هل تتنازلين عن شهر العسل؟

[قيثارة الصمت]

كنلنا نعرف اهمية شهر العسل للبنت وكيف تحلم فيه بشكل رومنسي مع حبيب المستقبل..
فعندي سؤال على الطاير ويهمني جوابكم فيه بكل صراحة..

لو خطبك واحد(او لو زوجك -للمتزوجات)وقالك ترى مافيه شهر عسل عشان انا ظروفي المادية ماتسمح -او لأي سبب- لأني دفعت مهر وذهب وغيره وأثثت لك شقة و,,و,,و,,

هل ممكن تتنازلين عن شهر العسل ؟او تطلبين منه يتدين(يقترض) فلوس عشان تسافروا او ترفضين الزواج منه ؟ او ايش ممكن تسوين في هالحالة؟

:icon1366:

 

[**بحر الأمل**]

والله انا بالنسبه لي تنااازلت
بس ندماااانه لانه هذه الايااام ما تتعوض وفرصتها حلوه اما الحين صعب نسااافر

بس انا الى الان مطااااالبه سفره تعويضااا عن شهر العسل لو بعد عشر اسنين المهم اذا ربي اراد وطول بالاعمار
ان شااء الله راح اطالب بسفره بس الله ييسر امورنا

 

[قيثارة الصمت]

بحر الأمل ..
اشكر لك تجاوبك السريع..

بس هل تتوقعين انه حتى لو سفرك بعدين راح تكون السفرة بحلاة السفر الأساسية ..
يعني هل لو طلبتي سفرة تعويض بدل شهر العسل هل راح تكون كافية لك او تعويض مناسب عن شهر العسل ..
لأني اشوف ان المشاعر اللي بينكم في بداية الزواج والحيا والتساؤلات مستحيل تصير نفسها بعد فترة

فأيهم احسن تتنازلين ويسفرك بعدين سفرة عادية كتعويض؟
او ماتتنازلين وراح يسمع كلامك يمكن في ذيك الفترة لأنك لسى جديدة وغالية عليه؟
والله يديم الغلا والمحبة بينكم يارب وبين كل المتزوجين

 

[**بحر الأمل**]

هي اكيد حبيبتي ماراااح تكون زي سفره شهر العسل لاني وقتها عروس جديده والمشاعر حلوة وأنا ما تناازلت الا عشان مادياااته تعرفين بعد الزوااج أغلبيه العرسااان طفرااانين ومن جد الحين انا ندمااااانه واقول ساعات ياليتني قلتله تسلف لانه الحين في مسؤليااات اكثر عندي ولد الله يحفظه ومسؤليات الحياه تعرفين وعلى قولك المشاعر مو زي اول
بس إذا ربي يسرها وتسهلت بإذن الله بسافر وكمان هو واااعدني والله ييسر الأمور

 

[الـ غ ـاويهـ]

> لو كنت مخطوبة و على وشك العرس <

أكيييد بتنازل ..

مب معقولة أخلي ريلي يتسلف بس عشاان السفرة

كفااية انه صرف على العرس و بعد ازيد عليه

اصلا شهر العسل بإيدنا نخليه حلو

>_^

مب شرط السفر يكون محليه

اذا تبين تكونين بعيدة عن الأهل و المدينة اللي تعودتي تعيشين فيه

بدال ما تسافرين برع > عشان المادية < حوطوا ف البلاد او احجزوا شاليه

و استانسوا هنااك

اعرف كل وحدة حلمها تساافر شهر العسل

بس لما تفكرين فيها زين تبداين زواجج بإنج تخسرين ريلج و تخلين عليه ديوون

بتحسين انه حياتج ما بدت بدااية حلووة

بتنظرين ريلج لين ما يسدد الديوون و ما ادري شو

كل اليوم و الثاني تفكرين متى بيخلص ها الدين و تفتكوون

ليش تخلوون هم ما يستاهل انكم تفكرون فيه يدخل ف بدااية حيااتكم

هذا كان جزء من وجهة نظري

و لي عودة

^^

 

[&لحظه صمت&]

اكيد راح اتناازل
اهم شي اننا نكون مع بعض بااي مكاان
مو معقووله اضغط على زوجي وسيله هم الديوون
علشاان سفره
وبعدها راح يعيش يهم وكدر ونكد كيف يسدد الديون

 

[محبة مكة]

نعم اتنازل واترك الامر للع
من ترك لله شيئا عوضه الله خيرا منه

 

[محبة مكة]

قصدي لله والخطأ في الاملاء

 

[ملآك]

بالنسبة لي ما رح اضغط عليه ورح اكون مقدرة الضروف خصوصا في بداية الزواج

لأن المتعة في التوافق بين الزوجين وليست في شهر العسل .. صحيح لها ذكريات ونكهه خاصة لكن مو من اسباب سعادتك

..

وتعقيبا على كلام بحر الأمل

احس انو السفر في بداية الزواج رح يكون مبني على مجاملات كثير وحياء

اش الفايده اذا ما فللللليييييييتها وانبسطت و اخذت واعطيت ( رح يكون الحياء غالب في هذي الفترة ) والا ؟؟

اما بعد ما تطيح الميانة رح تكون الرحلة احلى بكثييير

وهذي كانت وجهة نظري لزوجي في بداية زواجنا

معايا ؟؟

 

[**بحر الأمل**]

حبيبتي ملاك صحيح انو السفر في شهر العسل يكون فه مجاملات وحياااء زياااده بس هذي الشئ شعور حلو وجميل بين الزوجين وانه شهر العسل ماراح يتعوض.... صحيح ممكن تجي سفراات اخرى بس شهر العسل من نوع اخرلاني عروس والعروس ودهاا تسوي كل شي عشان كذا كل ما شفت عروس نصحتها وقلتلها سااافري وتمتعي مو معناااتو انها تضغط على زوجهااا يتدين بس تحاول إذا امكن وتيسر الامر يعني مثلا يقولها زوجها أيام الخطبه ودك تساافرين ؟؟تقوله هي والله حبيبي على رااحتك محل ما تروح بروح معاااك... لا تدخل عليه عرض تقوله ايوه بسافر زي العرساااان طبعاا إذا وضعه المالي تمام ....
معليش طولت عليكم

 

[محرومه من زوجي]

انا اذكر اني اول وحده ردت على موضوعك...كيف اختفى الله اعلم..
المهم...عادي التنازل عن شهر العسل....
انا ماتنازلت عن شهر العسل بس...انا تنازلت عن كل الشهور...انا حتى يوم الزواج تنازلت عنه مو مثل الناس...
كان يوم الزواج وشهر العسل خلف الاسلاك الشائكه والقضبان...
اهم شي السعاده..وش بتستفيد الوحده اذا سافرت شهر العسل...واذا رجعت بدت المشاكل...

 

[سحاب الملح]

بالنسبه لي ماتنازلت بكيفي
فيه ظروف اجبرتني اني اتنازل وهي مرض عمي ابو زوجي ووفاته وحنا لسه عرسان

بس لو مافيه ظروف زي كذا والله ماتنــــــــــــــــــازل.........غصب يسفرني>>>>>>كأني شغاله ههههههههه

 

[ليالي الجنوب]

اتنازل وبعدين بعد الزوج وتعديل الاوضاع نعوضها طبعاً ماراح تكون زي شهر العسل بس ريحة بو علي ولا عدمه00

 

[شموخ الألماس]

انا اكيد رح اتنازل <<<<< مخطوبه
لاني امووت بزوجي واحبه ومااحب اكلف عليه
والايام قدامنا يعني اذا ماسافرنا بشهر العسل
بس يصير عندنا مبلغ نقدر نسافر اكيد مارح يبخل علي
تقبلو مروري / نانا

 

[خان وذليته]

والله لاقعد ابكي عنده الين يوديني هذا اذا زوج المستقبل تعذر بظروفه ياويله

 

[سونيا الأردن]

بالنسبة إلي يا خوات وراح تستغربوا انا ما كان بدي شهر عسل لانو خيرني بين شهر عسل او سيارة فأنا اخترت السيارة بس بعدين ندمت وزوجي دايما مشغول ما بيقدر ياخذ اجازة حتى لو يوم وانا مقهورة بدي اسافر المهم عملت شهر عسل واخيرا بس مش مع زوجي مع اولادي واختي هو حلو الشعور تسافري بدون زوجك الحكي للي صارلهم متزوجين من زمان مش الجداد لانو بس ترجعي بتحسي انو مشتاقلك وبتجددوا شهر العسل بالبيت وصدقوني يل بنات الشاطرة هي اللي بتخلي ايامها مع زوجها طول الوقت شهر عسل مع تمنياتي للجميع بحياة زوجية موفقة

 

[قيثارة الصمت]

هي اكيد حبيبتي ماراااح تكون زي سفره شهر العسل لاني وقتها عروس جديده والمشاعر حلوة وأنا ما تناازلت الا عشان مادياااته تعرفين بعد الزوااج أغلبيه العرسااان طفرااانين ومن جد الحين انا ندمااااانه واقول ساعات ياليتني قلتله تسلف لانه الحين في مسؤليااات اكثر عندي ولد الله يحفظه ومسؤليات الحياه تعرفين وعلى قولك المشاعر مو زي اول
بس إذا ربي يسرها وتسهلت بإذن الله بسافر وكمان هو واااعدني والله ييسر الأمور

بحر الأمل ..
الله ييسر اموركم وتسافرون سفرة حلوة ماتنسونها ويخلي لكم ولدكم ويحفظه..
والله يديم بينكم مشاعر المحبة يارب:cupidarrow:

 

[قيثارة الصمت]

> لو كنت مخطوبة و على وشك العرس <

أكيييد بتنازل ..

مب معقولة أخلي ريلي يتسلف بس عشاان السفرة

كفااية انه صرف على العرس و بعد ازيد عليه

اصلا شهر العسل بإيدنا نخليه حلو

>_^

مب شرط السفر يكون محليه

اذا تبين تكونين بعيدة عن الأهل و المدينة اللي تعودتي تعيشين فيه

بدال ما تسافرين برع > عشان المادية < حوطوا ف البلاد او احجزوا شاليه

و استانسوا هنااك

اعرف كل وحدة حلمها تساافر شهر العسل

بس لما تفكرين فيها زين تبداين زواجج بإنج تخسرين ريلج و تخلين عليه ديوون

بتحسين انه حياتج ما بدت بدااية حلووة

بتنظرين ريلج لين ما يسدد الديوون و ما ادري شو

كل اليوم و الثاني تفكرين متى بيخلص ها الدين و تفتكوون

ليش تخلوون هم ما يستاهل انكم تفكرون فيه يدخل ف بدااية حيااتكم

هذا كان جزء من وجهة نظري

و لي عودة

^^

كلام سليم 100%
وان شاء الله تنخطبي وتتزوجي وتسافري احلى شهر عسل يارب ومايكون على زوجك ديون
والله يكملك بعقل يارب

 

[قيثارة الصمت]

لحضة صمت..
شاكرة لك ابدأ رأيك وكلامك صح
وان شاء الله ماتحتاجين تتنازلين

--------------------------------------

محبة مكة..
ونعم بالله والله يعوضك
ويرزقك احلى شهر عسل ..اقصد شهور عسل وحياة كلها عسل في عسل يارب

 

[قيثارة الصمت]

ملاك..
كلامك على العين على الراس ..
وانا معاك اني ما اضغط عليه عشان شهر عسل لأنه بعدين بيضيق علي عشان يسدد الدين
لكن شهر العسل طعمه في الحياء اللي فيه وانا مع بحر الأمل..
انا متزوجة وسافرت بعد الزواج مباشرة.. وصح استحي حتى اقوله اني تعبت بجلس او وقف بدخل هالمحل ولا بشتري هالشي او حتى اطلب الأكل اللي ابي بكل راحة او اختار مطعم احبه
بس بعدين تكون ذكرى حلوة ..ومستحيل تكون اي سفرة مثلها ..
حتى لو كنت متعلقة بأهلك وودك ترجعين لهم اليوم قبل بكرة او كل يوم تبكين
يبقى شهر العسل له نكهة خاصة ..مستحيل تتكرر بأي سفرة ثانية او وقت ثاني

وعلى فكرة هالحيا هذا راح يكون بينكم حتى لو ماسافرتوا ..
بس طعمه بالسفر غير لأنك كل ماتذكرتي المكان اللي سافرتي له تذكرتي تصرفاتك وتصرفاته
ويصير له ذكرى خاصة