هل تؤيدون وصول الموضوع للشرطة ؟؟

م

متى تشرق شمسك

New member
إنضم
2010/12/09
المشاركات
36
السلام عليكم انا سبق وكتبت لكم هنا عن زوجي العاطل الكسول البليد وانه يضربني ويهينني لاني معلمة يبغى يكسر كرامتي دايم.....
المهم تطور الموضوع وله شهر ماخذ عيالي يلوي ذراعي بهم ,,,,
لي شهر ماشفت عيالي صغار 6 سنين واربع سنين هو والشغاله والعيال لحالهم في الشقة
ويقول لاخوي اذا تبي عيالها تجي تشوفهم في الشقة...
وش رايكم ابوي يقول نجيب عيالك بالشرطه لانهم من حقك وهو دايم يتجبر ويلوي ذراعي بالعيال حسبي الله فيه وكفى....
انا متماسكه والدوام يسليني بس زي اي ام اخاف ماعاد اشوفهم لان اخوه طلق وحرم زوجته من عيالها ماشافتهم سنتين يعني جباااااارين الله حسيبهم....
وش رايكم ماينفع معاه الا القوة والشرطه تجيب لي عيالي اشوفهم
ابغى تجاربكم تكفوون مهمومه...
ادعووووا لي ارجوكم
ام مشتاقة...
(لا اله الا انت سبحانك اني كنت من الظالمين)
(ربي اني مسني الضر وانت ارحم الراحمين)
 
طبعا كلام الوالد سليم مافي حل الا بالشرطة
ـ وانتبهي تروحين لبيته لحالك لايكون مدبر لك مكيدة لاسمح الله او يضربك او اي شي لاتستبعدي
ـ والله يطمنك بشوفة اولادك ويريح قلبك وعليكي بالاستغفار والله معاكي
 
اكيد وصليها للشرطة
مايفك الحديد الا الحديد
وخلي الجبروت ينفعه
وبعدين كيف تخلين الشغالة معاه
مررررررررررررررررررة صعبة
 
لا حول ولا قوة إلا بالله العلي العظيم
رددي غاليتي دائما حسبي الله ونعم الوكيل 0000الله يصبرك ويجمعك بأولادك في أسرع وقت 0000ويهدي زوجك ويسخره لك
 
لا حول ولا قوة إلا بالله

الجأي لربك بالدعاء

وحاولي تدخلي أحد كبير من العائله يكلمه إذا ماتجاوب

مالك غير الشرطه وخصوصا أنهم لسه أطفال

وبعدين مو أهل لحضانتهم وهو لا وظيفه ولا هو حق مسئوليه

الله يفرج همك وتقر عينك برؤية فلذات كبدك

اللهم آمين
 
نعم أؤيد وبقوووه لكن الإجراءآت تختلف من بلد لبلد فيهم اللي يبرد قلبك وفيهم اللي الله يعينك مع إن القانون معك إنتي من أي بلد ؟
 
مشكورات اخواتي
انا في الرياض وكلم ابويه ابوه وقال له لاتخلونا نوصلها للشرطه بس الاب مايقدر في زوجي جبااااااااااار
ابغى تجاربكم ؟؟ وهل الشرطه تقدر تجيبهم لي وهو مافيه طلاق بس زعله ....
تكفون طمنزني....
 
حبيبتي وصليها للشرطه
هذا حقك
وايش اللي العيال مع الشغاله
وبعدين الشغاله خليها عنده خليه يتحمل راتبها دامه كفيلها
 
اختي الغاليه لازم يكون في شي يخاف منه والي هو الشرطه هو جالس يذلك يبيكي ترجعي لكن لو قبلتي بكلام اهلك
الرجال يعرفوا لبعض والاكيد لو جبتي عيالك بالشرطه مارح يظر الا زوجك والمستفيد انتي وعيالك
هل تتوقعي بعدهم عنك وجلوسهم مع ابوهم والشغاله شي زين لنفسيتهم ولحياتهم
 
الله يهديكم ليش الشرطة !!!

وليش نطرتي لين المشاكل تطورت للضرب وللحرمان من عيالج والشرطة !!!

دخلي واحد حكيم من العيلة في الموضوع وتفاهمي مع زوجج باللين ... لا حول ولا قوة الا بالله ,,,قلبي يعورني على هالمشاكل ,,,

حبيبتي بعد هاي أبو عيالج ويمكن مضغوط ويتصرف هالشكل ...حاولي انج تحتوين المشكلة ,,,لا تتطلقين وفكري قبل كل خطوة ,,,الله يغير ولا يتغير ,,,

لا تضغطين على زوجج وتفاهمي معاه ,,الله يسخره لج وتبشرينا بأخبار طيبة عنكم ...
 
مثل ما قالو الأخوات دخلي الشرطه وتوكلي على الله
وترى لو زوجك عاطل عن العمل الحضانه تكون من نصيبك
وهذا الي ماشين عليه محاكم السعوديه.....
الله يفرج همك ويوسع عليك ااااااااامين.
 
حسبي الله ونعم الوكيل فيه وفي اهله كيف يعملون هيك ويحرموا الام من اولاده عيييييب وحراااااااام
بعدين اولادك حقك انتي شرعا وقانونا و لو تدخلت الشرطة
بس كوني عارفة ان اذا تدخلت الشرطة يعني رح يكبر موضوعك وومكن ما يرجعك للبيت
اذا تبين تردي بيتك تفاهمي معاه واذا مو مقررة الرجعة خلاص جيبي الشرطة و اتكلي على الله
 
الجباااااااار هو الله سبحانه وتعالى ،، ومافيه قوي الا فيه الي اقوى منه ،،
امن يجيب المظطر اذا دعاه ويكشف السوء الجئي لربك وادعيه ،،
وهذه الحياة مليئة بالمنغصات ،، والله يجمعك مع اولادك مالهم ذنب
 
حبيبتي ممكن تروحين حقوق الأنسان وتطالبين بعيالك ماله حق ياخذهم ويحرمهم منك وخاصةأن الحضانة في هالمرحلة من حقك
،جبار وظالم القانون ياخذ لك حقك منه

​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل