه
أنقر للتوسيع...
حبيتي الله يوفقك انا من رائها
 
بوافق بشرط إنه ما يستخدم المعسل في البيت و لا أشم ريحته

جربي تكلمينه أو ترتبون شوفه شرعيه ... راح يبان لك إنك ترتاحين له أو لا
الله يوفقك يارب

بسمة
 
لو انا منك كان على طول وافقت والمعسل ما هو عيب كبير عشان لاجله تهونيين
توكلي وان شاء الله ماتندمين................
 
اذا كان يصلي ومحافظة عليها واخلاقه زينة وعرفت سبب طلاقه وسبب مقنع لاترفضيه وانصحك تستخيري كل يوم لحد ماتشوفي نفسك ارتحتي وادعي الله اذا خير لك يجعله من نصيبك واذا موخير يبعده عنك ولاتردي الابعد رمضان قولي لاخوك محتاجة افكر ارد بالعيد اوقبل العيد بكم يوم وترا المعسل متل الدخان ادعي الله يهديه يتركه احنا برمضان اوقولي لاخوك شرطي يترك المعسل وترا كل عيال هالزمن يعسلوا اخواني كلهم يعسلوا والبنات من جماعتنا يتمنونهم الله يكتب لك الخير حيث كان ويوفقك وادعيلي تتم خطوبتي
 
الله يهديك انتي ملكتي انا احسبك لسى اجل كلميه وبينله انك تخافي عليه وانوتهمك صحته وان هذا الشي حرام وبالكلمة الحلوة راح يتركه انشاالله ولاتنظري لعيوبه بس انظري لمحاسنه الاخرى وانصحك بالاستغفار بنية الله يوفقك معه ويترك المعسل وشوفي النتيجة وربي معجزة مجربة
 
دلع المدينه الله يجزاك الجنه ويوفقك ....ايوه انا ملكت بس حبيت اشوف انا صح لما وافقت عليه وهو يعسل
وحبيت اشوف راي البنات في الشاب الي بيعسل
انتو ماانتبهتو للموضوع انا ذكرت اني وافقت بس ...
 
الله يوفقك ويسعدك معه يارب بحق هذاا لشهر ويسخره لك ويهديه ويترك المعسل وانتي ادعيله والحي بالدعاء ربنا كريم
 
استخيري
ثم

عن ابي هريره :(أن رجلاً خطب امرأة فقال له النبي صلى الله عليه وسلم : انظر إليها فإن في أعين الأنصار شيئاً) رواه مسلم، فهذا الحديث يدل على أنه ينبغي للخاطب أن ينظر إلى مخطوبته لئلا يكون فيها عيوب.

انتي انظري اليه فان ارتحتي اليه فتوكلي ع الله

اما عن المعسل ان شاء الله بتركه واذا ماتركه انتي تقدرين تغيرينه


الله يوفقك دنيا واخره
 
أنا أشوف انك توافقين بس طول فترة الخطوبة بيني له انه انتي تبغين تنجبين اطفال اصحاء وسليمين ومافيهم ربو وامراض صدر ومناعتهم قوية
وارسلي له صور عن الرئتين من اثار التدخين والشيشة خليه يخاف شوية
 
دموع متحجره قال:
هههههههههه ما شالله عليك شكلك تحبين الزعتر كثير ذاكرتك اوكي الله لا يغير عليك
أنقر للتوسيع...
دموع متحجره قال:
شوفي اختي الملكه طولت وانا من يومين اكتشفت فيه شي جديد وكل يوم يطلع براسي موال
مره احس انه احسن واحد ومره احس انه داهيه ومره يمثل ويالله ليييييين اعرس واكفشه علا حقيقته وقتها كلن بيطلع علا حقيقته
هاليومينماسكه معه يقول سولفي وتكلمي عن امورنا الي تخصنا ملينا من الكلام العام (وش اسولف اقول؟؟ اكذب عليه عصرت راسي ماطلع شي )
أنقر للتوسيع...

ههههههههههههههههههه معروف يادموع اذا طولت الملكه تكثر المشاكل والتردد بس لايهمك

لانك حساسه هالفتره واي شي صغير تشوفينه خراب دياار عادي يابنت الحلال مشي وضعك وامورك وصدقيني بتضحكين على نفسك بعدين ونظرتك لللامور

عن نفسي بغيت افك ملكتي على موضوع استحي اقوله هنا من تفاهته تخيلي كنا نقضي اثاث للبيت

وكنب الجلوس لونه زي الزيتي < قبل عشر سنين كان الموضه

وشفت تمساح في محل ديزني وانا ماره نفس لون الكنب قلت هذا حلو نحطه مع الجلوس << تكفا ياسفاري

هو ارتبك قال بعدين اجيبه مالومه قيمته خمس ميه ريال < قبل عشر سنين تساوي شي وشويات

المهم حسيت انه بخيل ومايشري لي كل شي ابغاه < يالبزرنه

وقعدت ابكي ومنا ومنا الله يعطيني العقل بس

المهم طلعها من عيوني بعدين ولالعبه اشتريهاا الحين من الخرعه هههه

فحاولي ياطويله العمر تتعاملين بالعقل مو العاطفه وتكلمي بامور خاصه زي وش يحب وش يكره

طبعا بيتفلسف ويخربط عليك بس تحملي

ومن ناحيه عصره المخ لاتتعبين نفسك ماراح يطلع شي دامك تتكلفين خليك طبيعيه والله يوفقك يارب
 
التعديل الأخير:
حبيبتي ترى المعسل ما هو عيب بالعكس اهم شي اخلاقه وما فيه رجال بالهزمن ما يدخن ولا يعسل ياحليلك هذا ما هو عيب العيب الاي يجيك يشرب او يستعمل مخدرات

بالعكس وافقي عليه وانتي مغمضه
 
طفله بريئه همس الخيال* Miis سنتين مروا علي ليل الهمس

الله يجزاكم الجنة ويوفقكم يارب

وحبيت اقول للي ما فهمو الموضوع زين انا انا استخرت ووافقت وتملكت
بس حبيت اشوف راي البنات في الشاب الي يعسل
رايها لوتقدملها هيا...واشكر الجمييييع بلا استثناء علا التفاعل والنصيحه الله لا يحرمكم اجرها
ودمتم سالمين
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل